1 Peter 1:22 - Zo Bible

²² Tu-in note itna tahtah tawh khatlekhat na ki-it thei nading ule na lungtang tawng panun khatlekhat na ki-it thei nadingun thuman thutah zuina tawh na hlagau uh na siensuo zo uhi.

LAISIENGTHOU CL Bible (BSI)

²² Unaute it tahtah ding a thutah zui a na hagau uh na suhsiengthou tahzieh un, phatuom ngaitahin khat le khat lungtang siengthouin ki it tuo chiet un.

Zokam International Version

²² Tu-in na sanggamte uh itna takpi na neih nading uh le khat le khat na lungsim tawng b uh tawh na ki-it tek nadingun thutak thu mangin no le no na kisiansuah khin zo uh hi.

1 Peter 1:22 Iomraidhean Croise

John 15:17

Note khatlekhat na ki-it nadingun keima in tami thupieh kang pie hi.

John 15:3

Keima in note kunga kang gen thute ziehin note ang siengthosah zo ta uhi.

John 17:17

Thuman thutah sungah amate na siensuo in; na thu in thuman ahi hi.

John 17:19

Thuman thutah sungah amate zong a kisiensuo thei nadingun, amate ka khuolna-in keima le keima ka kisiensuo hi.

Nasepte 15:9

Amate le eite kikalah khentuom nei loin upna tawh amau’ lungsim a siengthosah hi.

Nasepte 6:7

Pasien’ thu kizel suohin Jerusalem ah nuazuite nahpi tahin khang a, siempu tampite in zong tua upna thu a zui uhi.

Rome-te 1:5

Ama tungtawn le ama’ min ziehin Gentile-te zosie lahah upna le thumanna a op thei nadingin kote in hepina le sawltahpi za ka nga vua,

Rome-te 2:8

ama’ ang sung beh khuolin thuman thutah zui loin gitlona a zuite tungah a lungthahna le a lunghamna a tung ding hi.

Rome-te 8:13

Azieh pen cilesa deina banga na hin uleh na si ding vua, ahi vangin Hlagau ziehin pumpi gamtatnate na thalia uleh na hing ding uhi.

2 Corinth-te 6:6

siengthona, thu theina, lungduoina, migitna, lungsim siengthona, itna tahtah tawh,

Galatia-te 3:1

No Galati mimawte! Koi in ang bumlawm ta uh ahei? Singlamte tungah Jesu Khris a kikhailia bangin na mitmu-un kicientahin ang kilah zo hi!

Galatia-te 5:5

Bangzieh ahei cile kote in upna tawh a kinga dihna pen Hlagau tungtawnin lametna tawh lawptahin ka nga uhi.

Galatia-te 5:7

Note na hi uleh taikidemna-ah hoitahin na tai uhi; note in thuman thutah na zui lo nadingun koi in ang kham ahei?

Ephesa-te 4:3

note ang khiton kilemna sungah Hlagau kipumkhatna na tuhkip thei nadingun na hi thei tawpun na bawl un.

Philippi-te 1:9

Ka thungetna ahile, note’ itna in theina le thu khentel theina bukim tawh dimlet semsem a,

1 THESSALONIKA 3:12

Note kang it bangun note khatlekhat na ki-itna ule mi zosie na itna uh Topa in hing khangsah taheh.

2 THESSALONIKA 1:3

Sanggamte aw, na upna uh nahpi tahin khangin khatlekhat na ki-itna uh zong khang semsem ahi ziehin, note adingin Pasien tungah lungdam ka ko zing ding uh a kilawm ahi hi.

2 THESSALONIKA 2:13

Ahi vangin Topa’ ang it sanggamte aw, Hlagau kisiensuona tungtawn le thuman thutah na upna uh tungtawnin hutdamna nga nadinga ga masa dingin Pasien in note ang teel ziehin, note adingin Pasien kungah lungdam ka ko zing ding uh ahi hi.

1 Timothy 1:3

Macedonia gam lam manaw-in ka pei lai-a kang gensa ma bangin Ephesus khuo-ah tam inlen, mi pawlkhat in thuhilna dang khatpo a hil lo nading ule,

1 Timothy 1:5

Ahi vangin tam bang thuhilna’ a tupna pen lungsim siengtho, ei le ei kitheina hoi, le upna tahtah pana a pei itna ahi hi.

1 Timothy 4:12

Koima in na khangnona kisimmaw sah sinlen, kamhamna, gamtatna, itna, upna le siengthona lamah thu um mite ette dingin na om in.

1 Timothy 5:2

Siengthona tahtah tawh a tazaw numeite na nu bang in hopi inlen, a khangdawng zaw numeite sanggam nu bangin hopi in.

