JOSHUA 8:1 - Zotung Bible 2016

¹ Te Bawipaw nynh Joshua kha, “Rih nan, na lungroh nan sah; rhawkaw balyn kha ko hae lah, namaw ryte Ai khua lang cceihthung oh. Ai siapharan kha a khua, a ccungccaw hae te a ram ryte na kuih kya kae pya vae.

JOSHUA 8:1 Iomraidhean Croise

The Psalms 27:1

Bawipaw tuh ka awnaw te kae yn khumtu nynh thua; Hum raw mou ka rih cih? Bawipaw tuh ka hiinnaw a rekunaw nynh thua; Hummou ka ripah cih?

The Psalms 44:3

mih thaloi liate ram kha tae khyh hae, mih kuih nynh taenaw pya khyh hae; mih tungvaw na lungrythua keiccuze, na ranglang kuih te na mitmae awnaw liate ram kha a tae hae.

The Psalms 46:11

Vaaw Bawipaw tuh aening kya a um; Jakob Pachia tuh aening khynnaw nynh thua.

ISAIAH 12:2

Pachia tuh ka khumnaw nynh thua; amaw kha ka doliakuh cih zah, ka rih lan khyh, pawccecize Bawipaw PACHIA tuh ka thawzung te ka thungnaw nynh thua; aning tuh yn khumtu nynh thua.

ISAIAH 43:2

Tui alepaw kha he na ke vae ze, na kya ka um cih; vawpi hae kha he na ke vae ze, ae vu lan khyh; maee lungkhu he na ccia vae ze, ae u lan khyh, maeephu nynh nang kha ae u kho lan khyh.

JEREMIAH 46:27

Pou ka ryalahtu Jakob, rih nan, Pou Israel, na lungroh nan sah; pawccecize nang kha asawnaw kyate kae khum cih zah, na ciihan hae kha a kyngnaw hae ram kyate ka khum cih hae. Jakob tuh a kithui cih zah thawdangte daebabi lan a um cih, humhung nynh mah Jakob kha risah lan khyh, cite Bawipaw nynh a ci.

JEREMIAH 49:3

Pou Heshbon, rawkhuite umtua, pawccecize Ai khua tuh aroh vae! Pou Rabbah ccanung hae, rah oh! Buriboei zingkuh oh, ngaethyate um oh lah, buanawpaw ccungngue khate naemaw toulou kha vaemaw muesaku tua oh! Pawccecize Milkom pachia tuh a ranpibawi hae te a ryalahtu hae ryte a kyng cih hae zah ramccang lang a cciakhae cih hae.

DANIEL 2:21

Aning nynh accyh te kumvaelori kha a rulae, siapharan hae kha sahbung hae zah a hangthung hae; mihaw hae kha hawnaw pya hae zah, nythyanaw a hoi hae paw kha nynaw a pya hae.

DANIEL 4:25

Ccungccaw hae laku kyate nang kha dee na thua cih zah, loramsaw hae ryte na umkheih cih oh. Ahang Huaccepaw Pachia nynh ccungccaw hae peenaw kha uk zah, tuh-e peenaw tuh a pya rypaw kha a pya cipaw na ny mawlaezung, tangnuapaw hawte lonua kha na boukuh cih zah, kum sari lungkhu vaawlang e dangtui nynh ae ccawphu cih.

DANIEL 4:35

Laephi ccungccaw balyn tuh alakawpaw lang ria thua hae zah, vaawccungccaw hae te laephi ccungccaw hae kha a ry hawte a cyi hae. Humhung nynh mah a kuih kha khee kho khyh zah, “Pawmou na cyi?” cite a hopah khopaw um khyh.

MATTHAI 8:26

Jesu nynh minmin kha, “Pou zynnaw zya hae paw, pawccemou na ri oh?” a cipya hae. Tuinte thokuh zah khise te tuileih tuh daenaw kaw pya hae zah zya adae hae.

DEUTERONOMY 1:21

Dotua oh, Bawipaw nae Pachia nynh nanning kha ram ae pya vae oh; Bawipaw athuapaw nae minpaaw hae Pachia nynh bya ae kinpyaku oh paw ram lang cceihthung oh lah lawkuh oh; rih nan oh lah, nae lungthang nan sah,” kae cipya oh.

DEUTERONOMY 31:8

Na malang a cceihpaw tuh Bawipaw nynh thua. Nang kha ae umkhae cih; nang kha ae cciataw lan khyh zah ae vua lan khyh. Rih nan lah, na lungroh nan sah,” a cipya.

DEUTERONOMY 7:18

minmin kha rih nan oh. Faro tungvaw te Izip hae balyn tungvaw Bawipaw nae Pachia nynh pawtemou a cyi cipaw kha thuasah,

DEUTERONOMY 7:21

Minmin kha rih nan oh, pawccecize ae umkhae oh paw Bawipaw nae Pachia tuh alesaepaw te ri lan umpaw Pachia nynh thua.

JOSHUA 1:9

Kae nynh kaw phe kae pya vae khaw: Na thawsaesakuh lah, na rawthungsakuh; rih nan, na bungzou nan sah; pawccecize Bawipaw na Pachia tuh na ccianaw miakaw kya na kya a um,” a cipya.

JOSHUA 10:7

Tukeiccuze Joshua tuh rhawkaw hae balyn, athungpaw mih rawhoy hae paw balyn ryte Gilgal kyate a cceihthung hae.

JOSHUA 10:8

Bawipaw nynh Joshua kyakhe, “Minmin kha rih nan hae, pawccecize minmin kha na kuih kya kae pya vae; na malang lu kheit san thadyn kho lan khyh hae,” a cipya.

JOSHUA 2:24

Minmin nynh Joshua kyakhe, “Bawipaw nynh ram pynpi tuh aening kuih kya oun pya ccaccing vae; tuhpiaze ram lungkhu um hae paw balyn tuh aening keiccuze a rih vae hae,” a cipya hae.

JOSHUA 6:2

Bawipaw nynh Joshua kha, “Dotua, Jeriko khua tuh a siapharan te a rhawkaw hae ryte na kuih kya kae pya vae.

JOSHUA 7:9

Kanaan hae te e ram kya um hae paw balyn nynh a thae cih hae zah kaening hynh oun koihlu cih hae, kae min hynh laephi kyate a zosah vae cih hae. Tetuh alesaepaw na min hanlan pawtemou na cyih vae cih?” a ci.