RUTH 4:12 - Zotung Bible 2016

¹² Bawipaw nynh e liaccanung kyate ae pya lanpaw ccaawno hae liate, na ciihan tuh Tamar nynh Judah a saahpyapaw Perez ciihan hawte thua vae sah,” a ci hae.

RUTH 4:12 Iomraidhean Croise

GENESIS 38:29

Thuasalama tuh-e ccapaw nynh a kuih kha bua khin zah lu kheit kha nynh poh a puity vae, te ccaawpuisah nung nynh, “Nang tou poh na puity!” a ci. Tukeiccuze Perez cite min a phu hae.

GENESIS 46:12

Judah ccaaw hae tuh: Er, Onan, Shelah, Perez te Zerah (Er te Onan tuh Kanaan ram kya a chih hae). Perez ccaaw hae tuh Hezron te Hamul nynh thua hae.

1 SHERIANAW 2:4

A monung Tamar nynh mah Perez te Zerah kha a saahpya hae. Judah tuh abalynte ccapaw lu pangaw a hoi.

MALAKHI 2:15

Ccangkheit kyalyapaw Pachia nynh amaw kha rae khyh tou? A pynsaw te a muisaw tuh namaw kya-e nynh thua. Ccangkheit kyalyapaw Pachia nynh pawmou a ry? Pachia rawrihpaw ciihan kha nynh a ry. Tukeiccuze naemaw te naemaw tuakuh oh lah, humhung nynh mah a ccangvae lya-e a zu tungvaw lungzi leite um nan sah.

MATTHAI 1:3

Judah nynh Perez te Zerah a saah hae (mih nung tuh Tamar nynh thua); te Perez nynh Hezron a saah; Hezron nynh Ram;

RUTH 4:18

E hae tuh Perez ciihan hae nynh thua hae: Perez tuh Hezron paaw,

1 SAMUEL 2:20

Te Eli nynh Elkanah te a zu kha hythua leih pya hae zah, “E nopinung nynh Bawipaw kalan a pyapaw lasung hanpaw hynh, Bawipaw nynh e nopinung kyahin ccaaw ae pyaru vae sah,” a cipya; tukoute mih inn lang leih a ki hae.