RUTH 4:4 - Zotung Bible 2016

⁴ Tukeiccuze tuh-e kong tuh nang kha hopya lan cite ka tua zah kae hopya: Tuh-e loohmin tuh, hein kya a haung hae paw malang te ka minphuin hae kya-e piccan hae malang hin reku tua. Tuh-e loo tuh na shaw ry ze shawkuh; thuasalama na shaw ry khyh ze, ka ny nawlan yn hopya tua; pawccecize namaw laelan a shawkuh lanpaw humhung mah um vae khyh, nang koute tuh kamaw hynh nynh ka um vae,” a cipya. Tukeiccuze tuh-e paw nynh, “Ka shaw cih,” a ci.

RUTH 4:4 Iomraidhean Croise

GENESIS 23:11

“Bawipaw, tuhte thua khyh, loo thuasah, loo lungkhu umpaw lungkaryn thuasah ka ccungccaw hae malang kae pya; na zu rhua kha uh ccaleih,” a cipya.

GENESIS 23:18

Hit ccungccaw balyn a umnaw hae, tuh-e khua koikua lungkhu a teepaw ccungccaw balyn malang khe Efron nynh Abraham kha a pya.

JEREMIAH 32:25

Pou Bawipaw PACHIA, khuapi kha Khaldi hae kuih kalan pya athua vae zemah, “Ccaekia hae kha ko hae lah, loo kha re,” nae cipya vae, a ci.

Romans 12:17

Humhung sanmah athahpaw hanlan athahpaw te liaru nan oh, ccungccaw balyn muihnaw kya ahoypaw uccaw tuanaw hoi oh.

2 KORIN 8:21

Bawipaw muihnaw kya kyalya thua leite, ccungccaw hae muihnaw kya mah ahmepaw kha cyi lan kae paccynkuh.

DEUTERONOMY 25:8

Tetuh a khua kya-e piccan hae nynh pisepaw kha a ko cih hae zah a hopah cih hae. Aning nynh, “Amaw kha zu lang ka ry khyh,” cite phe a ei zetuh,

FILIPI 4:8

Nyathyakou lang uteno hae, ahmepaw, sawtua lan umpaw, adingpaw, athyaapaw, ry lan umpaw, thehoysah lan umpaw; ccangkhakheit tuh aphute lanze, thehoysah lan angaeku lanze tuh-e hae tuh nae thinlung kya la tua oh.

RUTH 2:20

Naomi nynh a monung kyakhe, “A hiinpaw tungvaw thuasah, a chihpaw tungvaw thuasah a thawccinaw apaekuh leipaw Bawipaw nynh aning kha hythuapya vae sah!” a cipya. Te Naomi nynh bua hopah zah, “Tuh-e ccungccapaw tuh aening puizia thua zah, ah naekuh hua oh paw vaeccaw nynh thua,” a cipya.

RUTH 3:12

Kae tuh ah naekuhpaw puizia nynh ka thua ccaccing, thuasalama kae laeze anaekuh huapaw puizia lu kheit a um ung.

RUTH 3:9

Boaz nynh, “Hummou na thua?” cite khia zah, “Na ryalahtu Ruth nynh ka thua; nang tuh ah naekuhpaw puizia na thua keiccuze na boei dung kha na ryalahtunung kae hynh yn thybua,” a cipya.