JOSHUA 7:13 - Zotung Bible 2016

¹³ Thoku tua, ccungccaw hae kha thyaasah hae lah, ‘Awkhualan hanlan thyaasakuh oh, pawccecize Israel Pachia Bawipaw nynh, “Pou Israel, pya vae paw uccaw hae tuh nae kya a um; tuh-e pya vae paw uccaw hae kha nae kyate ccaring na vua mawlaezung oh, nae rhaw hae malang na thadyn kho lan khyh oh,” a ci.

JOSHUA 7:13 Iomraidhean Croise

GENESIS 34:27

Mih ccianung tuh a thethya vae keiccuze ccangpaw Jakob ccaaw hae nynh a chia vae hae paw ccungccaw hae kalan cceih hae zah, khua kha thiing hae zah

2 SHERIANAW 28:10

Atu tuh nanning nynh Judah hae te Jerusalem khuaccaaw hae nopi pise hae kha nae see hae hawte uk lan na paccynku oh. Nanning tuh Bawipaw nae Pachia tungvaw seinaw na rae khyh oh tou?

MATTHAI 7:5

Nang thyaruhpaw! Namaw mit lungkhu e thingthyh kha khoikuh ty; tukoute nynh na unopaw mit lungkhu e athupaw taraw kha khoipya khylan ccaerarih lan na muihthya cih.

DEUTERONOMY 13:6

Na uno, na paaw ccapaw khyhze na nung ccapaw, na ccapaw khyhze na ccanung, na pompaw na zu, na naekuh hua oh paw na banpaw nynh heize, namaw nynh thuasah, na minpaaw hae nynh thuasah na ny lei oh paw pachia hae kalan, “Cceih oh sih lah ccangpaw pachia hae kha beik oh sih,” cite ho hae zah,

JOSHUA 3:5

Joshua nynh ccungccaw hae kha, “Thyaasahku tua oh; pawccecize Bawipaw nynh awkhualan nae kyakhe ngaeangnaw a rae cih,” a cipya hae.

JOSHUA 6:18

Ro lan cite pya vae paw uccaw hae kha nanning nynh lah nan oh, ro lan pya vae paw uccaw ccangkhakheit kha na lawsei oh zetuh, Israel tungvaw vawsawnaw thuakhaete Israel ryahmin kha ro lanpaw uccaw lang na raesei cih oh.

JOSHUA 7:11

Israel nynh phe sei vae; kaw ka pya hae paw ka byakin kha phe ro vae hae. Pya vae paw uccaw abang kha phe law hae; ruh hae zah hynbya hote mih uccaw hae kya a nungbia hae.