2 Peter 1:1 - Zo Bible

¹ Jesu Khris’ nasem le sawltahpi ahi Simeon Peter in, i Pa Pasien le hundampa Jesu Khris’ dihna tungtawnin kote’ upna za ma a ngasa mite tungah lai kang hlah hi:

LAISIENGTHOU CL Bible (BSI)

¹ Simon Peter, Jesu Khrist suoh leh sawltah in, Pasian leh i hundampa Jesu Khrist dihtatna zal a ginna manpha itan bang tangte kungah:

Zokam International Version

¹ Jesu Christ nasem le sawltakpi Simon Peter in, Eite Pasian le i Honpa Jesu Christ thumaanna tungtawnin kote aa banga a manpha upna a ngahte tungah:

2 Peter 1:1 Iomraidhean Croise

Isaiah 12:2

A tahtahin Pasien khu keima’ kihutdamna ahi hi; keima in ama ka muong ding a, ka zau vawt sih ding hi, bangzieh ahei cile Topa Pasien khu ka thahatna le ka vanglietna ahi hi; ama ka kihutdamna a suoh hi.

Jeremiah 33:16

Khum ni ciengin Judah khu a kihundam ta ding a, Jerusalem lungmuong tahin a teng ding hi. Tuale ama a kihlat nading a min: “Topa, Eite’ Dihtatna,” kici ding hi.

Matthew 10:2

Tam teng pen sawltahpi sawm le nite’ min ahi hi: A masa penin, Peter zong a kici pa Simon, a sanggampa Andrew; Zebedee’ tapa James, le a sanggampa John;

Matthew 4:18

Galilee Tuipi gei-ah Jesu a pei laitahin ama in unau pasal ni, Peter a kici Simon le a sanggampa Andrew-te tuipi-ah lenpai-a om a mu hi, azieh pen amate ngabeng ahi uhi.

Luke 1:47

ka hundam pa Pasien sungah ka hlagau a kipah hi.

Luke 11:49

Tua ahi ziehin Pasien’ pilna laibu in zong, ‘Amate kungah kamsangte le sawltahpite ka sawl ding a, amate in tua mite pawlkhat bawlsie-in that ding uhi,’ a ci hi.

John 1:42

Ama in Jesu kungah Simon peipi a, Jesu in ama enin, “Nang, John’ tapa Simon na hi hi. Cephas ang kici ta ding hi,” a ci hi. ( Peter ci-in kilet hi).

John 12:26

Ka na a sem poma in ka nua ei zui kul a, ka opna ah ka nasempa zong a om ding hi. Ka na a sem poma Pa in a patawi ding hi.

John 20:21

Jesu in amate kungah, “Note tawh nopna om taheh. Pa in kei ei sawl bangin note kang sawl hi,” a cikia hi.

Nasepte 15:14

Pasien in a min adingin amate sung panin kimkhat a teelkhiet nadingin, a masa-in bangci bangin Gentile-te tungah maipha pie ahei ci thute Simeon in ang gen zo ta hi.

Rome-te 1:1

Pasien’ lungdamna thu gen dinga ei kituomkoi, sawltahpi dinga ei kihlan, Jesu Khris’ nasem keima Paul in kang hopi uhi.

Rome-te 1:12

Tua ahi sihle note’ upna le keima’ upna khatlekhat tha i kipieh thei nading ahi hi.

Rome-te 1:17

“Midih pa in upna tawh a nungta ding hi,” ci-in a kigiel bangin lungdamna thu sungah upna tawh Pasien’ dihna ang kilang hi.

1 Corinth-te 1:30

Ama pen Khris Jesu sungah na hinna zungpi uh ahi a, Pasien in Khris pen i pilna, i dihna, i sienthona le i kitatkhietna a suohsah hi.

1 Corinth-te 15:9

Bangzieh ahei cile kei pen sawltahpite lahah a gina lo pen ka hi a, Pasien’ hlattuom pawlpi ka bawlsiet ziehin sawltahpi ci dingin zong a kilawm ka hi sih hi.

1 Corinth-te 9:1

Kei a suohta mi hi lo ka mah? Kei sawltahpi khat hi lo ka mah? I Topa Jesu mu zo hi lo ka mah? Note zong Topa sunga ka nasep hi lo na hi uh amah?

