1 Samuel 10:1 - Zo Bible

¹ Samuel in sathau thawl khat la a, a lu tungah buohin ama nam hi; ama in, “Topa in ama’ mi Israel-te tunga uhpa dingin nang sathau ang nu zo hi. Topa’ mite tungah uhpa na hi ding a, a kimvel vua om a galte uh khut sung panin amate na hunkhie ding hi. Tu-in Topa in ama’ gouluote tungah uhpa dinga sathau ang nu zo a hina lim tam bang hi ding hi:

LAISIENGTHOU CL Bible (BSI)

¹ Tuachi’n Samuel in sathau bawm khat ala khie a, Saul lutungah asunga, atawpa, akungah, “Mangpa’n agoutante tunga vaihawm dingin sathau ahing nu hilou ahiei mah? achi hi.

Zokam International Version

¹ Tua ciangin Samuel in sathau thawl khat la-a, Saul lutungah sathau sungin nama, "TOPA in ama gouluah b mite makai dingin sathau hong nilh khin hi lo ahi hiam?

1 Samuel 10:1 Iomraidhean Croise

2 Samuel 1:14

David in ama kungah, “Topa’ sathau nu pa that dinga na khut na hlan mawngmawng na zau sih amah?” a ci hi.

2 Samuel 19:39

Tua ciengin mi zosie in Jordan galkai-in kumpipa zong a galkai hi; kumpipa in Barzillai namin thupha pie a, tuale a inn ah ama a kilekia hi.

2 Samuel 20:19

Kei pen Israel sungah kilemna a dei le a muontah mi khat ka hi hi; nang in Israel sungah nu tawh a kibang khuopi khat suhsiet na sawm hi; bang dingin Topa’ gouluo valtum ding na hei?” a ci hi.

2 Samuel 5:2

Hun khat lai, kote tungah Saul kumpi ahi lai-in, Israel a peipi le a tunpi pa khu nangma na hi hi. Topa in na kungah tam bangin a gen hi: Ka mi Israel a cing ding pa na hi a, Israel tungah a uhpa ding na hi hi,” ei ci uhi.

1 Kumpite 1:34

Khum munah siempu Zadok le kamsang Nathan in Israel tungah kumpi dingin ama sathau nusah un; tua ciengin pengkul mut unlen, ‘Kumpi Solomon dam sawt heh!’ ci un.

1 Kumpite 19:18

Hizongle Israel sungah Baal mai-a a lu kun lo, ama a nam kha lo mihing tul sagi ka hen lai ding hi,” a ci hi.

2 Kumpite 20:5

“Kilekia inlen ka mite makaipa Hezekiah kungah gen in. Na pu David’ Pasien Topa in tam bangin gen hi: Keima in na thungetna ka za zo hi, na hlitui luongte ka mu zo hi; keima in kang damsah tahtah ding hi; a ni thum ni-in Topa’ biehinn ah na peito ding hi.

2 Kumpite 9:1

Tua ciengin kamsang Elisha in kamsang honte lah panin khat hlanin ama kungah, “Na kawng gah inlen, tami sathau bung tawi-in Ramoth-gilead ah va haw ta’n.

2 Kumpite 9:12

Amate in, “Mi zuou pa! Ko ei gen in!” a ci uhi. Tuaci’n ama in, “Topa in tam bangin a gen hi: ‘Israel tunga kumpi dingin keima in nang sathau kang nu hi,’ ei ci hi,” a ci hi.

Phatna-late 135:4

Bangzieh ahei cile Topa in ama dingin Jacob teel zo a, ama’ neisa dingin Israel teel zo ta hi.

Phatna-late 2:12

ama’ keng nam unlen, tua ahi sihle ama ang lungthah ding a, lamkalah na sigam ding uhi; bangzieh ahei cile ama’ lungthahna khu mallang tahin a kikuontaw hi. Ama a bel mi zosie mi nuomsa ahi uhi.

Phatna-late 78:71

Ama’ mi Jacob, ama’ gouluo Israel-te tungah tuu banga a cing dingin ama in tuupi tasen neite a cinna panin ama a la hi.

Paikhiatna 30:23

A hoipen a namtuite tam bangin la in: Myrrh gimnamtui shekel zanga le a namtui singgui thah tua za’ alang, shekel zani le sawmnga a gih, le a hlum a tuinam gimnamtui zani le sawmnga,

Jeremiah 10:16

Jacob’ tanh Topa pen tamte bang ahi sih hi, azieh pen na zosie a siem pa ama ahi a, Israel pen ama’ gouluo minam ahi hi; ama’ min pen Vanglien Topa ahi hi.

Ezekiel 16:13

Ngun le kham tawh ang kizem a, na puonsilte pat puon hoite, puon kigan hoite le puon kiphan hoite vive ahi hi. Na neh ding zong annel tuipen, khuoizu le sathau ahi hi. Na mel ang hoi mama a, kumpinu dingin zong nang kilawm ta hi.

Hosea 13:2

Tu-in amate in mawna a bawl bebe vua, amate adingin a kisung milim bawlin, amau’ theitelna tawh kituohin ngun milim a bawl vua, tuate pen a unsiengin khutsiemte bawl ahi hi. Amate in, “Tamte tungah kithoi un,” a ci uhi. Mite in bawngno limte a nam uhi!

