1 Samuel 16:1 - Zo Bible

¹ Topa in Samuel kungah, “Saul ziehin bang tanvei da ding na hei? Israel tungah kumpi dingin ama ka nuol zo ta hi. Na sathau bung sungah sathau a dimin thal inlen dingdawh in; keima in Bethlehem-a Jessi kungah kang sawl ding hi, azieh pen a tate lah panin keima dingin kumpi khat ka koi zo ta hi,” a ci hi.

LAISIENGTHOU CL Bible (BSI)

¹ Tuachi’n Mangpa’n Samuel kungah, “Israel mite tunga vaihawm dinga ka deinawnlousa Saul zieh a bangtan vei kap ding na hiei mah? Na saki sungah sathau thundim inlen kuon in, Bethlehem mi Jesse kungah ka hing sawl ding hi; atapate lah a mi khat leengpa dingin ka guot zouta hi,” achi hi.

Zokam International Version

¹ TOPA in Samuel kiangah, "Israel kumpi dingin Saul ka nolh nungsang ama adingin bangtan vei thum lai ding na hi hiam? Na saki sungah sathau thun inla kithawi in; Bethlehem a Jesse kiangah kong sawl ding hi. A tapate khat kumpi dingin ka teel khin hi," a ci hi.

1 Samuel 16:1 Iomraidhean Croise

1 Kumpite 8:16

‘Egypt pan ka mi Israel-te ka peipi ni-a patin khum munah ka min a op zing nadingin Israel minamte lahah biehinn khat lam nading khuopi khat zong ka teel sih hi; hinanle ka mi Israel-te a uh dingin David ka teel hi,’ a ci hi.

2 Kumpite 9:1

Tua ciengin kamsang Elisha in kamsang honte lah panin khat hlanin ama kungah, “Na kawng gah inlen, tami sathau bung tawi-in Ramoth-gilead ah va haw ta’n.

2 Kumpite 9:3

Tua ciengin sathau um la-in a lu tungah sungsuh inlen, ‘Topa in tam bangin a gen hi: Israel tunga kumpi sem dingin sathau kang nu hi,’ ci hi,” va ci ta’n. Tua ciengin kot hong inlen tai in; khuomuong sin,” a ci hi.

2 Kumpite 9:6

Tuaci’n Jehu dingin inn sungah lut hi; tangvalpa in a lu tungah sathau sungin ama kungah, “Israel Pasien Topa in tam bangin gen hi: Keima in Topa’ mite ahi Israel tunga kumpi sem dingin nang sathau kang nu hi.

1 Khangthute 11:3

Tuaci’n Israel upa zosie Hebron-a kumpipa kungah pei-in David in Hebron-a Topa mai-ah amate tawh thuciemna khat a bawl hi. Samuel tungtawnin Topa’ thugen bangin amate in Israel kumpi dingin David sathau a nu uhi.

1 Khangthute 28:4

Ahi vangin Israel Topa Pasien in ka pu innkuonte zosie sung panin Israel tungah kumpi a sem zing dingin keima ei teel hi; bangzieh ahei cile ama in makai dingin Judah teel a, Judah innkuon sung panin ka pa’ innkuon, ka pa’ tapate sung panin Israel zosie tunga kumpi sem dingin keima ei lungkimpi hi.

Isaiah 11:1

Jessi’ phung panin a ba khat ang meng ding a, a zungte panin a ba khat ang khang ding hi.

Isaiah 11:10

Tua ni ciengin mite tungah Jessi’ zung khu lim khatin ding ding hi; minamte in ama sui-in ama’ opna mun a thupi ding hi.

Isaiah 55:4

En un, ama pen mite tungah teci ka suohsah a, mite adingin makai le a uhpa dingin ka koi hi.

Jeremiah 11:14

Nang na hi leh tam mite adingin thu ngetpieh sinlen, ahi sihle amau’ tangin zong kap loin zong thumpieh sin, azieh pen amate in gimna thuohin ei hlat uh ciengin ka dawng sih ding hi.

Jeremiah 15:1

Tua ciengin Topa in keima kungah tam bangin a gen hi: Ka mai-ah Moses le Samuel hing ding nan uleh tam mite lamah ka lungtang a kihei tuom sih ding hi. Ka muna panin amate del dawh unlen peimangsah ta un!

