JOSHUA 9:13 - Zotung Bible 2016

¹³ E misutui-saphuabawng hae hynh mah kae ruin takaw lya tuh athawpaw athua zemah, dotua oh, phe paw vae; te e kae boeining hae te kae phanah hae hynh mah kae laanccia eih saw keiccu pue zah apae vae,” a cipya hae.

JOSHUA 9:13 Iomraidhean Croise

MATTHAI 9:17

Humhung nynh mah athawpaw misutui kha arynpaw misutui-saphuabawng lungkhu lang ruin boi khyh, tuhte a ruin lanze misutui-saphuabawng tuh apaw cih zah misutui tuh azu cih, te misutui-saphuabawng mah aroh cih; thuasalama athawpaw misutui tuh athawpaw misutui-saphuabawng lungkhu lang nynh a ruin hae, tuhteze tuh parouh akhyn hae,” a cipya hae.

MARKA 2:22

Humhung nynh mah athawpaw misutui kha arynpaw misutui-saphuabawng lungkhu lang ruin boi khyh. A ruin lanze misutui athawpaw nynh misutui-saphuabawng kha phae pawsah zah misutui azu, te misutui-saphuabawng tuh aroh; thuasalama athawpaw misutui tuh athawpaw misutui-saphuabawng kya nynh ruin lan accan,” a cipya hae.

LUKA 5:37

Hum nynh sanmah misutui athawpaw kha arynpaw misutui-saphuabawng kya ruin boi khyh, tuhte a ruin lanze misutui athawpaw nynh misutui-saphuabawng kha phae pawsah cih zah misutui pong azu cih, te misutui-saphuabawng mah aroh cih.

DEUTERONOMY 29:5

Nanning kha ramkaw kya kum sung pali lungkhu kae cciakhae vae oh. Nae tungvaw e boeining tuh pue khyh zah, nae ccu kya-e phanah mah pue khyh;

JOSHUA 9:12

Vaelooh lang kae phukupaw sanlou tuh hein kya a um; laanryng hanlan kae phukupaw kae sanlou hae hynh kae inn kyate nae kalan ccia lan kae thoku nin tuh sokaleihpaw nynh thua, thuasalama atu tuh dotua oh, rou zah phe mua vae.

JOSHUA 9:14

Tukeiccuze cciakhaetu piccan hae nynh mih vaelooh kha ae hae zah, Bawipaw tuanaw kha ngiakuh khyh hae.

JOSHUA 9:4

thyaruhhahi lante rya a law hae: cceih hae zah vaelooh kha a paccynku hae, mih lann hae hanlan aseiikuhpaw sungkua kha mang hae zah, apuepaw, aseiikuhpaw te abiakuhpaw misutui-saphuabawng kha a phusah hae,

JOSHUA 9:5

pae zah bia vae paw phanah kha nahkuh hae zah boeining puesalaepaw kha a lawku hae; te mih vaelooh balyn tuh rou zah amua vae.