JOSHUA 8:35 - Zotung Bible 2016

³⁵ Nopi hae, imua hae te mih kya umbua hae paw ramccang hae te Israel zapi hae balyn malang khe Moses nynh kaw a pyapaw bya balyn kya-e byaccan ccangkheit sanmah Joshua nynh a ria leipaw um khyh.

JOSHUA 8:35 Iomraidhean Croise

EZRA 10:1

Ezra tuh Pachia inn malang khe bakhung zah rawkhuite saw a sang lyakhe, myarya lungpaw Israel ccungccaw zapi, pise, nopi hae te imua hae tuh amaw kalan oun pumkuh hae; ccungccaw hae mah thawmawte a rah hae.

NEHEMIAH 8:2

Ranpibawi Ezra nynh kawbya tuh thae kho zah a thaethyapaw balyn, nopi pise ccungccaw zapi malang khe sawpaw sah sarinaw nin kheit nin kya a thuakhae.

NEHEMIAH 8:3

Ezra nynh tuh-e ccauh tuh awkhua takaw te ninthu cia Tui Koikua malang accawnghannaw hmin kalan hawi zah, a thaethya khopaw nopi pise malang khe a ria; ccungccaw balyn nynh kawbya ccauh tuh pekite a ngae hae.

EXODUS 12:38

Ccangpaw ccungccaw zapi hae mah sahiin-awvaw hae tuu, miaa te vaetua hae patae ryte a cceihbua hae.

JEREMIAH 26:2

Bawipaw nynh hynhte a ho: Bawipaw beikinn voidu lungkhu khe thadyn lah, Bawipaw inn kya beik khylan oun thua hae paw Judah ram e khuapi hae balyn kalan khe kaw kae pyapaw bya balyn kha hopah hae; bya kaw kheit sanmah phei nan hae.

JOEL 2:16

Ccungccaw hae kha suelua oh lah, ccungccaw zapi hae kha thyaasah oh; mih kum tang hae paw kha pum oh lah, imua hae kha suelua oh, nosi hae kha heize nae by kya pomte suelua oh. Zudy ccangvaepaw tuh a khaan lungkhu te pou sah lah, akaenung liaccanung tuh zokhawboei lungkhu te pou sah.

ZEKHARIAH 8:23

Vaaw Bawipaw nynh hynhte a ho: Tuin nin vae tuh bya aphuinphuin ho hae paw minphuin kya-e pise lu haw nynh Judah ccungccaw lu kheit kha a boeining te a kyng cih hae zah, “Pachia tuh na kya a um cipaw kha kae thae keiccuze nang ryte cceihkheih oh sih,” cite a hopah cih hae.

MARKA 10:14

Jesu nynh tuh-e tuh he a muih te, a thinria zah minmin kha, “Imua taraw hae kha ka kalan oun cceih hae sah, kang nan oh; pawccecize Pachia peenaw tuh hynhcihawpaw hae elang nynh thua.

LOCCEIHTU 20:27

Pawccecize Pachia paccynnaw balyn kha nae kalan phy lan ka synkuh khyh.

LOCCEIHTU 21:5

Nin sari he aro te, kae pou zah kae cceih; minmin balyn nynh mih zu mih ccaaw hae ryte khua khunglang cia oun dohaw hae. Rili kin kya ccukharutungte saw kae sang.

DEUTERONOMY 29:10

Atunin nanning tuh nae balynte, nae phin cciakhaetu hae, nae piccan hae, nae bawi hae, Israel pise balyn,

DEUTERONOMY 29:11

nae ccaaw hae, nae nopi hae, nae ryahmin kya umpaw ramccang hae, nae thing a tya hae paw te nae tui a the hae paw tuh Bawipaw nae Pachia malang khe na thadyn oh,

DEUTERONOMY 29:9

Tukeiccuze na cyi oh paw atyn-are kya nae laan nae sui a ua nawlan, hynh-e byakinnaw kya-e bya hae hynh zuakute zui oh.

DEUTERONOMY 31:12

Pise hae, nopi hae, imua hae te nae khua hae kya a um hae paw ramccang hae nynh a thae cih hae zah, Bawipaw nae Pachia tungvaw rithyanaw kha a ccangkuh cih hae zah, hynh-e upadi kya-e bya hae balyn hynh zuakute a zui ccaw hae, ccungccaw hae kha pum hae,

DEUTERONOMY 4:2

Kae pya oh paw bya kya ccangkheit sanmah na biachih lan khyh oh zah, ccangkheit sanmah na vua lan khyh oh, kae hopya oh paw Bawipaw nae Pachia kawbya hae hynh na tynsah cih oh.