JOSHUA 7:6 - Zotung Bible 2016

⁶ Tetuh Joshua nynh a boeining kha seii zah Bawipaw byakin thingkua malang khe Israel piccan hae ryte zete cia laekhu kya a bakhung hae; mih lu kya vuiping a phingku hae.

JOSHUA 7:6 Iomraidhean Croise

GENESIS 37:29

Reuben nynh yn ki zah Josef kha hunghua lungkhu he a muih khyh tuh a ngaethah zah a boeining kha a seiiku.

GENESIS 37:34

Oute Jakob nynh a ngaethya keiccuze a boeining kha seii zah buriboei kha a tae kya a voiku; te a ccapaw hanlan khaw cia rawkhuite a um.

2 SAMUEL 1:11

Tetuh David nynh amaw boeining kha kyng zah a seiiku; a kya um hae paw balyn nynh tuhcite a cyibua hae.

2 SAMUEL 1:12

Saul, a ccapaw Jonathan, Bawipaw rhawkaw hae te Israel hae tuh thaloi te a chi hae keiccuze minmin elang zete cia rah hae zah looh-ae a sung hae.

2 SAMUEL 1:2

Nin thumnaw nin khe, ccungccapaw lu kheit tuh a boeining seiikute, a lu vawlan vuiping phingkute Saul a ryahmin kyate yn thua. David kya he a thua te, laekhu kya bakhung zah sawtuanaw a pya.

2 SAMUEL 12:16

Tukeiccuze David nynh imua hanlan Bawipaw kalan a ngia; David tuh looh-aesungte alungkhu lang tee zah azi zidae laekhu kya a toukuh.

2 SAMUEL 13:19

Te Tamar nynh a lu vawlan buhhaw phingkuh zah a kikupaw angkiccua kha a seii; a lu vawlan a kuih khang zah a cceih, a cceih lalia lante thawte a siabia.

2 SAMUEL 13:31

Siapharan tuh thokuh zah a boeining seiikute laekhu kya a huekuh; a ryalahtu hae balyn tuh mih boeining seiikute a pe a thadyn hae.

2 SIAPHARAN 22:11

Siapharan nynh kawbya ccauh lungkhu e bya hae kha he a thae tuh, a boeining kha a seii.

2 SHERIANAW 34:19

Siapharan nynh phungbya kya-e bya kha he a thae tuh a boeining kha a seii.

EZRA 10:1

Ezra tuh Pachia inn malang khe bakhung zah rawkhuite saw a sang lyakhe, myarya lungpaw Israel ccungccaw zapi, pise, nopi hae te imua hae tuh amaw kalan oun pumkuh hae; ccungccaw hae mah thawmawte a rah hae.

NEHEMIAH 9:1

E sawpaw nin kuin lae pali nin khe Israel hae tuh looh-aesungte buriboei lawkuh hae zah mih lu vawlan vuiping phingkute a pumkuh hae.

ESTHER 4:1

A cyi hae paw balyn kha Mordekai nynh he a thae te, a boeining kha seii zah buriboei kha lawkuh zah buhhaw a phingku, te khualae lungkhu lang cceih zah roi accae lante thawte a rah;

ESTHER 4:3

Siapharan kawbya te byapaenaw a thuanaw pee miakaw kyakhe Judah hae laku kya myarya ccihpaw rawkhuinaw, looh-aesungnaw, rawnaw te ngaethyanaw um zah, ccungccaw alunghua tuh buriboei lawkute buhhaw kya a toukuh hae.

JOB 1:20

Tetuh Job nynh thokuh zah a boeining kha a seii, a lu kha ookuh zah laephi kya a bakhung, te Pachia kha a beik.

JOB 2:12

Minmin nynh asawnaw kyate he a muih hae tuh Job kha syntaw khyh hae, te thawte sia hae zah a rah hae; mih boeining kha seii hae zah, vuiping kha mih lu luki lang heithung hae zah a ccawphusahku hae.

JOB 42:6

tukeiccuze kamaw toulou kha ka huakuh zah, laenoi te buhhaw kya haungte ka ngaesikuh,” a cipya.

RAWNAW HLAW 2:10

Ccanung Zion kya-e piccan hae tuh laekhu kya daebabi lan a haung hae; mih lu kya vuiping phingkuh hae zah buriboei kha a zingku hae; Jerusalem liaccaw hae nynh mih lu kha laekhu lang a bakhung hae.

NAMBAR 14:6

Te ram a dophi hae paw laku e Nun ccapaw Joshua te Jefunneh ccapaw Kaleb nynh mih boeining kha seiikuh hae zah,

NAMBAR 16:22

Minmin nynh mih mae kha tebaling hae zah, “Pou Pachia, a hiinpaw balyn kya-e muisaw hae Pachia, lu kheit nynh a sei keiccuze zapi balyn tungvaw na thinria cih tou?” a ci hae.

NAMBAR 16:45

“Zapi hae kha ccyh sohsoh kya ka maemih ccaw hae, e zapi hae kyate pou oh,” a cipya. Te minmin nynh mih mae kha a tebaling hae.

LOCCEIHTU 14:14

Tuh-e tuh locceihtu hae Barnabas te Paul nynh he a thae hae tuh, mih boeining kha seii hae zah ccungccaw hae laku lang ccue hae zah,

JOSHUA 7:7

Te Joshua nynh, “Ezou, Bawipaw Pachia! Kaening hynh Amor hae kuih kya pyate ro khylan, pawccemou e ccungccaw hae hynh Jordan khuraw lang na zuakhae hae? Jordan khuraw kya khuasah lan kha kae lung la ccingkhaekuh sah lah ze!

BYAPHY 18:19

Minmin nynh laenoi kha mih lu vawlan phingkuh hae zah, “Ezou, ezou, rili kya a cceihpaw sanphalung hae a hoitu hae balyn kha amaw a hoirumnaw liate a hoirumsah bua hae paw khuh-e khuapi khuhlou! Suimilan ccangkheit lungkhu phe roh vae rei.

BYAPIATU 11:35

Jefthah nynh a ccanung kha he a muih tuh, a boeining kha seii zah, “Ezou, ka ccanung! Ka thinlung phe nae koisah vae; nang tuh myarya lepaw vawsawnaw yn pyatu lang nynh phe na tang vae. Pawccecize Bawipaw kalan bya phe ka ho vae, bya ka kinkupaw kha ka lahthui kho vae lan khyh,” a cipya.

BYAPIATU 20:23

Israel hae nynh mih rawthungsakuh hae zah, rhawkaw hae kha masaty nin lya a nungnaw hae hmin kyakhe bua a nung hae.

BYAPIATU 20:26

Israel hae balyn, rhawkaw hae mih balynte Bethel lang ki hae zah Bawipaw malang haungte a rah hae; tuin nin tuh zete cia looh-ae a sung hae. Te minmin nynh maee-ute silawnaw te ccawkunaw silawnaw kha Bawipaw malang a rae hae.

BYAPIATU 21:2

Te ccungccaw hae tuh Bethel lang oun cceih hae zah Pachia malang khe zete cia haungte mih roisaw hae zah thawte a rah hae.

1 SAMUEL 4:12

Benjamin phinpaw lu kheit tuh rhawtuknaw kyate ccue zah, tuin nin khe Shiloh khua kya a thua, a boeining kha seii zah a lu vawlan vuiping a phingku.