2 Corinth-te 4:13

Hizongle, “Keima in ka um a, tuaci’n ka genkhie hi,” ci-a kigiel Lai Siengtho dung zui-in upna hlagau kibang ka nei ziehun kote in zong umin ka gen uhi.

2 Corinth-te 5:21

Ama sungah Pasien’ dihna ka tan thei nadingun, mawna a thei lo pa pen kote tang dingin Pasien in mawnei mi a suohsah hi.

Galatia-te 2:8

(Bangzieh ahei cile a tep kitansate dinga sawltahpi a suosah ahi Peter tungtawnin na a sem pa in kei tungtawnin zong na hing semin Gentile-te adingin ei sawl a,)

Ephesa-te 3:5

Tuhun ciengin a siengtho ama’ sawltahpite le a kamsangte tungah tami thuthuh a kitheisah bangin nidang khang hunin mihingte tungah na kitheisah kha lo hi.

Ephesa-te 4:11

Ama’ pieh letsongte ahile pawlkhat sawltahpite, pawlkhat kamsangte, pawlkhat lungdamna thu gente, pawlkhat pawlpi kem siete le laihil siete hi a,

Ephesa-te 4:5

Topa khat, upna khat, baptize-na khat,

Philippi-te 1:1

Khris Jesu’ nasemte ahi Paul le Timothy in, Philippi khuo-a om Khris Jesu sunga misiengthote zosie a kipan hlattuom pawlpi makaite le upate tungah:

Philippi-te 1:29

Azieh pen ama in Khris na up nading beh uh hi loin, ama adinga na thuoh thei nading uh hamphatna zong hepina tawh note tungah ang pie zo ta hi.

Philippi-te 3:9

ama sungah ei kimu thei nading ahi a, thukham pana ang pei keima’ dihna a nei ka hi sih a, Khris upna tungtawnin Pasien pana ang pei upna bulphu dihna a nei ka hizaw hi.

2 Timothy 1:5

Lungsim tahpi tawh na upna ka phawh a, na pi Lois le na nu Eunice sungah tua upna na nungta masa-in, tu-in nang sungah ang nungta hi, ci thu ka theicien hi.

Titus 1:1

Pasien’ nasem le Jesu Khris’ sawltahpi keima Paul in, Pasien’ teeltuom mite upna zieh le Pasien’ mi hina tawh kituoh thuman thutah ziehin,

Titus 1:4

eite in i neiton uh upna sungah ka tapa tahtah ahi Titus tungah lai kang hlah hi: Pa Pasien le i Hundampa Khris Jesu tung panin hepina le lungmuonna na tungah hing tung taheh.

Titus 2:13

a lien i Pasien le i hundam pa Jesu Khris vanglien tahin ang kilah nading a manpha lametna ngahin i om uhi.

James 1:1

Pasien le Topa Jesu Khris’ nasem khat ahi keima James in, a kithethang Judah minam sawm le nite: kang hopi uhi.

1 Peter 1:1

Jesu Khris’ sawltahpi keima Peter in, Pontius gam, Galatia gam, Cappadocia gam, Asia gam, le Bithynia gamte-ah galtai-a a Kithethang Mite kungah lai kang hlah hi.

1 Peter 1:7

tua in mei tawh a kisittel zaw cienga a kisie thei kham sanga a manphazaw na upna tahtah uh hing kilangsahin, Jesu Khris ang kilaa ciengin phatna, minthanna le patawina na nga thei nading uh ahi hi.

1 Peter 2:7

Tua ciengin no a um mite adingin ama manpha a, ahi vangin a um lo mite adingin ahile, “Inn lamte’ nilkhiet suong, innkiu suong bulpi a suoh zo hi,”

1 Peter 5:1

Tu-in keimama upa khat hi-in Khris’ thuohnate teci a pang pa, ang kilang ding minthanna zong a nga ding pa in note lahah a om upate kang hanthawn hi.

2 Peter 1:4

Tua bangin ama in eite tungah a manpha le a thupi mama kamciemte ei pie zo a, tua kamciemte tungtawnin lunggulna hang tawh leitunga om kisietnate panin note suohta-in Pasien’ pienzie a neite na suoh ta uhi.

Jude 1:1

Jesu Khris’ nasem khat le James’ sanggam pa Jude in, Pa Pasien sunga it le ngaite le Jesu Khris dinga a bihtaha kikem a kihlansate tungah lai kang hlah hi: