JOSHUA 7:20 - Zotung Bible 2016

²⁰ Te Akhan nynh Joshua kha, “Athua, Israel Pachia Bawipaw tungvaw a seipaw tuh kamaw hynh nynh ka thua. Ka cyipaw tuh hynhte nynh thua:

JOSHUA 7:20 Iomraidhean Croise

GENESIS 42:21

Minmin nynh lu kheit te lu kheit kha, “Aening nynh ah neitawpaw tungvaw ah la cyi oh paw hanlan detahnaw ah tung vae oh; aning nynh oun soihbia zah a vawsawnaw mang ah muih oh pite ah ngaepah khyh oh. Tukeiccuze e vawsawnaw hynh ah tungvaw a ccah vae,” a ciku hae.

JOB 33:27

Tuh-e ccungccapaw nynh ming hae kyakhe hlawsah zah, ‘Kae tuh ka sei, dingnaw kyate ka cceihsei, thuasalama tuh-e seinaw mee kha ka teing khyh.

JOB 7:20

Ka la sei lanze, ccungccaw a dotu, nang kha pawmou kae cyi? Pawccemou kae hynh themuing lang nae dia? Pawccemou kae hynh na hanlan phupaw aripaw lang ka tang?

The Psalms 38:18

Ka seinaw kha ka phyku; ka seinaw keiccuze ka ngaethah.

EXODUS 10:16

Tetuh Faro nynh Moses te Aaron kha arangte ko hae zah, “Nae Bawipaw Pachia tungvaw te nanning tungvaw phe ka sei vae.

EXODUS 9:27

Oute Faro nynh Moses te Aaron kha kosah hae zah, “Atu tuh phe ka sei vae; Bawipaw tuh ding zah kae te ka ccungccaw hae tuh kae mesei vae.

NAMBAR 22:34

Oute Balaam nynh Bawipaw vaawpaw kha, “Kae kha rawse khylan laanpi kya na la thadynpaw ka ny khyh keiccuze phe ka sei vae. Tukeiccuze na lung ae hoysah leipaw athua zetuh, atumaw inn lang ka ki cih,” a cipya.

MATTHAI 26:9

Pawccecize e zimuin hynh phua patae lang zuate ryachi hae kha pya lanpaw,” a ci hae.

MATTHAI 27:4

“Seinaw a hoi leipaw ccungccaw chii kha ka pheepaw tuh phe ka sei vae,” a cipya hae. Minmin nynh, “Tuh-e tuh kaening te pawmou asekuh? Na ry hawte la cyih,” a ci hae.

JOSHUA 7:19

Tetuh Joshua nynh Akhan kha, “Ka ccapaw, Israel Pachia Bawipaw kha phu-esah lah, amaw malang na seinaw kha phyku tua. Na cyipaw kha atu yn hopya tua; yn phei nan,” a cipya.

JOSHUA 7:21

luadepaw uccaw hae kyakhe apuithyapaw Babilon angkiccua, ngun shekel za ning te shekel sung pangaw aripaw suitung tung kheit kha he ka muih tuh, eih ka duaa zah ka lawku. Tuh-e hae tuh ka bu lungkhu lae kaw kya nynh ka thuruh, ngun tuh akawkou nynh a um,” a cipya.

1 SAMUEL 15:24

Saul nynh Samuel kha, “Ka sei vae; ccungccaw hae kha ka rih hae zah mih bya ka ngae keiccuze Bawipaw kawbya te na bya kha ka eisei vae.

1 SAMUEL 15:30

Te Saul nynh, “Ka sei vae; tuhzemah ka ccungccaw hae kya-e piccan hae malang te Israel hae malang kya sawtuanaw yn pya lah, Bawipaw na Pachia kha ka beik ccaw, kamaw te kikheih sih,” a cipya.