JOSHUA 7:25 - Zotung Bible 2016

²⁵ Joshua nynh, “Pawccemou kae tungvaw vawsawnaw na thuasah? Atunin Bawipaw nynh na tungvaw vawsawnaw a thuasah cih,” a ci. Te Israel hae balyn nynh Akhan tuh lung te phe chih lan a deih hae; minmin kha lung te deih hae zah maee te a u hae.

JOSHUA 7:25 Iomraidhean Croise

GENESIS 34:30

Oute Jakob nynh Simeon te Levi kha, “E ram kya umpaw Kanaan hae te Periz hae nynh kamaw kha nae huasah vae oh keiccuze vawsawnaw nae thuakhaepya vae oh; ka ccungccaw hae tuh a zya hae, te minmin nynh sueluakuh hae zah kamaw kha rawsete oun tuk hae zetuh kamaw te ka innbyn hae tuh kae chih vae cih,” a cipya hae.

GENESIS 38:24

Sawpaw sah thum he aro te Judah kyakhe, “Na monung Tamar tuh ohhuanung lang tang zah ahoy leipaw ryalaw keiccuze atu ccaaw a poi vae,” cite a hopya hae. Judah nynh, “Amaw kha atolang poukhae oh lah phe chih lan maee te u oh,” a ci.

1 SHERIANAW 2:7

Zerah ciihan Karmi ccapaw hae tuh: Israel kha vawsaw a pyatu, thyaasah athuapaw uccaw tungvaw a seitupaw Akhan kha nynh thua;

PHUNGTANGBYA 1:19

Muenaw elang a karankuh hae paw laanpi tuh tuhcite nynh athua; tuh-e nynh mimaw hiinnaw kha a zosah.

PHUNGTANGBYA 15:27

Ahme leipaw muenaw elang a karankuhpaw tuh a innbyn hanlan vawsawnaw a thuakhae, thuasalama pyaruh kha a huapaw tuh a hiinshe sae cih.

LEVITIKAS 20:14

Pise lu kheit nynh zu hoi zah a zu nung kha mah zu lang a umkhae lanze, tuh-e tuh hoyleinaw nynh thua. Nanning laku tuhcihawpaw hoyleinaw a um khyh nawlan, tuh-e lu thum hae kha phe chih lan maee te u athua cih hae.

LEVITIKAS 20:2

Israel ccungccaw hae kha hynhte bua hopah hin hae: Israel ccungccaw thuasah, Israel hae kya a um buapaw ramccang ccungccaw thuasah a ccaaw kha Molek pachia kalan a pyapaw tuh chia athua cih; ram kya-e ccungccaw hae nynh amaw kha lung te phe chih lan a deih cih hae.

LEVITIKAS 21:9

Ranpibawi ccanung nynh ohhuakunaw khate amaw te amaw kha a thethyasahku lanze, a paaw kha a thethyasah vae; amaw kha maee te phe chih lan u athua cih.

LEVITIKAS 24:14

Bawipaw Min sarya bya a hopaw kha ryahmin atolang poukhae; a bya a thae hae paw balyn nynh a lu vawlan khe mih kuih khang hae sah, te zapi balyn nynh amaw kha lung te deih hae sah.

GALATI 5:12

Nanning vawsaw ae pya oh paw ccungccaw hae tuh mih tiin heize reihkuh hae sah ci ka ry!

DEUTERONOMY 13:10

Izip ram seetangnaw kyate ae poukhae oh paw Bawipaw nae Pachia kyate nanning kha maeleihsahku khylan a zuaku keiccu hae ze, lung te phe chih lan deih oh.

DEUTERONOMY 13:11

Tetuh Israel balyn nynh a thae cih hae zah a rih cih hae, te tuhcihawpaw hoyleinaw kha kharouh cyih vae lan khyh hae.

DEUTERONOMY 17:5

tuh-e hoyleinaw a raepaw nopi khyhze pise tuh nae koikua kalan na poukhae cih oh zah, lung te phe chih lan na deih cih oh.

DEUTERONOMY 21:21

Tetuh khua kya-e pise balyn nynh amaw kha lung te phe chih lan a deih cih hae. Tuhcite hoyleinaw kha nanning laku kyate na thyaasah cih oh; te Israel hae balyn nynh a thae cih hae zah a rih cih hae.

2 THESALON 1:6

Nanning vawsaw ae pya oh paw ccungccaw hae kha vawsawnaw pyaru lanpaw tuh Pachia hanlan atazaepaw nynh thua,

HEBRU 12:15

Pachia thawccinaw kha hum nynh san mue leite a um khyh nawlan, akhahpaw tharui kyate yn popaw nynh nanning kha vawsaw ae pya khyh nawlan oh raeringkuh oh; tuh-e nynh ccungccaw patae kha a nungsisaku hae.

JOSHUA 6:18

Ro lan cite pya vae paw uccaw hae kha nanning nynh lah nan oh, ro lan pya vae paw uccaw ccangkhakheit kha na lawsei oh zetuh, Israel tungvaw vawsawnaw thuakhaete Israel ryahmin kha ro lanpaw uccaw lang na raesei cih oh.

JOSHUA 7:15

Te pya vae paw uccaw hae a lahtupaw tuh a hoipaw uccaw hae balyn ryte maee te soi athua cih, pawccecize aning nynh Bawipaw byakinnaw kha ei zah Israel hae kya maethya lan umpaw kha a cyi vae,’ cite hopah hae,” a cipya.

1 SAMUEL 14:29

Tetuh Jonathan nynh, “Ka paaw nynh ram hynh vawsaw a pya; e khoitui ccapyh ka taangtua keiccuze ka mit accaethyapaw hynh dotua oh.