RUTH 2:12 - Zotung Bible 2016

¹² Bawipaw nynh na cyisahnaw hanlan lasung ae pya sah lah, a sake kaw kya reku khylan nae ccianuapaw Bawipaw , Israel Pachia nynh accingpaw lasung kha ae pya vae sah!” a cipya.

RUTH 2:12 Iomraidhean Croise

The Psalms 36:7

Pou Pachia, atynpaw na sungsahnaw tuh pawcih baban aphute! Ccungccaw balyn tuh na sake mynlyh kyakhe a rekuh cih hae.

The Psalms 91:4

a sake ming nynh nang kha ae bong cih zah, a sake kaw khe khynnaw na mue cih; a lungzinaw tuh khawriaphua te rhawtuk-zunghe athua cih.

The Psalms 63:7

pawccecize nang tuh yn bawmtu na thua vae zah, na sake mynlyh kyakhe lungtuanaw hlaw ka sah.

The Psalms 17:8

Kae yn tuaa yn sah hae paw ccungccaw hoylei hae paw kyate thuasah, kae kha koihlute yn theih ry hae paw ka rhaw hae kyate thuasah na mitlungdy hawte yn rin lah, na sake mynlyh kyakhe yn resaku tua.

The Psalms 61:4

Na bu kya zungzae yn umsah, na sake adawkuhpaw kaw kya khynnaw kha yn muihsah.

HEBRU 6:10

Pawccecize Pachia nynh nae ryalaw kha thuasah, mithyaa hae hanlan rya na lawpya vae oh paw te rya na lawpya ung oh paw kya amaw min hanlan na langsaku oh paw sungsahnaw kha thuasah kharouh ning lan ciate Pachia tuh a ding leipaw thua khyh.

HEBRU 11:26

Izip ram kya-e sisua hae laeze Khri keiccuze saryakunaw tuh asung huapaw hoirumnaw nynh thua cite a tuaku. Pawccecize nyalang mue lanpaw lasung kha nynh a tua.

1 SAMUEL 24:19

Ccungccaw nynh a rhaw kha a muih ze khyndadyh lante a cciasah cih zawtou? Tukeiccuze atunin ka tungvaw na cyipaw hanlan hynh Bawipaw nynh hoynaw khate ae sangru vae sah.

RUTH 1:16

Thuasalama Ruth nynh, “Nang kha kitaw lan te nang kha zui leite ki lan beih yn nangse nan! Na ccianaw takyh lang ka cceihbua cih zah, na ryanaw kya ka ryabua cih; na minphuin tuh ka minphuin athua cih zah, na Pachia tuh ka Pachia athua cih.

The Psalms 57:1

Pou Pachia, ngaethya beih yn umsah, ngaethya yn umsah tua, pawccecize ka muisaw tuh namaw kya a rekuh; ronaw khise a dae mawlaezung, na sake mynlyh kaw khe ka rekuh cih.

HEBRU 11:6

Zynnaw leite Pachia lungrytung lanpaw tuh thua kho khyh; pawccecize Pachia kalan yn naekuhpaw ccungccaw nynh tuh Pachia a um cipaw te amaw a ccung hae paw kha amee a pya hae cipaw kha a zyn hahe cih.

LUKA 6:35

Nae rhaw hae kha sungsah oh lah, hoynaw raepah oh, pawpaw sanmah ngaehoi leite koiisakuh oh; te nae ryalaw mee tuh myarya ale cih zah Ahang Huaccepaw Pachia ccaaw hae na thua cih oh. Pawccecize Pachia tuh lungtuabya ho lan a nyhthya leipaw te ccungccaw hoylei hae tungvaw kya thawccinaw a hoipaw nynh thua.

MATTHAI 23:37

“Pou Jerusalem, Jerusalem, nang nynh profeh hae kha na theih hae zah na kalan oun saw hae paw ccungccaw hae kha lung te na deih hae; awpinung nynh a taw hae kha a sake kaw a khong hae hawte na ccaaw hae kha pynkheihlan suelua lan palei ka ry, thuasalama na ry khyh!

