1 Samuel 8:7 - Zo Bible

⁷ Topa in Samuel kungah, “Mite in na kunga ang gen uh thu zosie mang in; azieh pen nang ang nuol ahi sih a, amate tunga kumpi sem dingin kei ei nuol uh ahi zaw hi.

LAISIENGTHOU CL Bible (BSI)

⁷ Khumin Mangpa’n Samuel kungah, “Mipiten na kung a agen zousie khu zui in; nangma ahingdeilou zieh uh ahi sih a, atung ua leeng a um dingin, keima hing nuol ahizaw uhi.

Zokam International Version

⁷ Tuateh TOPA in, "Mi khempeuh in nang tunga hong gen ngai in; a kumpi dingun nang hong nial uh hi loin kei hong nial uh ahi hi.

1 Samuel 8:7 Iomraidhean Croise

Paikhiatna 16:8

Moses in, “A tunga na phunphun uh Topa in za zo ahi ziehin Topa in na tung vuah nitah cienga na neh dinguh sa, le zingmawng cienga khamtaha na neh ding uh an ang pieh ciengin kote bang ka hi uh ahei? Na phunphun uh pen kote tunga phun na hi sih vua, Topa tunga phun na hi uhi,” a ci hi.

Isaiah 66:4

keima in amate a simmaw bawl ding mi ka teelpieh ding a, amate tungah zauna ka tungsah ding hi; azieh pen ka hlat ciengin koima in ei dawng loin, ka hopi ciengin zong a ngai sih uhi; ahi vangin ka muna-ah amate a gitlo gamtat vua, ka deilo nate a teel uhi.

Jeremiah 34:14

“No kunga ang kizua, na na uh kum guh sung a semsa Hebrew mi kici poma kum sagina a cin sielin na hla ding uhi; noma’ na a sepna uh panin amate na hla valon ding uhi,” a ci hi. Ahi vangin na pu na pate un ka thu ngai loin a bil ei daw sih uhi.

Ezekiel 2:3

Ama in ka kungah, “Mihing aw, keima in a ledo minam, kei ei langpangin ei ledo Israel mite kunga pei dingin nang kang sawl hi; amate le a pu a pate un tuni cieng dongin keima ei langpangin a gamta khiel uhi.

Ezekiel 3:7

Ahi vangin Israel innkuonte in ka thugen a ngai nuom lo ziehun nang thugen zong a ngai nuom tuom sih ding uhi; bangzieh ahei cile Israel innkuon zosie in a sah talpang le a khau lungtang a nei uhi.

Misimna 22:20

Khum zanin Balaam kungah Pasien pei-in, “Nang ang hlan dinga tua mite ang pei ahi uleh tho inlen zui in; ahi vangin kang sawlte beh bawl in,” a ci hi.

Matthew 10:40

“No ang sang poma kei ei sang hi pai a, kei ei sang poma in kei ei sawlpa zong a sang pai ahi hi.

Luke 10:16

“Na thu uh a ngai poma kei thu ngai ahi a, no ang pampaih poma kei ei pampaih ahi hi; kei ei pampai poma kei ei sawlpa zong a pampai ahi hi,” a ci hi.

Luke 19:14

Ahi vangin a gammite in ama a muda ziehun ama’ nua-ah kamtai khat a sawl vua, ‘Kote ei uh dingin tam mipa ka dei sih uhi,’ a cisah uhi.

Luke 19:27

Ahi vangin amate tungah kumpi sem dinga ei dei lo ka galte tawh kisai-in amate tam sungah hing peipi unlen, keima muna-ah amate that un,’ ci hi,” a ci hi.

John 13:16

A tahtah a kang ci-in, nasemte pen a pupa sangin lienzaw lo a, a kisawl pa zong a sawl pa sangin lienzaw lo hi.

Thukhente 8:23

Gideon in a kung vuah, “Note kang uh sih ding a, ka tapa in zong ang uh sih ding hi; Topa in note ang uh ding hi,” a ci hi.

1 Samuel 10:19

Hinanle na gentheina ule na cimawnate pan vua note ang hunkhie na Pasien uh tuni-in nuolin, ‘Hi sih! ko tungah kumpi khat koi in,’ na ci uhi. Tua ahi ziehin tu-in na minam zui ule na be uh zui-in Topa mai-ah kilah un,” a ci hi.

1 Samuel 12:1

Samuel in Israel-te zosie kungah, “Ka kunga na thugen zosie uh ka ngai zo ta a, na tung vuah kumpi khat ka koi ta hi.

1 Samuel 12:12

Hizongle note sim dingin Ammon kumpipa Nahash ang kuon na mu ciengun, Topa na Pasien uh pen na kumpi uh hi napi note in kei kungah, ‘Hi sih, kumpi khat ma in ei uh ding hi bo,’ na ci uhi.

1 Samuel 8:22

Topa in Samuel kungah, “A thugen uh mang inlen amate tungah kumpi khat koi in,” a ci hi. Tua ciengin Samuel in Israel mite kungah, “Mi zosie na inn ciet vuah pei ta un,” a ci hi.

1 Samuel 8:8

Egypt pan amate ka peipi ni-a kipan tuni dongin kei ei nuasie-in pasien dangte’ na a sem vua, kei tunga ei bawl bangun nang tunga zong ang bawl uh ahi hi.