1 Samuel 10:2 - Zo Bible

² Tuni-in kei kung panin na pei ciengin Benjamin-te gam Rachel’ han gei-a Zelzah ah mi ni tawh na kituoh ding hi; ama gel in na kungah, ‘Na sui sui uh laate kimu zo a, tu-in ahile na pa in tuate lunghimawpi nawn loin nang ang lunghimawpi zaw ta a, “Ka tapa bang ka law ta diei?” a ci hi,’ ang ci ding uhi.

LAISIENGTHOU CL Bible (BSI)

² Tunia ka kunga kipata na peidoh chiengin Benjamin gam leh Zelzah gamgi a Rachel han gei ah, mi ni na kituohpi dinga, tualeh amaun na kung ah, sabiltung na suite khu akimuta hi, tu’n napa’n sabiltungte alung khampi nawn sih a, “Ka tapa bang ka lawta diei?” chi’n nangma ahing lunggimpi zawta hi, achi hi, ahing chi ding uhi.

Zokam International Version

² Tuni-in kei nong nusiat khit ciangin Benjamin gamgi tunga om Zelzah a Rachel’ han gei-ah mi nih tawh na kituak ding hi. Amaute in, "Na zon uh laate kimu khin hi. Na pa in tuate ngaihsun nawn loin no hong lunghimawh hi. Amah in, "Ka tapa bang cih ding ka hi hiam?" ci-in dong hi, hong ci ding uh hi.

1 Samuel 10:2 Iomraidhean Croise

Piancilna 35:16

Tua ciengin Bethel panin amate khuol a zin uhi; Ephrath panin a gamla sim lai mun a gei ciengun Rachel a nau suo hun tung a, takei-in a gim mama hi.

Piancilna 48:7

Azieh pen Paddan panin ka pei lai-in Canaan gam Ephrath khuo tun kuon, Canaan gam lamkalah ka da ka kaa nadingin Rachel in ei na sisan a, Ephrath (tua pen Bethlehem) peina lampi-ah ama ka vui hi,” a ci hi.

Jeremiah 31:15

Topa in tam bangin ci hi: Ramah ah nahpi kaana le mauna awging kiza hi. Rachel, a tate adingin kap hi; amate a op tah lo ziehin kihlai zo lo hi.

Joshua 18:28

Zela, Haeleph, Jebus (Jerusalem a cina), Gibeah le Kiriath-jearim, khuopi sawm le li le a khuoneute tawh ahi hi. Tam pen a innkuon utawh kizui-in Benjamin minamte’ gouluo ahi hi.

1 Samuel 10:16

Saul in a pano kungah, “Ama in ka kung vuah laate kimu ta hi, ci-in ei gen hi,” a ci hi. Ahi vangin Samuel’ gen a kumpi suo nading thu ama tungah bangma gen lo hi.