MATTHAI 5:12

Nae lungtua sah lah nae lungpaw sah, pawccecize vaawlang khua kya nae ryalaw mee tuh ale; pawccecize nanning maw e profeh hae kha mah minmin nynh tuhmaminte a tuaa a sah hae.

2 TIMOTE 4:8

Atu te vae tuh dingnaw bawilukhung kha kamaw hanlan nungpya athua vae. Tuh-e tuh adingpaw byapiatu, Bawipaw nynh tuh-e Nin kya kae kha yn pya cih. Kamaw kyalya thua leite amaw yn langku lanpaw a ngaehoi hae paw balyn kha mah a pya cih hae.

2 TIMOTE 1:18

Tuh-e Nin kya Bawipaw kya-e ngaethyaumsahnaw kha a mue nawlan Bawipaw nynh la pyabua vae sah. Efesa khua kya ka hanlan pawcih nynh rya yn lawpya cipaw kha hoyte na ny.

MATTHAI 6:1

“Ccungccaw hae nynh yn muih hae sah cite minmin malang ryachi bawmnaw na pya khyh nawlan oh la raeringkuh oh; tuhkhyhze tuh vaawlang umpaw nae Paaw kya-e amee na mue lan khyh oh.

PHUNGTANGBYA 23:18

Malang ccyh tuh a um ccaccing keiccuze, na ngaehoinaw kha la zosah nan.

PHUNGTANGBYA 11:18

Ccungccaw hoyleipaw nynh tuh ahme leipaw ryalaw mee kha nynh a mue, thuasalama dingnaw ccacii a vua hae paw tuh ahmepaw ryalaw mee kha a mue hae.

The Psalms 58:11

Ccungccaw hae nynh, “Miding hae hanlan lasung a um ccaccing; laephi vawlan bya a piatupaw Pachia tuh a um ccaccing,” cite a ho cih hae.

The Psalms 19:11

Tuhpiaze, e phungzae hae nynh na ryalahtupaw kae kha raeringnaw yn pya hae; e phungzae hae zuinaw liate myarya lepaw lasung a um.

KOLOSE 2:18

Ahme leipaw zakawsangsakunaw kya te vaaw hae beikpaw kya a lungrythuapaw hum nynh san thethya ae la ho nan oh sah; tuh-e paw tuh amaw a tuanaw khate accakaepaw kya a tansakuhpaw, a muihpaw vizin hae kha phang kyngkuh zah,

RUTH 2:11

Boaz nynh amaw kha, “Na vawpaw a chih koute na ninnung hanlan na cyipyapaw balyn kha thuasah, na nung na paaw te na puinaw ram kha cciatawte na ny boi leipaw minphuin hae kalan nae cciapaw kha thuasah pong yn hopya vae hae.

RUTH 2:13

Te Ruth nynh, “Ka bawipaw, na malang maehoynaw po ka mue vae sah, pawccecize kae tuh na ryalahtu hae laku e lu kheit ka thua khyh zemah, lungtangnaw nae pya zah hoyte bya nae beih,” a cipya.

RUTH 4:15

Aning tuh na hiinnaw ae thawsahthuitu te na taw vae te ae do-oihtu athua cih; nang kha ae sungsah zah ccapaw lu sari laeze na hanlan a hoyhuanung na monung nynh ccapaw a saah vae,” a cipya hae.

JEREMIAH 31:16

Bawipaw nynh hynhte a ho: Na rawpaw hynh ngae ccavae lah, na mitphi lua nan vae sah; pawccecize na ryalaw mee lasung a um, minmin tuh rhaw hae ram kyate a ki cih hae;

1 SAMUEL 24:20

Atu tuh nang tuh siapharan lang na tang ccaccing cih zah, Israel peenaw tuh na kuih kya atyn cih cipaw ka ny.