JOSHUA 8:17 - Zotung Bible 2016

¹⁷ Ai khua te Bethel khua kya Israel hae deehui lan a cceih leipaw pise lu kheit san um khyh; khua koikua kha khawsya leite Israel hae kha a deehui hae.

JOSHUA 8:17 Iomraidhean Croise

JOB 5:13

Mihaw hae kha mimaw thyaruhnaw toulou khate kyng hae zah, thyaruh hae khuakhannaw kha alakawpaw lang a tangsah.

DEUTERONOMY 2:30

Thuasalama Heshbon siapharan Sihon nynh aening po ccia lanpaw kha oun ua ry khyh, pawccecize Bawipaw nae Pachia nynh atu a cyi vae hawte, Sihon kha nanning kuih kya pya khylan a lung kha tangsah zah a thinlung kha a khungsah.

JOSHUA 11:20

Pawccecize Bawipaw nynh Moses kha kaw a la pya thyhte, tuh-e minphuin hae kha thawcci leite khaleih ro athua nawlan hae, Israel hae kha tuk khylan ccianua lan ciate mih lungkhungpaw tuh Bawipaw maw nynh a cyipaw nynh thua.

JOSHUA 8:16

Tukeiccuze khua kya um hae paw balyn kha mimaw ryte pynkheihlan deehui khylan kokuh hae zah, Joshua kha khua te asawnaw lang cia a deehui hae.

JOSHUA 8:18

Oute Bawipaw nynh Joshua kha, “Na kuih kya umpaw thaloi khate Ai langkhe eetua; pawccecize Ai tuh na kuih kya kae pya cih,” a cipya. Te Joshua nynh a kuih kya umpaw thaloi khate Ai langkhe a ee.

JOSHUA 8:3

Tukeiccuze Joshua te rhawkaw balyn tuh Ai lang ccia lan a thokuh hae. Joshua nynh arawthungpaw rhawkaw thong sung thum kha pote, khuazi khe kawpyate cciasah hae zah,

BYAPIATU 20:31

Benjamin phin hae nynh tuh-e rhawkaw hae kha pounua hae zah, khua kyate asawnaw lang cia a cceih hae. Ninhyn hawte rhawkaw hae kha a chia takaw hae; Bethel khua lang cceihpaw te Gibeah khua lang cceihpaw laanluepi hae kya thuasah, ramkaw kya thuasah Israel hae sung thum loukaw kha a chia hae.