JOSHUA 8:2 - Zotung Bible 2016

² Jeriko khua te a siapharan tungvaw na cyi hawte, Ai khua te a siapharan tungvaw na cyih cih; luadepaw uccaw te a sahiin-awvaw kyalya kha naemaw hanlan na lawkuh cih oh; khua kha anulang te buhkhaw oh,” a cipya.

JOSHUA 8:2 Iomraidhean Croise

2 SHERIANAW 13:13

Judah hae kha mih nulang te a pounua lan hae paw buhkhawtu hae kha Jeroboam nynh a saw hae; amaw rhawkaw hae tuh Judah hae malang khe um hae zah buhkhawtu hae tuh mih nulang khe a um hae.

2 SHERIANAW 20:22

Minmin nynh hlawsahnaw te thehoysahnaw kha he a tho hae tuh, Judah hae tuk khylan oun ccianua hae paw Ammon hae, Moab hae te Seir Mua e ccungccaw hae kha rawsete Bawipaw nynh buhkhawtu hae a nungnua hae keiccuze minmin tuh rhaw a shung hae.

The Psalms 39:6

Thanccingte, ccungccaw miakaw hynh mynlyh hawte nynh a ccia bungthung hae. Thanccingte, accakaepaw elang rya a suhsaku hae; sisua kha ccakhung hae zah, hum nynh a ccou cih cipaw nyh khyh hae.

PHUNGTANGBYA 13:22

Ccungccaw hoypaw nynh tuh a mintaw hae kyacia rho a nungpya sya hae, thuasalama miseipaw hoirumnaw kha miding hae hanlan suelua athua.

PHUNGTANGBYA 28:20

A lungzipaw ccungccaw tuh hythuanaw patae a mue cih, thuasalama arangte hoirum a rypaw tuh detahnaw mue leite um lan khyh.

JEREMIAH 17:11

Ahme leite sisua a ccakhungkuhpaw tuh amaw atui athua leipaw kya a ccungpaw vawkya pavaw hawte nynh athua; a hiinshe angankuh he athua te, tuh-e sisua hae kha a cciataw cih zah, athangnaw kya tuh mingaee athuanaw kha amaw nynh ccaekia a khan cih.

JEREMIAH 51:12

Babilon khualungrua te ahawiliakuh lante alan kha sae oh; rhawviatu hae kha nungchih oh lah, santari ccungtu hae kha nung oh; aruh lante abuhtu hae kha nung oh; pawccecize Bawipaw nynh paccyn zah, Babilon khuaccaaw hae konglang a la ho thyhte a cyi vae.

DEUTERONOMY 2:35

Ah luade oh paw sahiin-awvaw te ah law oh paw khua kya-e uccaw hae rou kha nynh ahmaw hanlan ah lawku oh.

DEUTERONOMY 20:14

Thuasalama nopi hae, imua hae, sahiin-awvaw te khua kya umpaw atyn-are balyn kha naemaw hanlan luadepaw uccaw lante na lawkuh cih oh. Bawipaw nae Pachia nynh ae pya oh paw nae rhaw hae kya-e luadepaw uccaw kha nae lung atuakhaekuh cih.

DEUTERONOMY 3:2

Bawipaw nynh ka kyakhe, “Amaw kha rih nan, pawccecize amaw ryte a ccungccaw hae te a ram hae kha na kuih kya kae pya vae. Heshbon a uktupaw Amor Siapharan Sihon tungvaw na cyi hawkhate a tungvaw kya cyitua,” yn cipya.

JOSHUA 10:1

Joshua nynh Jeriko khua te a siapharan tungvaw a cyi hawte, pawtemou Ai khua kha lah zah, Ai khua te a siapharan kha marya a ro cipaw kha thuasah, pawtemou Gibeon khuaccaaw hae nynh Israel hae ryte ccawkunaw rae hae zah minmin kya a umbua hae cipaw kha thuasah, Jerusalem siapharan Adonizedek nynh he a thae tuh,

JOSHUA 10:28

Tuin nin khe Joshua nynh Makkedah khua kha lah zah, tuh-e khua te a siapharan kha thaloi te a bae hae; khua lungkhu umpaw ccungccaw balyn kha lu kheit san a laehy lei lan ciate khaleih a ro hae. Jeriko siapharan tungvaw a cyi hawte Makkedah siapharan tungvaw kya mah a cyi.

JOSHUA 11:14

E khua hae kya-e luadepaw uccaw hae balyn te sahiin-awvaw hae kha Israel hae nynh mimaw elang a lawku hae; thuasalama ccungccaw hae balyn kha tuh a chi kou makhia hae, thaloi te theih hae zah ahiinpaw lu kheit san um lei lan marya a chia hae.

JOSHUA 6:21

Te khua kya umpaw balyn, nopi pise, adih ale, vaetua, tuu te lann hae kha thaloi te marya a ro hae.

JOSHUA 8:12

Te pise thong pangaw kha ko hae zah, Bethel te Ai laku, khua te niccaw langkhe a buhsah hae.

JOSHUA 8:14

Ai siapharan nynh tuh-e tuh he a muih te, amaw te a ccungccaw hae balyn te khuaccaaw hae tuh Israel hae kha tuk khylan Arabah accya lang ahawipaw tungkunaw hmin langkhe awkhua takaw te rangsakute a cceih hae; thuasalama khua nulang te oun buhkhaw hae cipaw kha nyh khyh.

JOSHUA 8:19

A kuih he a dyng takaw te, a buhtu rhawkaw hae nynh mih umnaw kyate arangte thokuh hae zah, malang khe a naangbia hae, khua lungkhu lang teete khua kha lah hae zah, maee te palou a soi vae hae.

JOSHUA 8:24

Israel hae nynh Ai khuaccaaw hae kha a deehuinaw hae ramkaw khe marya theih hae zah, mih balyn mawte thaloi te a chih kou hae te, Israel hae balyn nynh Ai khua lang kinua hae zah, khua kya um hae paw kha thaloi te marya a bae hae.

JOSHUA 8:3

Tukeiccuze Joshua te rhawkaw balyn tuh Ai lang ccia lan a thokuh hae. Joshua nynh arawthungpaw rhawkaw thong sung thum kha pote, khuazi khe kawpyate cciasah hae zah,

JOSHUA 8:7

na buhnaw oh kyate na thokuh cih oh zah khua kha na lah cih oh; pawccecize Bawipaw nae Pachia nynh khua kha nae kuih kya ae pya cih oh.

JOSHUA 8:8

Te khua kha he na lah kou oh te, Bawipaw bya thyhte khua tuh maee te na soi cih oh; tuhcite kaw kae pya vae oh,” a cipya hae.

JOSHUA 8:9

Tuhcite Joshua nynh saw hae zah buhnaw hmin lang a cceih hae, Ai te Bethel laku, Ai te niccaw langkhe a um hae; tuh-e khuazi tuh Joshua tuh ryahmin kya nynh a rya.

JOSHUA 9:3

Thuasalama Joshua nynh Jeriko khua te Ai khua kya a cyipaw kha Gibeon khuaccaaw hae nynh he a thae hae tuh,