JOSHUA 7:21 - Zotung Bible 2016

²¹ luadepaw uccaw hae kyakhe apuithyapaw Babilon angkiccua, ngun shekel za ning te shekel sung pangaw aripaw suitung tung kheit kha he ka muih tuh, eih ka duaa zah ka lawku. Tuh-e hae tuh ka bu lungkhu lae kaw kya nynh ka thuruh, ngun tuh akawkou nynh a um,” a cipya.

JOSHUA 7:21 Iomraidhean Croise

GENESIS 10:10

Masaty a peenaw tuh Shinar ram umpaw Babilon, Erek te Akkad nynh thua hae.

GENESIS 3:6

Tukeiccuze tuh-e thingku a thae tuh ae lan ahoy, duaa lan a um, te hawnaw mue nawlan ry lan umpaw thingku athuapaw kha nopinung nynh he a muih tuh, athae kha lokuh zah a ae, thingthae abang kha a vawpaw kalan pyabua zah a vawpaw nynh mah a ae.

GENESIS 34:27

Mih ccianung tuh a thethya vae keiccuze ccangpaw Jakob ccaaw hae nynh a chia vae hae paw ccungccaw hae kalan cceih hae zah, khua kha thiing hae zah

GENESIS 6:2

Pachia ccapaw hae nynh tuh-e ccanopi hae mih puithyanaw kha a muih hae; a ry hae paw kha pokuh hae zah zu lang a dyku hae.

2 SAMUEL 11:2

Nin kheit tuh zetesang khe David nynh a ikhung kyate thokuh zah siapharan inn innccuvaw kya a ccia bungthung lyakhe, tui singkuhpaw nopinung lu kheit kha innccuvaw kyate a muih; tuh-e nopinung tuh myarya a puithya.

2 SIAPHARAN 7:8

E vaethyakae hae paw nynh ryahmin kin he a thua hae te, bu lungkhu lang tee hae zah a ae a neih kou hae te, sui, ngun te boeining kha a lawku hae, te cciakhae hae zah a thuruh hae. Tukoute ki hae zah ccangpaw bu lungkhu lang a tee hae, te tuin kya-e uccaw hae kha lawkute cceih hae zah a thuruh hae.

JOB 31:1

Ka mit te byakinkunaw kae rae vae, tukeiccuze pawtemou liaccady tuh ka do kho ung cih?

The Psalms 119:37

Ka mit hynh ccungkia leipaw uccaw yn dosah nan; na laanpi kyakhe hiinnaw yn pya.

EXODUS 20:17

Na innpaw kya-e inn kha na duaa lan khyh; na innpaw paw a zu, a seepaw, a seenung, vaetua, lann, te na innpaw kya-e hankhakheit kha na duaa lan khyh, a ci.

PHUNGTANGBYA 1:19

Muenaw elang a karankuh hae paw laanpi tuh tuhcite nynh athua; tuh-e nynh mimaw hiinnaw kha a zosah.

PHUNGTANGBYA 23:31

Banang lungkhu kya asepaw, awrarih lan aw zah, nawpali lan a luabungpaw misutui kha la do nan.

PHUNGTANGBYA 28:22

A karankuhpaw tuh hoirum khylan rangsakuh zah, ryachinaw nynh a thuanua lanpaw kha nyh khyh.

PHUNGTANGBYA 4:23

Na thinlung kha hoyte raeringtua, pawccecize tuin kyate nynh hiinnaw tuidy yn phyh.

ISAIAH 28:15

Pawccecize nanning nynh, “Chinaw te byakinnaw kha phe ah rae vae oh, Michi khua te nawccawnaw phe ah hoi vae oh; vawsawnaw he yn thua ze, aening kalan thua vae lan khyh; pawccecize lingnaw kha khynnaw lang phe ah thuruhkuh vae oh, hynbya kyakhe phe ah thuruh vae oh,” na ci oh,

ISAIAH 29:15

Akhupaw mih paccynkunaw kha Bawipaw nynh nyh nan sah cite thuruh hae zah mohnaw kya ryalah hae paw, “Hum nynh mou aening hynh oun muih cih? Hum nynh mou oun nyh cih?” cite a ho hae paw nanning hanlan ngaethya lan kou um!

HABAKKUK 2:9

“Vawsawnaw nynh a phya khonaw kyate lue khylan nae bu kha ahangnaw kya raekute nae innbyn hanlan ahme lei lante uccaw a mue hae paw nanning hanlan ngaethya lan kou um!”

LUKA 12:15

Jesu nynh, “Karankunaw aphuinphuin kha raeringkuh oh lah sibia oh; pawccecize ccungccaw lu kheit hiinnaw tuh a hoipaw uccaw patae kyakhe um khyh,” a cipya hae.

LUKA 12:2

Pawccecize alangkuh lei lante thuruhpaw miakaw kha langsah athua cih zah, khongpaw miakaw kha hungpya athua cih.

EFESA 5:3

Ohhuakunaw, athyaa leipaw aphuinphuin, tuhkhyhze karankunaw kha nanning laku bya te sanmah ho nan oh, tuh-e hae tuh mithyaa hae te ngaekuh khyh;

EFESA 5:5

Pawccecize, a ohhuakuhpaw, athyaa leipaw, zohtuh beik zah a karankuhpaw ccungccaw tuh Khri te Pachia peenaw kya rho uccaw kharouh hoibua khyh cipaw ccaerarih lan na ny oh.

DEUTERONOMY 7:25

A soii hae paw mih pachia hae kha maee te na u cih oh, tuh-e pachia hae kya umpaw ngun te sui kha duaa nan oh lah, naemaw hanlan lawkuh nan oh, pawccecize tuh-e liate kaang na kae sei cih oh; pawccecize tuh-e tuh Bawipaw nae Pachia hanlan anungsikuhpaw nynh thua.

KOLOSE 3:5

Tukeiccuze ohhuakunaw, nungsikunaw, sungku kho leipaw rynaw, ahoy leipaw duaanaw, zohtuh beiknaw athuapaw karankunaw cikuh hae paw, nae lungkhu umpaw laephi te asekuhpaw miakaw kha chisah oh.

HEBRU 13:5

Nae hiinzia tuh phua a duaa leipaw thua sah lah, na hoi oh paw uccaw hae khate nae lungryachih sah. Pawccecize Pachia nynh, “Nang kha kae cciataw boi lan khyh zah kae vua boi lan khyh,” a ci.

JAMES 1:15

Pynsaw rynaw nynh ccaawpoi zah seinaw kha a saah, seinaw nynh he ale tuh chinaw kha a thuakhae.

JOSHUA 7:20

Te Akhan nynh Joshua kha, “Athua, Israel Pachia Bawipaw tungvaw a seipaw tuh kamaw hynh nynh ka thua. Ka cyipaw tuh hynhte nynh thua:

JOSHUA 7:22

Tukeiccuze Joshua nynh locceihtu hae kha saw hae zah, tuh-e hae tuh bu kalan a ccue hae; a bu kyatuin a thuruhpaw tuh-e uccaw hae tuh la um zah ngun tuh akawkou a la um.

2 PETER 2:15

Minmin nynh ahmepaw laanpi kha vua hae zah a cceihsei vae hae. Beor ccapaw Balaam laanpi kha a zui hae. Balaam tuh hoyleinaw raenaw kyate muepaw amee kha a rypaw nynh thua.