JOSHUA 9:15 - Zotung Bible 2016

¹⁵ Te Joshua nynh minmin ryte ccawkunaw rae zah, mih hiinnaw haang lante aamah a khanpyaku hae; te ccungccaw zapi cciakhaetu hae nynh minmin kha thyalawkute bya a kinpyaku hae.

JOSHUA 9:15 Iomraidhean Croise

2 SAMUEL 21:2

Tukeiccuze siapharan nynh Gibeon hae kha ko hae zah a hopya hae. (Gibeon hae tuh Israel hae thua khyh hae, Amor hae a laehy hae paw nynh thua hae; Israel hae nynh minmin kha kae haang cih oh cite bya a la kinpyaku hae zemah, Saul nynh Israel hae te Judah hae kha myarya pankhae hae zah minmin kha maemih lan a zuaku.)

EXODUS 23:32

Minmin te thuasah, mih pachia hae te thuasah byakinnaw na rae lan khyh.

JOSHUA 10:1

Joshua nynh Jeriko khua te a siapharan tungvaw a cyi hawte, pawtemou Ai khua kha lah zah, Ai khua te a siapharan kha marya a ro cipaw kha thuasah, pawtemou Gibeon khuaccaaw hae nynh Israel hae ryte ccawkunaw rae hae zah minmin kya a umbua hae cipaw kha thuasah, Jerusalem siapharan Adonizedek nynh he a thae tuh,

JOSHUA 10:4

“Ka kalan oun cceih oh lah, yn bawm oh, Gibeon kha tuk oh sih; pawccecize aning nynh Joshua te Israel hae ryte ccawkunaw a rae vae hae,” a cipya hae.

JOSHUA 11:19

Gibeon khua kya um hae paw Hiv hae holeite, Israel hae ryte daenaw a rae hae paw khua khuakheit san um khyh; khua abalyn mawte tuk hae zah a law hae.

JOSHUA 9:16

Minmin ryte byakinnaw a rae kou hae te nin thum he aro te, Gibeon hae tuh mih innpaw hae thua hae zah mimaw kya a um hae paw nynh thua cipaw kha a ny hae.