JOSHUA 9:25 - Zotung Bible 2016

²⁵ Atu kaening hynh na kuih kya nynh kae um: kae tungvaw kya cyi lan ahoy ahme cite na tua thyhte cyih ccaleih,” a cipya hae.

JOSHUA 9:25 Iomraidhean Croise

GENESIS 16:6

Abram nynh Sarai kha, “Na seenung tuh na kuihkaw nynh um; amaw kha na cyi ry thyhte cyih,” a cipya. Tetuh Sarai nynh Hagar kha thawte reih zah Hagar tuh amaw kyate po ccue vae.

2 SAMUEL 15:26

Thuasalama aning nynh, ‘Na tungvaw ka lungrythua khyh,’ a ci lanze, kae tuh hein kya mang ka um, ahoy a ci thyhte ka tungvaw cyih vae sah,” a cipya.

2 SAMUEL 24:14

David nynh Gad kha, “Myarya lepaw lungriathaenaw kya nynh ka um; Bawipaw kuih kya ccah oh sih, pawccecize a thawccinaw tuh myarya ale; thuasalama ccungccaw kuih kya tuh ka ccah nan sah,” a cipya.

2 SIAPHARAN 10:5

Tukeiccuze siapharan inn do-oihtu, khua a uktu, piccan hae te imua do-oihtu hae nynh Jehu kha byataw hae zah: “Kaening tuh na ryalahtu hae nynh kae thua; na hopaw miakaw kae cyih cih. Humhung mah siapharan lang kae khangkuh lan khyh; ahoy na ci hawte cyih ccaleih,” a cipya hae.

ISAIAH 47:6

Ka ccungccaw hae tungvaw ka thinria, ka rho tungvaw ka lua ka aethua zah, minmin kha na kuih kya kae pya hae, mih tungvaw thawccinaw na hoi khyh; mih kum tang hae paw tungvaw kya phupaw myarya ripaw kha na phusah hae.

JEREMIAH 26:14

Thuasalama kae tuh nae kuih kya nynh ka um. Ahoy te ahme cite na tua oh hawte kae hynh yn cyih oh.

JEREMIAH 38:5

Zedekiah siapharan nynh, “Aning tuh hein kya mang um, aning tuh nae kuih kya nynh a um; pawccecize siapharan tuh nanning rynaw kha khee khyh,” a cipya hae.

MATTHAI 11:26

Tuhmawte nynh athua Apang, pawccecize tuh-e tuh na rynaw nynh thua.

JOSHUA 9:26

Tukeiccuze Joshua nynh minmin hanlan kha hynhte a cyi: minmin kha Israel hae kyate khum hae zah theih khyh hae.

BYAPIATU 10:15

Te Israel hae nynh Bawipaw kha, “Kae sei vae; ahoy na ci hawte kae tungvaw oun cyih; thuasalama atunin beih oun luesah!” a ci hae.

BYAPIATU 8:15

Te Gideon tuh Sukkoth khuaccaaw hae kalan yn cceih zah, “ ‘Kaening nynh na rhawkaw hae kha sanlou kae pya lan hae paw tuh, Zebah te Zalmunna tuh na kuih kya a thua vae hae zawtou?’ cite nanning nynh mih konglang nae hopya oh paw Zebah te Zalmunna tuh hein kya a um hae,” a cipya hae.

1 SAMUEL 3:18

Tukeiccuze Samuel nynh pawpaw mah phei leite marya a hopya. Tetuh Eli nynh, “Amaw tuh Bawipaw nynh thua; ahoy a cipaw kha cyih vae sah,” a ci.