RUTH 4:9 - Zotung Bible 2016

⁹ Tetuh Boaz nynh piccan hae te ccungccaw balyn kyakhe, “Elimelek uccaw balyn kha thuasah, Khilion te Mahlon uccaw balyn kha thuasah Naomi kuih kyate kae nynh ka re vae cipaw atunin a nyhtu ccaekia hae tuh nanning hynh nynh na thua oh.

RUTH 4:9 Iomraidhean Croise

RUTH 1:2

Tuh-e ccungccapaw min tuh Elimelek nynh thua, a zu min tuh Noami thua zah a ccapaw hae lu ning min tuh Mahlon te Khilion nynh thua hae; minmin tuh Judah ram, Bethlehem khua e Efrath phin nynh thua hae. Moab ram lang cceih hae zah tuin kya a um hae.

RUTH 4:8

Tukeiccuze anaekuh huapaw puiziapaw nynh Boaz kha, “Namaw elang rekuh,” cite hopah zah, a phanah kha a khahpyaku.

RUTH 4:10

Michipaw min tuh a puizia hae kyate thuasah, a puinaw khua koikua kyate thuasah zosah leite, michipaw min tuh a rho kya tynsah nawlan, Mahlon zu, Moab minphuinnung Ruth kha mah ka zu lang ka re vae; atunin nanning tuh ccaekia hae nynh na thua oh,” a ci.

GENESIS 23:11

“Bawipaw, tuhte thua khyh, loo thuasah, loo lungkhu umpaw lungkaryn thuasah ka ccungccaw hae malang kae pya; na zu rhua kha uh ccaleih,” a cipya.