1 Samuel 9:2 - Zo Bible

² Ama in Saul kici tapa khat nei a, tangval meihoi khat ahi hi. Israel mite lahah ama sanga a melhoizaw koima om lo hi; midang zosie ama’ liengko cieng beh a pha uhi.

LAISIENGTHOU CL Bible (BSI)

² Tualeh aman tapa khat aneia, amin Saul ahi, tangval deihuoitah leh melhoitah ahi. Israel tate lah ah ama sanga duong ching leh melhoi koima aum sih hi: aliengkou sanga sang zaw koima a um sih hi.

Zokam International Version

² Amah in Saul min nei tapa khat nei a, Israel-te lakah amah tawh a kikim om loin - a dangte sangin a liangko tungsiahin a sangzaw hi.

1 Samuel 9:2 Iomraidhean Croise

Piancilna 6:2

Pasien’ tapate in amate hoi a sa uhi. Tuale amate in a dei zosie uh telin zi-in a la uhi.

1 Khangthute 8:33

Ner pen Kish’ pa, Kish pen Saul’ pa ahi a, Saul Jonathan, Malchishua, Abinadab, le Esh-baal’ pa ahi hi.

Jeremiah 9:23

Topa in tam bangin ci hi: Mipilte in a pilna uh kisahtheipi sih uh hinlen, mi hatte in a hatna uh kisahtheipi loin mihaute in zong a hauna uh kisahtheipi sih uheh;

Misimna 13:33

Khum munah Nephilim-te (Nephilim panin Anak-te pieng hi) ka mu uhi; amate lahah ko le ko ka ki-et ciengun khuombai cie behin ka kimu vua, amau’ ei muna-ah zong tua bangma ka hi lel uhi,” a ci uhi.

1 Samuel 10:21

Ama in Benjamin minamte a innkuon kuonin peipi a, aisanna tawh Matri innkuon kila hi. A tawpna-ah Matri innkuon a mi malin peipi a, aisanna tawh Kish’ tapa Saul kila hi. Hinanle ama a sui ciengun ama kimu zo lo hi.

1 Samuel 16:7

Hinanle Topa in Samuel kungah, “A melpuoh ahi sihle a duong sanna lam en sin, azieh pen keima in ama ka nuol zo hi; bangzieh ahei cile Topa in mihingte’ mu bangin a mu sih hi; amate in a putham melpuoh dan en a, hinanle Topa in lungtang a en hi,” a ci hi.

1 Samuel 17:4

Philistia-te’ giephuol panin Gath khuomi Goliath a kici a makai, a tun tong guh le khap khat a sang mipa khat a pusuoh hi.

1 Samuel 9:3

Tu-in Saul’ pa Kish’ laate a mang hi. Tuaci’n Kish in a tapa Saul kungah, “Naupang khat zawpi inlen, laate va sui ta un,” a ci hi.