JOSHUA 9:14 - Zotung Bible 2016

¹⁴ Tukeiccuze cciakhaetu piccan hae nynh mih vaelooh kha ae hae zah, Bawipaw tuanaw kha ngiakuh khyh hae.

JOSHUA 9:14 Iomraidhean Croise

2 SAMUEL 2:1

Tukoute David nynh Bawipaw kha, “Judah ram e khua khuakhakheit kalan ka cceihthung cih tou?” cite a khia. Bawipaw nynh amaw kha, “Cceihthung” a cipya. David nynh, “Tei khua lang mou ka cceihthung cih?” a cipya. Aning nynh, “Hebron khua lang,” a cipya.

2 SAMUEL 5:19

David nynh Bawipaw kha khia zah, “Filistin hae kha tuk lan ka ccianua thung cih hae tou? Minmin kha ka kuih kalan nae pya cih hae tou?” a cipya. Bawipaw nynh David kha, “Ccianua thung hae; pawccecize Filistin hae kha na kuih kalan kae pya ccaccing cih,” a cipya.

EZRA 8:21

Te kaemaw hanlan, kae ccaaw hae hanlan te kae hoipaw uccaw balyn hanlan akhynpaw laanccia kha Pachia kalan ngia khylan kae Pachia malang zakaw kae sangsaku nawlan, Ahava vaw pe khe looh-aesungnaw kha ka hopya hae.

EXODUS 28:30

Byapianaw bybe vawlan khe Urim te Thummim kha na nung cih hae, tuh-e hae tuh Aaron nynh Bawipaw malang he a tee vae ze, a thinlung vawlan khe a um cih hae; tuhcite Aaron nynh Israel hae hanlan byapianawpaw kha a thinlung vawlan Bawipaw malang zungzae a phukuh cih.

NAMBAR 27:21

Thuasalama ranpibawi Eleazar malang a thadyn cih zah, Eleazar nynh Bawipaw malang Urim byapaenaw thyhte amaw hanlan byakhianaw kha a rae cih; amaw ryte Israel zapi balyn tuh amaw bya thyhte a pou cih hae zah amaw bya thyhte a tee cih hae,” a ci.

JAMES 1:5

Nanning lukhakheit nynh hawnaw abou ze, Pachia kha ngiakuh sah, pawccecize seibe leite ccungccaw balyn kha hysahte a pyatu Pachia nynh tuh-e paw tuh hawnaw a pya cih.

JOSHUA 9:13

E misutui-saphuabawng hae hynh mah kae ruin takaw lya tuh athawpaw athua zemah, dotua oh, phe paw vae; te e kae boeining hae te kae phanah hae hynh mah kae laanccia eih saw keiccu pue zah apae vae,” a cipya hae.

BYAPIATU 1:1

Joshua a chih koute Israel hae nynh Bawipaw kha, “Kanaan hae kha tuk khylan kaening hanlan hummou masaty a cceih cih?” cite a khia hae.

BYAPIATU 20:18

Israel hae tuh Bethel lang thokute cceihthung hae zah Pachia kha, “Kaening kya hynh Benjamin phin tuk khylan hummou a cceih ty cih?” cite a khia hae. Bawipaw nynh, “Judah nynh a cceih ty cih,” a ci.

BYAPIATU 20:28

Aaron ccapaw Eleazar a ccapaw Fineshas nynh tuh-e ccyh lya tuh a malang khe rya a law), “Kae uno Benjamin phin hae kha dou khylan vae kheit bua kae pou ung cih tou, tuhkhyhze kae umtaw vae cih tou?” a cipya hae. Bawipaw nynh, “Cceih oh, awkhualan minmin kha nae kuih kya kae pya cih oh,” a cipya hae.

1 SAMUEL 22:10

Ahimelek nynh aning hanlan Bawipaw kha byakhiapah zah, looh te Filistin paw Goliath thaloi kha a pya,” a cipya.