RUTH 2:10 - Zotung Bible 2016

¹⁰ Ruth nynh laekhu kya bakhung zah, “Kae tuh minphuin ccangpaw mang ka thua pite, nang nynh kae hynh peki lan ciate, pawccemou na malang maehoynaw hynh ka mue?” a cipya.

RUTH 2:10 Iomraidhean Croise

1 SAMUEL 25:23

Abigail nynh David kha a muih tuh, lann tungvaw te arangte rung zah, David malang khe laekhu kya a bakhung.

RUTH 2:13

Te Ruth nynh, “Ka bawipaw, na malang maehoynaw po ka mue vae sah, pawccecize kae tuh na ryalahtu hae laku e lu kheit ka thua khyh zemah, lungtangnaw nae pya zah hoyte bya nae beih,” a cipya.

Romans 12:10

u te neitaw ccaccing hawte lu kheit te lu kheit sungsakuh oh; sawtuakunaw kya lu kheit te lu kheit sawtuakuh kalang oh.

LUKA 1:48

Pawccecize a seenung a nyaanaw kha ningpah khyh. Atu te she takyh kya hythua ccounung cite yn ko vae cih hae.

LUKA 1:43

Ka Bawipaw a nung nynh ka kalan paebua lan ciate pawccemou hynh-e maehoynaw hynh kae nynh ka mue?

2 SAMUEL 19:28

Pawccecize ka paaw innbyn hae balyn tuh siapharan ka bawipaw malang chi lan accan hae paw nynh thua hae; thuasalama na ccaboi kya a ae hae paw laku kya na ryalahtupaw hynh nae nungbua. Tukeiccuze siapharan kalan ccangpaw ngianaw kaw ka hoi ung cih zawtou?” a cipya.

2 SAMUEL 9:8

Aning nynh sawtuanaw pya zah, “Kae tahawpaw ui chihpaw hynh nang nynh do lan ciate, na ryalahtu hynh pawmou ka thua?” a cipya.

MATTHAI 25:35

Pawccecize ka vuelaw lya looh nae dang oh, ka tuihaw lya tui nae niasah oh, mikhia lang ka tang lya innccong nae ua oh;

RUTH 2:2

Moab minphuinnung Ruth nynh Noami kha, “Loo lang ka la cceih sah lah, thaw yn ccih hae paw nulang khe ccamua ka la ccungbua sah,” a cipya. Noami nynh, “Ka ccanung, la cceih,” a cipya.

GENESIS 18:2

Abraham nynh dothung zah amaw pe a thadynpaw pise hae lu thum kha a muih hae. Aning nynh minmin kha he a muih hae tuh tungku khylan a bu thuakawzung kyate ccue zah laephi kya a bakhung.

RUTH 2:9

A rue cciamang hae paw loo kha do lah, mih nulangte zuikuh bua. Nang kha ae theihrya khyh nawlan hae, ccangvae hae kha kaw ka pya vae hae. Tui na haw ze, ang a umnaw langkhe cceih lah, ccangvae hae nynh a the hae paw tui kha na neih cih,” a cipya.

RUTH 2:11

Boaz nynh amaw kha, “Na vawpaw a chih koute na ninnung hanlan na cyipyapaw balyn kha thuasah, na nung na paaw te na puinaw ram kha cciatawte na ny boi leipaw minphuin hae kalan nae cciapaw kha thuasah pong yn hopya vae hae.

LEVITIKAS 19:34

Nae kya a um buapaw ramccang ccungccaw tuh nanning laku e ramccungccaw hawte athua cih; khah-e ramccang ccungccaw kha namaw toulou hawte na sungsah cih, pawccecize nanning tuh Izip ram kya ramccang hae nynh na thua oh: Kae tuh Bawipaw nae Pachia nynh ka thua.

RUTH 2:19

A ninnung nynh amaw kha, “Atunin teimou ccamua na ccung? Teimou rya na law? Nang ae nyhpaw ccungccapaw tuh hythuanaw ccou vae sah,” a cipya. Tukeiccuze a ninnung kha rya a lawnaw ccungccapaw kong kha hopah zah, “Atunin rya ka lawnaw ccungccapaw min tuh Boaz a cikuh,” a cipya.

2 SAMUEL 7:18

Tetuh David siapharan nynh alungkhu lang tee zah Bawipaw malang haung zah, “Pou Bawipaw PACHIA, kae tuh ahum ka thua zah, ka innbyn tuh pawcihawpaw innbyn athua keiccu mou hynhcih ciate nae hangthung?