JOSHUA 8:33 - Zotung Bible 2016

³³ Ranpibawi hae nynh Israel hae kha hythua a pya cih hae, cite Bawipaw ryalahtu Moses nynh masaty lyaze kaw a pya hae thyhte, Israel hae balyn, ramccungccaw te ramccang ccungccaw hae tuh mih piccan hae, mih bawi hae te mih byapiatu hae ryte Bawipaw byakin thingkua puihtu Levi phin ranpibawi hae malang khe byakin thingkua te ahawiliakuh lante, ccungccaw angankuh tuh Gerizim Mua malang, tuhlaepaw angankuh tuh Ebal Mua malang khe a thadyn hae.

JOSHUA 8:33 Iomraidhean Croise

EXODUS 12:49

Israel ccungccaw hanlan thuasah, naemaw kya um buapaw ramccang ccungccaw hanlan thuasah hynh-e upadi ccangkheit kyalya a um cih,” a cipya hae.

LEVITIKAS 24:22

Ramccang ccungccaw hanlan te ramccungccaw hanlan upadi ccangkheit kyalya na hoi cih oh; pawccecize kae tuh Bawipaw nae Pachia nynh ka thua.

NAMBAR 15:15

Zapi kyaze, nae hanlan te a um buapaw ramccang ccungccaw hanlan upadi ccangkheit kyalya a um cih, nae she takyh kya zungzae tynpaw upadi athua cih; nanning te ramccang ccungccaw hae tuh Bawipaw malang na lokuh cih oh.

NAMBAR 15:16

Nanning te nae kya a umbua hae paw ramccang hae nynh upadi alokuhpaw te phungzae alokuhpaw kha na hoi cih oh.

NAMBAR 15:29

Israel ccungccaw ccaccing athuapaw thuasah, Israel hae laku a um buapaw ramccangpaw thuasah cyiseinaw a raepaw lukhakheit hanlan alokuhpaw upadi kha na hoi cih oh.

JOHAN 4:20

Kaening kae minpaaw hae nynh hynh-e mua vawlan hin a la beik hae; thuasalama nanning Judah hae nynh Pachia tuh Jerusalem khua kya beik lanpaw nynh thua na ci oh,” a ci.

DEUTERONOMY 11:29

Ccou khylan na teenua cih oh paw ram lungkhu lang Bawipaw nae Pachia nynh he ae teekhae vae oh te, hythuanaw kha Gerizim Mua vawlan na nung cih oh zah, thyalawnaw kha Ebal Mua vawlan na nung cih oh.

DEUTERONOMY 31:12

Pise hae, nopi hae, imua hae te nae khua hae kya a um hae paw ramccang hae nynh a thae cih hae zah, Bawipaw nae Pachia tungvaw rithyanaw kha a ccangkuh cih hae zah, hynh-e upadi kya-e bya hae balyn hynh zuakute a zui ccaw hae, ccungccaw hae kha pum hae,

DEUTERONOMY 31:25

Moses nynh Bawipaw kya-e byakin thingkua a puihtu hae Levi phin hae kha kawpya hae zah,

DEUTERONOMY 31:9

Oute Moses nynh hynh-e upadi hynh zei zah, Bawipaw kya-e byakin thingkua a puihtu hae Levi ccapaw hae ranpibawi hae te Israel piccan hae balyn kha a pya hae.

JOSHUA 23:2

Israel hae mih balynte, mih piccan hae, lu lang um hae paw, mih byapiatu hae te mih bawi hae kha Joshua nynh ko hae zah minmin kyakhe, “Atu tuh ka kum tang vae zah myarya ka taw vae;

JOSHUA 24:1

Te Joshua nynh Israel minphuin hae balyn kha Shekhem kya pum hae zah, Israel piccan hae, lupi hae, byapiatu hae te bawi hae kha a ko hae, te Pachia malang khe oun thua hae.

JOSHUA 3:14

Ccungccaw hae tuh Jordan vaw zua khylan mih bu kyate he a pou hae te, byakin thingkua a puihtu ranpibawi hae tuh ccungccaw hae malang a cceih hae.

JOSHUA 3:3

ccungccaw hae kha, “Levi phin ranpibawi hae nynh a puih hae paw Bawipaw nae Pachia kya-e byakin thingkua kha he na muih oh te, nae umnaw kyate na thokuh cih oh zah na zui cih oh,

JOSHUA 3:6

Joshua nynh ranpibawi hae kha, “Byakin thingkua kha puih oh lah, ccungccaw hae malang khe cceih oh,” a cipya hae. Tukeiccuze byakin thingkua kha puih hae zah ccungccaw hae malang a cceih hae.

JOSHUA 4:10

Moses nynh Joshua kaw a pya thyhte, ccungccaw hae kha hopya lan Bawipaw nynh Joshua kaw a pyapaw atyn-are athang mawlaezung, byakin thingkua a puihtu ranpibawi hae tuh Jordan vaw angaelung kya a thadyn hae. Ccungccaw hae tuh rangsakute vaw a zua hae.

JOSHUA 4:18

Bawipaw byakin thingkua a puihtu ranpibawi hae tuh Jordan vaw angaelung kyate pou hae zah, ranpibawi hae ccuphe nynh laerou kha he a sy te, Jordan vaw tuh a luamae hawte luathui zah, Jordan vaw tuh atakaw lya hawte varang lang balyn aleikuh vae.

JOSHUA 6:6

Tukeiccuze Nun ccapaw Joshua nynh ranpibawi hae kha ko hae zah, “Byakin thingkua kha lah oh lah, Bawipaw byakin thingkua malang khe ranpibawi lu sari nynh tuutepaw ki ccangsari kha ccyng oh,” a cipya hae.