RUTH 4:8 - Zotung Bible 2016

⁸ Tukeiccuze anaekuh huapaw puiziapaw nynh Boaz kha, “Namaw elang rekuh,” cite hopah zah, a phanah kha a khahpyaku.

RUTH 4:8 Iomraidhean Croise

DEUTERONOMY 25:9

a upaw zu nynh piccan hae malang khe tuh-e pisepaw kha a ccianua cih zah, a ccu kya-e phanah kha a khahpah cih zah, a mae kha a thoi cih, te aning nynh, “E hynh a upaw inn a sakpah ry leipaw pisepaw tungvaw cyipaw nynh thua,” cite a ho cih.

RUTH 4:7

Langmawlya Israel hae kyaze uccaw shawnaw te rulaekunaw konglang phungzae tuh hynhte nynh thua: nawccawnaw kha tynsah nawlan, lu kheit nynh a phanah kha khahkuh zah ccangpaw lu kheit kha a pya; e hynh Israel hae kya ccaekia tynsahnaw zia nynh thua.

RUTH 4:9

Tetuh Boaz nynh piccan hae te ccungccaw balyn kyakhe, “Elimelek uccaw balyn kha thuasah, Khilion te Mahlon uccaw balyn kha thuasah Naomi kuih kyate kae nynh ka re vae cipaw atunin a nyhtu ccaekia hae tuh nanning hynh nynh na thua oh.