Jeremiah 6:30

Amate “a kinuol ngun” kici ding hi. Azieh pen Topa in amate nuol zo hi.

Jeremiah 7:16

Tam mite adingin thu ngetpieh sin, amate adingin kap sinlen, zong thumpieh sin. Bangzieh ahei cile keima in na thungetna kang ngaipieh sih ding hi.

Zechariah 4:14

Tua ciengin ama in, “Tam tegel pen leitung buppi a uh Topa kunga a ding sathau a kinusa mi nite ahi uhi,” ei ci hi.

Rome-te 15:12

tuale Isaiah in, “Jessi’ zungpi ang meng ding a, Gentile-te uh ding mi khat ang khang ding hi; Gentile-te in ama a lamen ding uhi,” na ci leuleu hi.

Hebrews 11:32

Tua ahile bang i genbe lai ding vuoi? Azieh pen Gideon, Barak, Samson, Zephthah, David, Samuel-te a kipanin kamsangte tungtang thu gen nading hun kicing lo hi.

1 John 5:16

Na sanggampa in sina dong ding ahi lo mawna a bawl na mu leh thu na nget pieh ding a, Pasien in sina dong ding ahi lo mawna bawlte tungah hinna a pie ding hi. Sina dong a tun mawna a om hi; tuate adingin thu nget pieh in a ci ka hi sih hi.

1 Samuel 10:1

Samuel in sathau thawl khat la a, a lu tungah buohin ama nam hi; ama in, “Topa in ama’ mi Israel-te tunga uhpa dingin nang sathau ang nu zo hi. Topa’ mite tungah uhpa na hi ding a, a kimvel vua om a galte uh khut sung panin amate na hunkhie ding hi. Tu-in Topa in ama’ gouluote tungah uhpa dinga sathau ang nu zo a hina lim tam bang hi ding hi:

1 Samuel 15:11

“Kumpi-a Saul ka koikhah ka kisia hi, azieh pen keima ei zuina panin kinua hei-in ka thupiehte sem lo hi,” a ci hi. Samuel lungthah a, zan tungtawnin Topa tungah a kiko hi.

1 Samuel 15:23

Bangzieh ahei cile ledona pen aisan mawna sangin neuzaw tuon lo a, lungkhauhna zong khielna le milim biehna ma tawh kibang ahi hi. Nang in Topa’ thu niel zo na hi ziehin, ama’n zong kumpi hina panin ang nuol ta hi,” a ci hi.

1 Samuel 15:26

Samuel in Saul kungah, “Kang zuikia sih ding hi; azieh pen nangma in Topa’ thu na niel zo ta a, Topa in Israel tunga kumpi na hina panin ang nuol zo ta hi.

1 Samuel 15:35

Samuel in a si dongin Saul mu nawn lo hi, ahi vangin Saul tungtangah Samuel da mama hi. Tuale Topa in Israel tungah kumpi dingin Saul a koi khah a kisia hi.

1 Samuel 16:15

Saul’ nasemte in ama kungah, “Tu-in en in, Pasien kung panin hla gilo khat in nang ang bawlsie hi.

1 Samuel 16:23

Saul tungah Pasien kung pana hla gilo a tuh popo ciengin David in a lyre la-in a khut tawh tum a, tuaci’n Saul thathokia-in nuomtuom a, ama kung panin hla gilo a peikhie hi.

1 Samuel 17:12

David pen Judah gam Bethlehem-a Ephrathah-te Jessi min nei pa’ tapa ahi a, ama in tapa sagi nei hi. Saul hun lai-in tua mipa vuoi-in kum tampi pha ta hi.

1 Samuel 9:16

“Zing cieng tu bang hunin na kungah Benjamin gam panin mi khat kang sawl ding a, ka mi Israel tunga a uh dingin ama sathau na nu ding hi. Ama in Philistia-te’ khut sung panin ka mite a hunkhie ding hi; bangzieh ahei cile a kikona uh ka kungah hing tung zo ahi ziehin ka mite’ thuohna ka mu zo hi,” a ci hi.