RUTH 4:11 - Zotung Bible 2016

¹¹ Tetuh koikua kya um hae paw piccan hae te ccungccaw balyn nynh, “Kaening tuh ccaekia hae nynh kae thua. Israel ciihan a thadynsah hae paw nopi hae lu ning Rachel te Leah hawte, na inn lang yn cceih cih paw nopinung kha Bawipaw nynh rae vae sah. Efrathah kya na laan na sui ua sah lah, Bethlehem kya na minthaan vae sah;

RUTH 4:11 Iomraidhean Croise

GENESIS 23:10

Efron tuh Hit ccungccaw hae laku a haungbua; te Hit ccungccapaw Efron nynh tuh-e khua koikua lungkhu umpaw Hit ccungccaw hae balyn a thaenaw hae khe Abraham kha,

GENESIS 24:60

Te minmin nynh Rebekah kha hythuapya hae zah, “Kae ccianung, nang tuh ccungccaw athong patae nung lang la tang vae ii; na ciihan hae nynh mih rhaw hae khua kha la tae vae hae sah,” a ci hae.

GENESIS 29:16

Laban tuh ccanung lu ning a hoi; atawccanung min tuh Leah cikuh zah asoinung min tuh Rachel acikuh.

GENESIS 29:25

Awkhua he thua tuh, Leah nynh athua cipaw Jakob nynh he nyh te, Laban kyakhe, “Pawcce ka tungvaw hynhte na cyi? Rya kae lawpyapaw kha Rachel mue khylan thua khyh tou? Pawcce nae ling?” a cipya.

GENESIS 29:32

Leah nynh ccaawpoi zah ccapaw lu kheit a saah, a min tuh Reuben cite a phu; pawccecize Leah nynh, “Ka vawsawnaw kha Bawipaw nynh yn muihpya vae; tukeiccuze ka vawpaw nynh yn sungsah ccaccing vae cih,” a ci.

GENESIS 35:23

Leah ccapaw hae tuh: Reuben (Jakob a ccatawccaw), Simeon, Levi, Judah, Isakhar te Zebulun nynh thua hae.

GENESIS 35:24

Rachel ccapaw hae tuh: Josef te Benjamin nynh thua hae.

1 SIAPHARAN 21:8

Tukeiccuze Ahab min te ccaw zei zah a tazeih khate tazeih a khia; te tuh-e ccaw tuh Naboth te a khua kya umkheih hae paw piccan hae te bawi hae kalan a ky.

1 SHERIANAW 2:51

Bethlehem a paaw Salma te Beth-gader a paaw Haref.

The Psalms 132:6

Byakin thingkua kong kha Efrathah ram kya kae thae zah, Jaar loo kyakhe tuh-e tuh kae muih.

PHUNGTANGBYA 14:1

Ahawpaw nopi nynh a inn kha a sak, thuasalama angaeepaw nopi nynh tuh amaw kuih toulou khate a inn kha a phou.

PHUNGTANGBYA 31:23

A vawpaw tuh ram lungkhu e piccan hae laku haungbua zah, khua koikua hae kyaze nypaw ccungccaw nynh thua.

JEREMIAH 32:10

Nawccawnawpaw min ka thuh zah tazeih ka khia, ccaekia hae kha ka ko hae zah phua kha zawccu te ka khinpya.

MIKAH 5:2

Pou Bethlehem Efrath, nang tuh Judah ram kyaze adihpaw khua na thua zemah, Israel a uk cih paw bawi tuh na kyate ka hanlan yn langkuh cih, aning athonaw tuh langmawlya, alawe vae paw ccyh kya a la um vae paw nynh thua.

MATTHAI 2:6

‘Judah ram umpaw Bethlehem, nang tuh Judah ram khuapi hae lakuze adih huapaw na thua khyh; pawccecize na kyate ka ccungccaw Israel hae tuurintu yn pou cih!’ a ci,” cite a hopya hae.

DEUTERONOMY 25:7

Thuasalama tuh-e pisepaw nynh a upaw kya-e nomaenung kha zu lang a ry khyh ze, a upaw kya-e nomaenung nynh koikua kya um hae paw piccan hae kalan a cceihthung cih zah, “Ka vawpaw neitaw nynh a upaw min kha Israel phin kya zungzae tynsah ry khyh; kamaw hanlan vawpaw te uno ryalaw kha yn lawpah khyh,” cite a hopah cih hae.

DEUTERONOMY 25:9

a upaw zu nynh piccan hae malang khe tuh-e pisepaw kha a ccianua cih zah, a ccu kya-e phanah kha a khahpah cih zah, a mae kha a thoi cih, te aning nynh, “E hynh a upaw inn a sakpah ry leipaw pisepaw tungvaw cyipaw nynh thua,” cite a ho cih.

RUTH 1:2

Tuh-e ccungccapaw min tuh Elimelek nynh thua, a zu min tuh Noami thua zah a ccapaw hae lu ning min tuh Mahlon te Khilion nynh thua hae; minmin tuh Judah ram, Bethlehem khua e Efrath phin nynh thua hae. Moab ram lang cceih hae zah tuin kya a um hae.