RUTH 4:1 - Zotung Bible 2016

¹ Boaz tuh koikua kalan cceih zah a haung, te Boaz nynh a la ho boi paw, anaekuh huapaw puiziapaw tuh yn cceih. Tukeiccuze Boaz nynh, “Ka ban, yn cciatua; hein kya haungtua,” a cipya. Te aning nynh yn cceih zah a haung.

RUTH 4:1 Iomraidhean Croise

GENESIS 19:1

Vaawpaw lu ning tuh zetesang khe Sodom khua a thua hae, Lot tuh Sodom khua koikua kya a la haung. Lot nynh minmin kha he a muih hae tuh cciadue khylan thokuh zah laephi kya a bakhung.

GENESIS 23:10

Efron tuh Hit ccungccaw hae laku a haungbua; te Hit ccungccapaw Efron nynh tuh-e khua koikua lungkhu umpaw Hit ccungccaw hae balyn a thaenaw hae khe Abraham kha,

GENESIS 34:20

Oute Hamor te a ccapaw Shekhem nynh mih khua koikua tungkunaw hmin kalan cceih hae zah mih khuaccaaw hae kyakhe,

2 SAMUEL 15:2

Absalom tuh awkhua takaw te leih tho zah koikua kalan ccianaw laanpi pe khe leih a thadyn; te lukhakheit nynh a byathan kha byapiaku khylan siapharan malang a thuakhae ze, Absalom nynh ko zah, “Nang hynh tei khuapaw mou na thua?” cite leih a khia. Tuh-e paw nynh, “Na ryalahtu tuh Israel ram kya-e tuh phin khah phin nynh ka thua,” cite he a khung vae ze,

2 SHERIANAW 18:9

Te Israel siapharan te Judah siapharan Jehoshafat tuh mih angkiccua kikute, Samaria khua koikua teenaw malang huihmin kya umpaw bawitungkhung kya a haung hae; mih malang khe profeh balyn nynh profehbya a ho hae.

JOB 29:7

Khua kya-e koikua kalan ka cceih zah, khualae laanluepi kya ka haung lyakhe,

JOB 31:21

byapiazung kya bawmtu ka hoipaw kha ka nyku keiccuze ngawraw tungvaw ka kuih ka hangnua ze thuasah,

The Psalms 69:12

Laanluepi kya ka thethya yn ho hae zah, a zu a ae hae paw nynh hlaw yn phua hae.

PHUNGTANGBYA 31:23

A vawpaw tuh ram lungkhu e piccan hae laku haungbua zah, khua koikua hae kyaze nypaw ccungccaw nynh thua.

ISAIAH 55:1

Pou tui a hawpaw miakaw, tui a umnaw lang rangtua oh; phua a hoi lei hae paw, rang oh lah, rekute aetua oh! Rang oh lah, misutui te mateitui kha phua leite, amee leite reku tua oh.

JEREMIAH 32:10

Nawccawnawpaw min ka thuh zah tazeih ka khia, ccaekia hae kha ka ko hae zah phua kha zawccu te ka khinpya.

AMOS 5:15

Hoyleinaw kha hua oh lah, hoynaw kha ry oh, byapianaw koikua kya dingnaw kha tynsah oh; Bawipaw , vaaw Pachia nynh Josef ciihan a laehy hae paw kha thaw poh a ccih kho hae.

ZEKHARIAH 2:6

Tho oh, tho oh! Thahlang e ram kyate ccue oh, cite Bawipaw nynh a ci; pawccecize vaawlui zakaw aki ki pali hae hawte phiariphiarae kae nung vae oh, cite Bawipaw nynh a ci.

DEUTERONOMY 16:18

Bawipaw nae Pachia nynh ae pya oh paw nae khua balyn kyakhe byapiatu hae te bawi hae kha nae phin takyh kya na khang cih oh zah minmin nynh ccungccaw hae hanlan ahmepaw byapaenaw kha a raepah cih hae.

DEUTERONOMY 17:5

tuh-e hoyleinaw a raepaw nopi khyhze pise tuh nae koikua kalan na poukhae cih oh zah, lung te phe chih lan na deih cih oh.

DEUTERONOMY 21:19

a nung te a paaw nynh a kyng cih hae zah khua koikua kya um hae paw mih khua e piccan hae kalan a cciakhae cih hae.

DEUTERONOMY 25:7

Thuasalama tuh-e pisepaw nynh a upaw kya-e nomaenung kha zu lang a ry khyh ze, a upaw kya-e nomaenung nynh koikua kya um hae paw piccan hae kalan a cceihthung cih zah, “Ka vawpaw neitaw nynh a upaw min kha Israel phin kya zungzae tynsah ry khyh; kamaw hanlan vawpaw te uno ryalaw kha yn lawpah khyh,” cite a hopah cih hae.

JOSHUA 20:4

Ccungccaw theihtu tuh tuh-e khua khuakhakheit langkhe la ccue cih zah, khua koikua teenaw kya a thadyn cih, te tuin khua kya-e piccan hae kyakhe acyikunaw kong kha a hopah cih hae; te minmin nynh khua lungkhu lang a cciakhae cih hae zah, umnaw hmin kha a pya cih hae, te minmin kyatuin a um cih.

RUTH 3:12

Kae tuh ah naekuhpaw puizia nynh ka thua ccaccing, thuasalama kae laeze anaekuh huapaw puizia lu kheit a um ung.

RUTH 3:18

A ninnung nynh, “Ka ccanung, e uccaw hynh pawtemou athang cih cipaw na ny mawlaezung ngaw hin, pawccecize pisepaw nynh e uccaw hynh atunin a lyn mawlaezung haeungtaw lan khyh,” a cipya.