JOSHUA 9:24 - Zotung Bible 2016

²⁴ Minmin nynh Joshua kha, “Ram hae balyn hynh nanning pya lan zah, ram kya um hae paw balyn hynh nae malang ro lanpaw kha Bawipaw na Pachia nynh a ryalahtu Moses kya kaw a pya vae cipaw kha na ryalahtu hae kaening kya phe ria lan oun hopah hae zah, nanning keiccuze kae hiinnaw hanlan myarya kae ri pawte, hynh-e uccaw hynh kae cyi.

JOSHUA 9:24 Iomraidhean Croise

JOB 2:4

Tetuh Satan nynh Bawipaw kha, “Ving hanlan ving! cite a um hawte ccungccaw nynh tuh a hiinnaw khumku khylan a hoipaw balyn kha a sya cih.

MATTHAI 10:28

Pyn tuh theih kho salamah muisaw a theih kho lei hae paw kha la rih nan oh; muisaw te pyn kha parouhte hell kya a roh khopaw raw kha la rih oh.

JOSHUA 10:2

myarya a rih, pawccecize Gibeon tuh siapharan khua khuakheit hawte khua lepaw thua zah Ai khua laeze mah alehua, khua kya-e pise hae balyn tuh arawthungpaw ccungccaw hae nynh thua hae.

JOSHUA 2:11

Te tuh-e tuh he kae thae takaw te, kae bung tuh thyngkuh zah, nanning keiccuze kaening lu kheit kya sanmah rawthungnaw um vae khyh, Bawipaw nae Pachia tuh ahangnaw vaaw te anenaw laephi kya Pachia ccaccing nynh thua.

JOSHUA 2:9

minmin kyakhe, “Bawipaw nynh e ram hynh ae pya vae oh cipaw kha thuasah, nanning raw kha eih kae ri keiccuze ram lungkhu um hae paw balyn tuh nae malang a thyngkuh hae cipaw kha thuasah ka ny.

JOSHUA 6:21

Te khua kya umpaw balyn, nopi pise, adih ale, vaetua, tuu te lann hae kha thaloi te marya a ro hae.

JOSHUA 9:9

Te minmin nynh, “Bawipaw na Pachia min keiccuze laansawpi e ram kyate nynh kae thua; pawccecize Pachia kong kha thuasah, Izip ram kya a cyipaw balyn kha thuasah,