JOSHUA 7:5 - Zotung Bible 2016

⁵ Ai khua e ccungccaw hae nynh sung thum lu taruh a chia hae, khua koikua atolang te Shebarim kyacia dee hae zah hary apannaw kyakhe a chia hae. Te ccungccaw hae balyn tuh myarya rih hae zah mih rawthungnaw phe zo.

JOSHUA 7:5 Iomraidhean Croise

The Psalms 22:14

Kae kha tui hawte yn lae hae zah, ka ru balyn tuh pong suhliakuh; ka thinlung tuh khoilung hawte nynh thua; ka by lungkhu kya palae atui;

The Psalms 58:7

Minmin tuh aluapaw tui hawte zo hae sah; lonua hawte syde hae sah lah, naan hae sah.

ISAIAH 13:7

Tukeiccuze ccungccaw kuih balyn tuh a thawzya cih zah, ccungccaw miakaw lungthangte a rih cih hae.

EZEKIEL 21:7

Minmin nynh nang kha, “Pawccemou na hawkhaeku?” cite ae khia hae ze, nang nynh minmin kha, “Oun thuapaw thongpang keiccu nynh thua. Ccungccaw miakaw tuh myarya rih cih hae zah, mih kuih tuh a thawzya cih, mih lungroh cih zah mih ccukharu athyngkuh cih. Tuh-e tuh yn thua cih zah yn ccing cih,” cite Bawipaw PACHIA nynh a ci.

LEVITIKAS 26:36

Te nae rhaw hae ram kya na hiinhy oh paw nae thinlung kya lungthaw kae zyasah cih oh; thingnaw ahypaw roi nynh ae ccuesah cih oh zah, thaloi kyate a ccuepaw hawte na ccue cih oh, lu kheit nynh san ae deehui lei oh pite na khuliakuh cih oh.

NAHUM 2:10

Nineveh tuh aroh vae, ccungccaw daetedae zah, paw sanmah um vae khyh! Mih thinlung tuh a rawthah zah mih ccukharu a thyngkuh, mih thawthang zah, mih mae tuh dawkadae lan acih!

DEUTERONOMY 1:44

Tuh-e mua alungnaw um hae paw Amor hae nynh ae pounua cih oh zah khoi nynh dee hawte ae dee cih oh zah Seir kyate Hormah kyacia ae tude cih oh.

JOSHUA 2:11

Te tuh-e tuh he kae thae takaw te, kae bung tuh thyngkuh zah, nanning keiccuze kaening lu kheit kya sanmah rawthungnaw um vae khyh, Bawipaw nae Pachia tuh ahangnaw vaaw te anenaw laephi kya Pachia ccaccing nynh thua.

JOSHUA 2:9

minmin kyakhe, “Bawipaw nynh e ram hynh ae pya vae oh cipaw kha thuasah, nanning raw kha eih kae ri keiccuze ram lungkhu um hae paw balyn tuh nae malang a thyngkuh hae cipaw kha thuasah ka ny.

JOSHUA 5:1

Israel hae nynh Jordan vaw a zua kou makhia hae, Bawipaw nynh Jordan vaw e tui tuh a rousahpya hae cipaw kha Jordan khuraw niccaw lang umpaw Amor hae siapharan hae balyn te rili pe umpaw Kanaan hae siapharan hae balyn nynh he a thae hae tuh, Israel hae keiccu rih hae zah mih rawthungnaw phe zo vae.