JOSHUA 9:10 - Zotung Bible 2016

¹⁰ Jordan khuraw lang um hae paw Amor hae siapharan lu ning, Heshbon siapharan Sihon te Ashroth kya umpaw Bashan siapharan Og tungvaw a cyipaw balyn kha thuasah kae thae vae.

JOSHUA 9:10 Iomraidhean Croise

GENESIS 14:5

Kum haw lae palinaw kyakhe Khedorlaomer tuh amaw te a pankheih hae paw siapharan hae ryte oun thua hae zah Ashteroth-karnaim khua kya Refaim hae kha thuasah, Ham khua kya Zuzim hae kha thuasah, Kiriathaim vahue kya Emim hae kha thuasah,

1 SHERIANAW 6:71

Gershom ciihan hae hanlan a pya hae paw tuh: Manasseh phin angankuh hae ram lungkhu e, Bashan ram e Golan khua te a sahiin hae rampaeenaw hae te Ashtaroth khua te a sahiin hae rampaeenaw hae;

NAMBAR 20:14

Moses nynh Kadesh kyate locceihtu hae kha Edom siapharan kalan saw hae zah, “Nae unopaw Israel nynh hynhte a ci: Kae tungvaw accahpaw vawsawnaw balyn hynh phe na ny:

DEUTERONOMY 1:4

E hynh Heshbon kya umpaw Amor Siapharan Sihon te Ashtaroth te Edrei kya umpaw Bashan Siapharan Og kha Moses nynh a tae kou hae te nynh thua.

DEUTERONOMY 2:30

Thuasalama Heshbon siapharan Sihon nynh aening po ccia lanpaw kha oun ua ry khyh, pawccecize Bawipaw nae Pachia nynh atu a cyi vae hawte, Sihon kha nanning kuih kya pya khylan a lung kha tangsah zah a thinlung kha a khungsah.

JOSHUA 12:4

Ashtaroth te Edrei khua kya um hae paw Refaim hae kyaze nyathya a laehypaw lu kheit tuh Bashan siapharan Og nynh thua,

JOSHUA 13:31

Gilead ram angankuh, Bashan ram kyaze Og a peenaw kya umpaw Ashtaroth khua te Edrei khua; e ram hae hynh Manasseh ccapaw Makhir ciihan hae—Makhir hae angankuh kha—mih puizia hae thyhte nee athua hae.

JOSHUA 2:10

Izip ram kyate he na pou oh te, Bawipaw nynh nae malang khe Rili Se a rousah cipaw kha thuasah, Jordan khuraw lang umpaw Amor hae siapharan lu ning Sihon te Og kha marya na ro oh cipaw kha thuasah kae thae vae.

JOSHUA 2:9

minmin kyakhe, “Bawipaw nynh e ram hynh ae pya vae oh cipaw kha thuasah, nanning raw kha eih kae ri keiccuze ram lungkhu um hae paw balyn tuh nae malang a thyngkuh hae cipaw kha thuasah ka ny.

JOSHUA 9:11

Tukeiccuze kae piccan hae te kae ram e ccungccaw hae balyn nynh kaening kha, ‘Laanryng kya ae lanpaw vaelooh phukute la cceih oh, minmin kha la tungkuh oh lah, “Kaening tuh nae ryalahtu hae nynh kae thua; atu kaening te byakinnaw rae oh,” cite la hopah oh,’ oun cipya hae.

JOSHUA 9:9

Te minmin nynh, “Bawipaw na Pachia min keiccuze laansawpi e ram kyate nynh kae thua; pawccecize Pachia kong kha thuasah, Izip ram kya a cyipaw balyn kha thuasah,