JOSHUA 7:7 - Zotung Bible 2016

⁷ Te Joshua nynh, “Ezou, Bawipaw Pachia! Kaening hynh Amor hae kuih kya pyate ro khylan, pawccemou e ccungccaw hae hynh Jordan khuraw lang na zuakhae hae? Jordan khuraw kya khuasah lan kha kae lung la ccingkhaekuh sah lah ze!

JOSHUA 7:7 Iomraidhean Croise

2 SIAPHARAN 3:10

Tetuh Israel siapharan nynh, “Ezou! Bawipaw nynh aening siapharan hae lu thum hynh Moab hae kuih kalan pya khylan hynhsa oun la ko,” a ci.

The Psalms 116:11

“Ccungccaw miakaw tuh mihyn hae nynh thua,” cite bungzoute ka ho.

EXODUS 16:3

“Bawipaw kuih te Izip ram kya kae chi ze ahoyhua. Izip ram kya tuh saw thungnawpaw ang pe khe kae haung zah looh phe byn lan kae ae; pawccecize hynhzeih zapi balyn hynh haedang te chia khylan laesia ram lang nae cciakhae,” a ci hae.

EXODUS 17:3

Thuasalama ccungccaw hae tuh mih tui eih haw zah Moses kha rawsete ccohku hae zah, “Kaemaw, kae ccaaw hae te sahiin hae kha tui kanmawte chia khylan Izip ram kyate pawcce nae poukhae?” a ci hae.

NAMBAR 14:16

‘Kae pya cih oh cite bya a kinpyaku hae paw ram lungkhu lang Bawipaw nynh e ccungccaw hae hynh cciakhae kho vae khyh hae zah ramkaw kya phe a chia vae hae,’ cite a ho cih hae.

NAMBAR 14:3

Pawcce Bawipaw nynh thaloi te chia khylan e ram kalan oun cciakhae? Ah zu hae te ah ccaaw hae hynh rhaw kya kyngpaw lang a tang vae cih hae; Izip ram lang ki lanze aening hanlan hoyhua lan khyh tou?” a cipya hae.

MATTHAI 17:17

Jesu nynh, “Pou zynnaw hoi lei hae paw te a ccouseikuh hae paw ciihan hae, hohseciamou nae kya ka um ung cih? Hohseciamou kae ngaesangpah ung cih oh? Imuapaw kha ka kalan oun cciakhae oh,” a cipya hae.

MATTHAI 17:20

Te Jesu nynh, “Nae zynnaw azya keiccu nynh thua. Pawccecize byaccaccing kae hopya oh, mungngia mung cia zynnaw na hoi oh zetuh e mua hynh, ‘E kyate khuhlang khuin nuekuh,’ na ci oh ze a nuekuh cih; na cyi kho lei oh paw pawpaw mah um lan khyh.

HEBRU 12:5

Ccaaw hae kya hopya hawte nanning hopyapaw hyynaw bya kha na ning vae oh tou? Tuh-e bya tuh: “Ka ccapaw, Bawipaw thuiheinaw kha pawlangria leite um nan, amaw nynh ae thuihei ze na lungthang nan sah.

JOSHUA 7:6

Tetuh Joshua nynh a boeining kha seii zah Bawipaw byakin thingkua malang khe Israel piccan hae ryte zete cia laekhu kya a bakhung hae; mih lu kya vuiping a phingku hae.

JOSHUA 7:8

Pou Bawipaw, Israel hae nynh mih rhaw hae malang te nulang ki vae hae zah, pawmou ka ho kho vae cih!

BYAPIATU 20:23

Israel hae nynh mih rawthungsakuh hae zah, rhawkaw hae kha masaty nin lya a nungnaw hae hmin kyakhe bua a nung hae.

1 SAMUEL 4:3

Rhawkaw hae tuh ryahmin kalan he oun thua hae te, Israel piccan hae nynh, “Pawccemou atunin kya Bawipaw nynh Filistin hae malang khe rhaw oun shungsah? Bawipaw tuh aening kalan yn cceih zah ah rhaw hae thungnaw kyate oun khum nawlan, Bawipaw byakin thingkua kha Shiloh khua kyate hynh-e kalan cciakhae oh sih,” a ci hae.