JOSHUA 7:9 - Zotung Bible 2016

⁹ Kanaan hae te e ram kya um hae paw balyn nynh a thae cih hae zah kaening hynh oun koihlu cih hae, kae min hynh laephi kyate a zosah vae cih hae. Tetuh alesaepaw na min hanlan pawtemou na cyih vae cih?” a ci.

JOSHUA 7:9 Iomraidhean Croise

The Psalms 115:1

Kaening hanlan thua leite, pou Bawipaw , kaening hanlan thua leite, atynpaw na sungsahnaw te na lungzinaw keiccuze na min phu-e pya nawlan thua vae sah.

The Psalms 48:10

Pou Pachia, laephi adianaw cia ae thehoysah hae hawte, na min tuh athaan. Na ranglang kuih tuh taenaw te phe abeih.

The Psalms 79:9

Pou oun khumtu Pachia, Na min phu-enaw hanlan oun bawmtua, na min keiccuze oun luesah lah, kae seinaw oun ngaethya.

The Psalms 83:4

Minmin nynh, “Rang oh, mih minphuin khuh maemih oh sih; Israel min kha liathui thua lae nan vae sah,” a ciku hae.

The Psalms 83:5

Minmin nynh lunglokute khua a khanku hae; nang kha rawsete byakinkunaw a rae hae;

EXODUS 32:12

‘Israel hae kha mua hae kya chia khylan te laephipi kyate maemih khylan Bawipaw nynh a cciakhae hae paw tuh ahoy leipaw paccynnaw nynh thua,’ cite Izip hae nynh pawcce a ho cih hae? Na thin myarya rianaw kyate ngaesiku tua; na lungpaleihkuh lah na ccungccaw hae tungvaw ronaw kha thuasah nan.

EZEKIEL 20:9

Thuasalama minmin a umnaw hae minphuin ccangpaw hae muihnaw khe ka min kha thusah athua khyh nawlan, ka min hanlan rya ka lah zah, minphuin ccangpaw hae muihnaw khe ka nysakuh hae zah, minmin kha Izip ram kyate ka poukhae hae.

JOEL 2:17

Ranpibawi hae te Bawipaw ryalahtu hae tuh tee takawnaw akhaan te silawhang laku khe rah hae sah lah, “Pou Bawipaw , na ccungccaw hae hynh ngaethya beih umsah hae, na rho ccungccaw hae hynh a nuinse hae paw lang oun rae nan lah, ccangpaw minphuin hae laku kya ccyasahnawpaw lang beih oun rae nan. ‘Mih Pachia tuh teimou a um,’ cite minphuin hae laku kya pawccemou a ho cih hae?” cite ho hae sah.

MIKAH 7:10

Tetuh, “Bawipaw na Pachia tuh teimou a um?” cite yn khiapaw ka rhawpaw nynh tuh-e tuh a muih cih zah a maethah cih. Aning nynh a shungpaw kha ka muih cih; laanpi e tuiccua hawte amaw kha syde athua cih.

NAMBAR 14:13

Thuasalama Moses nynh Bawipaw kha, “Na thawsaenaw khate e ccungccaw hae hynh Izip hae laku kyate na poukhae hae zah, tukoute Izip hae nynh tuh-e tuh a thae cih hae zah,

JOHAN 12:28

Apang, na min hynh phu-esah tua,” a ci. Tetuh vaawlang te roi yn ccae zah, “A phu ka esah vae, a phu bua ka esah ung cih,” a ci.

DEUTERONOMY 9:28

Tuhkhyhze tuh kaening nae poukhaenaw ram nynh, ‘Bawipaw nynh bya a kinpyaku hae paw ram lungkhu lang a cciakhae kho vae khyh keiccu hae ze thuasah, minmin kha a hua keiccu hae ze thuasah, ramkaw kya chisah khylan a poukhae hae,’ cite a hosei cih hae.

JOSHUA 7:10

Bawipaw nynh Joshua kha, “Thoku tua! Pawccemou na bakhung?

JOSHUA 7:8

Pou Bawipaw, Israel hae nynh mih rhaw hae malang te nulang ki vae hae zah, pawmou ka ho kho vae cih!

1 SAMUEL 12:22

Alesaepaw a min keiccuze Bawipaw nynh a ccungccaw hae kha vua lan khyh hae, pawccecize nanning kha amaw ccungccaw lang raeku lanpaw kha Bawipaw lungry nynh thua.