Nasepte 13:21

Tua ciengin amate in kumpi khat a ngen vua, Pasien in kum sawmli sung amau’ kumpi dingin Benjamin minam sung panin Kish’ tapa Saul a pie hi.

Thupiakkikna 32:9

Topa’ tanh khu ama’ mite ahi a, Jacob khu ama kipie a tanh ahi hi.

1 THESSALONIKA 5:26

A siengtho kinapna tawh sanggamte zosie na noset un.

Hebrews 2:10

Ama ading le ama tungtawnin sil bangkim a piengsah Pasien in ta tampite, minthanna ah a peipi thei nadingin a thuohna tawh hutdamna a bawlcil pa Jesu a bukimsah ding pen a kilawm mawng ahi hi.

Kilaakna 5:8

Tua laiziel a lah zaw ciengin tuuno mai-ah ganhing lite le upa sawmni le lite a khupbawh uhi. Amate in mi siengthote’ thungetna ahi harp lasahna khat ciet le panamtui a dima kikoi kham kuong khat ciet a tawi uhi.

1 Samuel 12:3

Tanah kei ka om hi; Topa mai le a sathau nu pa mai-ah ka mawna hing pulah un. Koi bawngtang ka lahpieh ahei? Ahi sihle koi laa ka lahpieh ahei? Ahi sihle koi ahei ka sol? Koi ahei ka bawlsiet? Ahi sihle ka mit tawt nadingin koi khut sung panin guhgol la ka hei? Ka langkhatah teci hing pang unlen, tua teng kang dinkia ding hi,” a ci hi.

1 Samuel 13:14

ahi vangin tu-in na kumpi gam kizomsuoh lo ding a, Topa in ama’ lunglamsu mi khat a sui zo hi. Topa ang thupieh na zui lo ziehin ama’ mite tungah a uh dingin Topa in ama a se zo ta hi,” a ci hi.

1 Samuel 15:1

Samuel in Saul kungah, “Topa in ama’ mi Israel tungah kumpi dingin nang sathau nu dingin kei ei sawl hi; tua ahi ziehin tu-in Topa’ thugen ngai in.

1 Samuel 15:17

Samuel in, “Nangma mi neuno khatin na kingaisut vangin Israel minamte’ lutang na hi sih amah? Topa in Israel tungah kumpi dingin sathau ang nu zo hi.

1 Samuel 16:1

Topa in Samuel kungah, “Saul ziehin bang tanvei da ding na hei? Israel tungah kumpi dingin ama ka nuol zo ta hi. Na sathau bung sungah sathau a dimin thal inlen dingdawh in; keima in Bethlehem-a Jessi kungah kang sawl ding hi, azieh pen a tate lah panin keima dingin kumpi khat ka koi zo ta hi,” a ci hi.

1 Samuel 16:13

Tua ciengin Samuel in sathau bung la-in a sanggamte mitmu-in ama sathau a nu hi; tuale khum ni-a kipanin David tungah Topa’ hlagau khautahin a tung hi. Tua ciengin David dingdawh a, Ramah ah a pei hi.

1 Samuel 2:10

Topa! Ama a langpangte kivatmai ding hi; vantungah Sangpen Pa in vantosah ding hi. Leimongte dongin Topa in thu a khen ding hi; ama in a kumpipa tungah thahatna pie ding a, a sathau nupa’ vanglietna a tawisang ding hi,” a ci hi.

1 Samuel 24:6

Ama in a mite kungah, “Topa’ sathau nu pa ahi ka Topa tungah tam banga ka khut hlan khah ding pen Topa in ei kham hi; bang ding ahei cile ama pen Topa’ sathau nu pa ahi hi,” a ci hi.

1 Samuel 26:11

Topa’ sathau nu pa tungah ka khut ka hlan ding Topa in ei khaam hi; hinanle tu-in a khawhlung a teipi le tuithawl la inlen pei vai,” a ci hi.

1 Samuel 26:9

Ahi vangin David in Abishai kungah, “Ama that sin; bangzieh ahei cile Topa’ sathau nupa tungah a khut hlang poma khielna panin a peng ding na sa amah?” a ci hi.

1 Samuel 8:19

Ahi vangin mite in Samuel’ thugen a mang sih uhi; amate in, “Hi lo e! Ka tung vua ei uh ding kumpi khat nei ding pen ka khensatsa uh ahi bo hi,

1 Samuel 8:9

Tua ahi ciengin tu-in a thugen uh ngai in; amate lipkhaptahin na hilkhol beh ding hi. Amate tunga a uh ding kumpipa’ sepzie ding teng lah in,” a ci hi.

1 Samuel 9:16

“Zing cieng tu bang hunin na kungah Benjamin gam panin mi khat kang sawl ding a, ka mi Israel tunga a uh dingin ama sathau na nu ding hi. Ama in Philistia-te’ khut sung panin ka mite a hunkhie ding hi; bangzieh ahei cile a kikona uh ka kungah hing tung zo ahi ziehin ka mite’ thuohna ka mu zo hi,” a ci hi.

1 Samuel 9:27

Khuopi gei lamah a peisuh laitahun Samuel in Saul kungah, “Tua naupangpa i mai-ah a peisuoh nadingin gen inlen, ama a peisuoh zaw ciengin nangma tungah Pasien’ kammal kang theisah thei nadingin tanah bakhat sung khawl phot in,” a ci hi.