JOSHUA 9:19 - Zotung Bible 2016

¹⁹ Thuasalama cciakhaetu hae nynh ccungccaw zapi hae balyn kyakhe, “Bawipaw , Israel Pachia min te kaening nynh minmin kha bya kae kinpyaku vae hae keiccuze minmin kha ty lei lan vae hae.

JOSHUA 9:19 Iomraidhean Croise

PHUNGHOTU 8:2

Athyaapaw byakinkunaw kha na rae vae keiccuze siapharan nynh kaw a pyapaw kha cyitua.

PHUNGHOTU 9:2

Ccungccaw balyn kalan phe lokuhpaw uccaw kha yn thua, a dingpaw te a ding leipaw, a hoypaw te a hoy leipaw, a thyaapaw te a thyaa leipaw, silawnaw a raepaw te a rae leipaw tungvaw yn thuapaw uccaw tuh phe lokuh. Ccungccaw hoy hae paw tuh misei hae te lokuh hae zah, bya a kinkuh hae paw tuh bya a kinkuh lei hae paw te phe lokuh hae.

JEREMIAH 4:2

“Bawipaw tuh a hiin thyhte!” cite byaccing te, byading te dingnaw khate bya na kinku ze thuasah minphuin hae tuh tuh-e Pachia liate hythua a ccou cih hae zah, tuh-e Pachia liate a pookuh cih hae, a ci.

JOSHUA 9:18

Thuasalama Bawipaw , Israel Pachia liate ccungccaw zapi cciakhaetu hae nynh bya a kinpyaku vae hae keiccuze Israel hae nynh minmin kha tuk khyh hae. Te ccungccaw zapi balyn nynh cciakhaetu hae kha a seisah hae.

JOSHUA 9:20

Mih tungvaw kya aening nynh hynhte cyi lan: Aening nynh minmin kha thyalawkute bya ah kinpyaku vae oh keiccuze ah tungvaw kya thin-unaw accaw khyh nawlan, mih hiinnaw kha haang lan hae,” cite a hopya hae.