2 Timothy 1:14

Ei sunga a teng Hlagau Siengtho thahatna tawh nangma tunga ang ki-ap tua sil hoi kemcing in.

Hebrews 11:8

Upna tawh a gouluo nga nadinga a kiciemna mun pei dingin Abraham a kihlat lai-in, a pei nading mun nangawn thei lo napi, thumangin upna tawh a pei hi.

Hebrews 13:1

Khatlekhat na ki-itna uh kipsuoh taheh.

Hebrews 5:9

bukim tahin a kibawl zaw ciengin ama’ thu a mang mi zosie adingin kumtawn hutdamna’ nah suoh a,

Hebrews 6:10

Bangzieh ahei cile Pasien a thutang lo ahi sih hi; ama in na nasepna uh, ama hang tawh misiengthote na vana ule na va lai dingte uh tungah itna na lahnate uh ang kitheimaw bawl sih ding hi.

Hebrews 9:14

kumtawn Hlagau tungtawnin paubanna a nei lo, Pasien tunga ama le ama a kipie Khris’ sisan in a si nasepna panin a hingzing Pasien i bieh thei nadingin eite’ sielepha theina lungsim bangza tahin siengthosah zawkan lai ding ahei?

James 1:21

Tua ahi ziehin a kidahhuoi gamtatna zosie le a valkai gitlonate paimang unlen, note’ hlagaute ang hunkhie thei na sung vua a kisuonsa thu lungnem tahin na sang un.

James 4:8

Pasien kung neh un, tua hile ama in zong ang neh ding hi. No mawneite aw, na khut uh silsieng un, no a lungkaa mite aw, na lungtangte uh siensuo un.

1 Peter 1:2

Pa Pasien in a sekholsa le a teelsa mite, Jesu Khris’ thu a mang ding le a sisan tawh a kithe dinga Hlagau Siengtho in a siensuosa mite tungah: Hepina le kilemna a kicingin hing om taheh.

1 Peter 2:17

Mi zosie na zatah un. Thu um innkuonte na it un. Pasien zong giingin kumpi pa zong na zatah un.

1 Peter 3:1

Tua ma bangin zite aw, na pasalte’ uhna na mang un. Tua hileh amate kimkhat in Pasien’ thu mang sih nan ule, a zite uh’ gamtatzie,

1 Peter 3:20

Tuate pen nidang lai, Noah in tembawpi a bawl hun lai-a Pasien in lungduoi taha a na nga ngetngut thumang lo hlate ahi uhi. Tua tembawpi sungah mi themkhat, mi giet beh, tui in a suohtasah hi.

1 Peter 3:8

A tawpna-ah, note in na unpi-un lungsim kihuolna, khuotuona, khatlekhat ki-itna, lungnemna, le lungsim kiniemkhiehna nei ciet un.

1 Peter 4:17

Bangzieh ahei cile Pasien’ innkuonpite tawh kipanin thukhen nading hun ang tung ta hi; tua pen eite tawh kipan ahile Pasien’ lungdamna thu a mang lo mite’ hun tawpna ding thu bang ahi ta diei?

1 Peter 4:8

Tua teng zosie banah note khatlekhat nahpi tahin na ki-it un; bangzieh ahei cile itna in mawna tampite a selcip hi.

2 Peter 1:7

Pasien’ mi hina pen khatlekhat ki-itna, khatlekhat ki-itna pen itna tawh na belap un.

1 John 3:11

Note in a kipat cila kipanin na zahsa uh thu ahile khatlekhat i ki-it nading thu ahi hi.

1 John 3:23

Ama’ thupiehna tami ahi hi. Ama’ tapa Jesu Khris’ min i up ding le ama’ ei sawlna bang lienin khatlekhat i ki it ding ahi hi.

1 John 4:12

Koima in Pasien mu ngai lo hi; eite khatlekhat i ki-it leh eite sungah Pasien teng a, tuaci’n ama’ itna in eite sungah a bukim hi.

1 John 4:20

“Pasien ka it hi,” ci napi a sanggamte a mudate pen zuou gente ahi uhi; azieh pen a mu thei a sanggam pa a it lote in a mu thei lo Pasien a it thei sih ding hi.

1 John 4:7

Ka itte aw, khatlekhat na ki-it un; bangzieh ahei cile itna pen Pasien pana ang pei ahi hi; mi a it thei zosie Pasien’ piensah hi a, tuaci’n Pasien a thei hi.

Kilaakna 2:4

Hizongle kang mawsahna khat om veve a, tua khu nang in itna masa pen na nuasie ta hi.