JOSHUA 9:4 - Zotung Bible 2016

⁴ thyaruhhahi lante rya a law hae: cceih hae zah vaelooh kha a paccynku hae, mih lann hae hanlan aseiikuhpaw sungkua kha mang hae zah, apuepaw, aseiikuhpaw te abiakuhpaw misutui-saphuabawng kha a phusah hae,

JOSHUA 9:4 Iomraidhean Croise

GENESIS 34:13

Shekhem nynh mih ccianung Dinah kha a thethyasah keiccuze Jakob ccaaw hae nynh Shekhem te a paaw Hamor kha lingpaw bya te a leih hae.

The Psalms 119:83

Kae tuh maeekhuh kya umpaw savingtui-um hawte nynh ka thua vae, tuhzemah na phungbya kha ka ning loh khyh.

MATTHAI 10:16

“Ngaetua oh! Suizaw hae laku tuu hae saw hawte nanning kha kae saw oh, tukeiccuze hupaw hawte nae lunghaw sah lah vahu hawte nae lungne sah.

MATTHAI 9:17

Humhung nynh mah athawpaw misutui kha arynpaw misutui-saphuabawng lungkhu lang ruin boi khyh, tuhte a ruin lanze misutui-saphuabawng tuh apaw cih zah misutui tuh azu cih, te misutui-saphuabawng mah aroh cih; thuasalama athawpaw misutui tuh athawpaw misutui-saphuabawng lungkhu lang nynh a ruin hae, tuhteze tuh parouh akhyn hae,” a cipya hae.

MARKA 2:22

Humhung nynh mah athawpaw misutui kha arynpaw misutui-saphuabawng lungkhu lang ruin boi khyh. A ruin lanze misutui athawpaw nynh misutui-saphuabawng kha phae pawsah zah misutui azu, te misutui-saphuabawng tuh aroh; thuasalama athawpaw misutui tuh athawpaw misutui-saphuabawng kya nynh ruin lan accan,” a cipya hae.

LUKA 16:8

A hynhupaw synriatu nynh hawrarih lante a cyi keiccuze a bawipaw nynh the a hoysah. Pawccecize e laephi ccungccaw hae tuh mimaw she e ccungccaw hae te ccuepekunaw kya awnaw ccungccaw hae laeze a hawhua hae.

JOSHUA 9:12

Vaelooh lang kae phukupaw sanlou tuh hein kya a um; laanryng hanlan kae phukupaw kae sanlou hae hynh kae inn kyate nae kalan ccia lan kae thoku nin tuh sokaleihpaw nynh thua, thuasalama atu tuh dotua oh, rou zah phe mua vae.

JOSHUA 9:13

E misutui-saphuabawng hae hynh mah kae ruin takaw lya tuh athawpaw athua zemah, dotua oh, phe paw vae; te e kae boeining hae te kae phanah hae hynh mah kae laanccia eih saw keiccu pue zah apae vae,” a cipya hae.

JOSHUA 9:3

Thuasalama Joshua nynh Jeriko khua te Ai khua kya a cyipaw kha Gibeon khuaccaaw hae nynh he a thae hae tuh,

JOSHUA 9:5

pae zah bia vae paw phanah kha nahkuh hae zah boeining puesalaepaw kha a lawku hae; te mih vaelooh balyn tuh rou zah amua vae.