JOSHUA 7:16 - Zotung Bible 2016

¹⁶ Joshua tuh awkhua takaw te tho zah Israel hae kha phin kheit koute phin kheit cciakhae hae zah, Judah phin tuh law athua.

JOSHUA 7:16 Iomraidhean Croise

GENESIS 22:3

Tukeiccuze Abraham nynh awkhua takaw te tho zah a lann kha ade de zah a ccapaw Isak te a ccangvae hae lu ning kha a hoei hae; aning nynh maee-ute silawnaw kha rae nawlan maeething kha tya zah Pachia nynh a hopyapaw asawnaw hmin lang a cceih.

The Psalms 119:60

Na kawbya zui lan ka rangsakuh zah ka thysung khyh.

PHUNGHOTU 9:10

Na law lanpaw ryalaw miakaw kha na thawzung balyn te lawtua; pawccecize na cceih cihnaw Sheol kya tuh ryalaw, tuanaw, nynaw te hawnaw um vae khyh.

JOSHUA 3:1

Joshua tuh awkhua takaw te tho zah Israel hae balyn ryte Shittim kyate cceih hae zah Jordan vaw a thua hae. Khuraw lang a zua maw hae, tuin kya ryahmin a tahku hae.

JOSHUA 7:15

Te pya vae paw uccaw hae a lahtupaw tuh a hoipaw uccaw hae balyn ryte maee te soi athua cih, pawccecize aning nynh Bawipaw byakinnaw kha ei zah Israel hae kya maethya lan umpaw kha a cyi vae,’ cite hopah hae,” a cipya.

JOSHUA 7:17

Judah phin kha cciakhae hae zah, Zerah puizia hae tuh law athua; te Zerah puizia hae tuh innbyn byn kheit koute byn kheit cciakhae hae zah Zabdi innbyn tuh law athua.

BYAPIATU 20:19

Tetuh Israel hae tuh awkhua takaw khe thokuh hae zah Gibeah khua pe khe a ryanua hae.