RUTH 2:2 - Zotung Bible 2016

² Moab minphuinnung Ruth nynh Noami kha, “Loo lang ka la cceih sah lah, thaw yn ccih hae paw nulang khe ccamua ka la ccungbua sah,” a cipya. Noami nynh, “Ka ccanung, la cceih,” a cipya.

RUTH 2:2 Iomraidhean Croise

LEVITIKAS 23:22

Nae laephi kya-e looh kha he na rue vae oh ze, nae loo akin-akae cia na rue lan khyh oh, looh na rue kou oh te, ccamua kha na suelua vae lan khyh oh; khah-e hae kha ryachi hae te ramccang hae elang na cciatawpah cih oh: kae tuh Bawipaw nae Pachia nynh ka thua.

LEVITIKAS 19:9

Nae loo kya-e looh kha he na rue vae oh ze, nae loo akin-akae lang cia na rue lan khyh oh, looh na rue kou oh te, ccamua kha na suelua vae lan khyh oh.

RUTH 2:7

Aning nynh, ‘Thawccinawte loohruetu hae nulang e loohcce hae kya umpaw ccamua hynh ccungkute beih kae sueluakuh,’ a ci. Tukeiccuze yn cceih zah, awkhua te atu cia sosoh san haeung leite rya a lah,” a cipya.

LEVITIKAS 19:16

Milae thethya a hotu lante na ccungccaw hae laku na khiavuikuh lan khyh, na innpaw a hiinnaw kha rawsete thadyn nan.

LEVITIKAS 19:10

Nae misu khokhu kya-e kha pong thang lan na lo lan khyh oh, nae misu khokhu e misu thae akhuakuhpaw kha pong na khuin lan khyh oh; khah-e hae kha ryachi hae te ramccang hae elang na cciatawpah cih oh: kae tuh Bawipaw nae Pachia nynh ka thua.

RUTH 2:3

Tukeiccuze Ruth nynh cceih zah, loolae khe loohruetu hae nulang khate ccamua kha a ccung. Te Elimelek puizia athuapaw Boaz a loo kya a thua.

GENESIS 32:6

Locceihtu hae nynh Jakob kalan oun ki hae zah, “Na upaw Esau kya kae thua, namaw kha tungku khylan pise za pali ryte oun cceih hae,” a cipya hae.

1 SAMUEL 1:18

Te Hannah nynh, “Na seenung kae tuh na malang maehoynaw ka mue vae sah,” a cipya. Te nopinung tuh a umnaw lang cceih zah a vawpaw ryte ae hae neih hae zah, ngaethyanaw maesue hoi vae khyh.