1 Samuel 2:8 - Zo Bible

⁸ Ama in leivui panin mizawngte phongto a; ama in ninphuol panin mi tasamte lamto hi. Uliente tawh amate totonsah a, amate a zatahhuoi tona a luosah hi. Azieh pen leitung khuompite Topa-a’ hi a, tuate tungah ama in leitung koi hi.

LAISIENGTHOU CL Bible (BSI)

⁸ Aman leivui apat migentheite atung dinga, vut vum akipat khutdawte aphongdoh a, miliente lah ah amauh apangsah a, thupina mangtoupha aluosah hi. Aziehpen leitung kingahna khuomte Mangpa a ahi a, Tuate tungah leitung buppi angam hi.

Zokam International Version

⁸ Mizawngte leivui panin phongto-a, a tasamte vutbuakna pan lamto hi; kumpi tapate tawhtukhawmsakin, pahtawina tokhom a luahsak hi. "Leitung bulpite TOPA aa hi a; tuate tungah leitung a nga hi.

1 Samuel 2:8 Iomraidhean Croise

Piancilna 41:14

Tua ciengin Pharaoh in Joseph hlansah a, ama thong mielpi sung panin mallang tahin kipeipi hi. Ama in a khamul heu-in a puon a khel zaw ciengin Pharaoh mai-ah a pei hi.

Piancilna 41:40

Ka inn sungah na vaihawm ding a, ka mite zosie in na thupieh bangin a gamta ding uhi; kumpi topha tawh kisai-in ahileh nang sangin kei ka lienzaw beh ding hi,” a ci hi.

2 Samuel 7:8

Tua ahi ziehin tu-in ka nasempa David kungah tam bangin na gen ding hi: Vanglien Topa in tam bangin gen hi: Lodawnna mun, tuute na zuina panin ka mi Israel tungah ulien dingin kang la hi;

1 Kumpite 16:2

“Keima in leivui panin nang kang domsang a, ka mi Israel tungah makai-a kang koi hi napi, nang in Jeroboam’ lampi ma zui-in ka mi Israel na mawsah a, a mawna utawh ka thangpai nadingin kei nei kuontaw hi.

2 Kumpite 9:6

Tuaci’n Jehu dingin inn sungah lut hi; tangvalpa in a lu tungah sathau sungin ama kungah, “Israel Pasien Topa in tam bangin gen hi: Keima in Topa’ mite ahi Israel tunga kumpi sem dingin nang sathau kang nu hi.

Job 1:21

Ama in, “Ka nu sung pan guohtangin ka suoh a, guohtang ma-in ka kilekia ding hi; Topa in ei pie a, Topa ma in a kilahkia ta hi; Topa’ min phatin om taheh” a ci hi.

Job 2:8

Job in a kikhuot nading beelkeh khat la a, vut lahah a to hi.

Phatna-late 102:25

Tanglai hunin nang in leitung bulpi na phut a, tuale vantungte na khut tawh na bawlsa ahi hi.

Phatna-late 104:5

Leitung a kilawh ngai nawn lo dingin a bulpite tungah na phut hi.

Phatna-late 107:41

hinanle a gentheina uh panin ama in tasamte lamto a, tuuhon bangin a innkuonpite a pungsah hi.

Phatna-late 24:2

azieh pen ama in tuipite tungah leitung phut a, gunte tungah kipsah hi.

Phatna-late 75:3

Leitung le a tunga tengte zosie a kithin ciengin, a khuompite a tudet pa khu keima ka hi hi. Selah

Phatna-late 75:4

Mi kiphasahte tungah, “Kiphasah sih un,” ka ci a, tuale migilote kungah, “Kidomsang sih un;

Phatna-late 75:7

Ahi vangin thukhen pa pen Pasien ahi bo a, ama in mi khat niemkhiehin, adang khat a lamsang hi.

Thuhilhna 4:14

Kumpi gam sungah a zawngsa-a suoh hi zongnanle thong sung panin suohta-in kumpi suoh thei hi.

Isaiah 22:23

Keima in munkip khatah van khaina bangin ama ka khendet ding a, a pupa innkuon dingin ama pen a zatahhuoi kumpi topha hi ding hi.

Daniel 2:48

Tua ciengin kumpipa in Daniel tawisangin letsong thupi tampitah pie a, Babylon gam buppi uhsahin, Babylon mipil zosie tungah uhpi pa dingin koi hi.

Daniel 4:17

Sangpen Pa in mihingte’ kumpi gamah thu nei pen hi, ci thu hinna nei zosie in a thei nadingin, thukhenna pen a cingte khensatna bangin kisem a, thukhenna pen mi siengthote’ thupiehna tawh kisem ahi hi; ama in a pieh nuomte tungah kumpi gam pie a, mi tuolniem pente tungah kumpi gam a pie hi,’ a ci hi.

Daniel 6:3

Daniel in koima’ bat zawh lo pilna a nei ziehin adang vaisaipite le gamkhen uhpite lahah kituom khai a, kumpipa in gam buppi vaihawm dingin koi sawm hi.

Hebrews 1:3

Ama in Pasien’ minthanna kilahna le Pasien’ hina bang lien puo a, a vanglien ama’ kammal tawh sil bangkim a tukip hi. Ama in mawnate adingin kisiensuona a bawl zaw ciengin sang pen muna om Vanglienpa’ zietlamah a to hi.

James 2:5

Kang it sanggamte aw, ngai un. Pasien in leitungah mizawngte pen upna lamah a hau ding le ama a it mite tunga a kamciemsa kumpi gam a luote ahi dingin teel zo hi lo amah?

Kilaakna 1:6

ama’ Pa Pasien nasem dinga kumpi le siempu ei suohsah pa tungah a tawntungin minthanna le uhzawhna om den taheh. Amen.

Kilaakna 22:5

Zan hun ci om nawn lo ding a, Pasien pen amau’ khuovah hi ta ding ahi ziehin amate in meivah tang le ni tang kisam nawn loin kumtawnin a mang den ta ding uhi.

Kilaakna 3:21

Keimama guolzo-in ka Pa tawh ama’ topha tungah ka toton ma bangin, a guolzo pa zong ka topha tungah keima tawh a toton thei nading mun khat ka pie ding hi.

Kilaakna 5:10

ka Pasien uh’ na a sem dingin kumpi za le siempu za na pie zo a, amate in leitung a uh ding uhi,” ci-in a sa uhi.

1 Samuel 15:17

Samuel in, “Nangma mi neuno khatin na kingaisut vangin Israel minamte’ lutang na hi sih amah? Topa in Israel tungah kumpi dingin sathau ang nu zo hi.