JOSHUA 7:12 - Zotung Bible 2016

¹² Tukeiccuze Israel hae tuh mih rhaw hae malang thadyn kho khyh hae; mimaw toulou kha ro lanpaw uccaw lang a tansaku hae keiccuze mih rhaw hae malang khe nulang a maeleihkuh hae. Pya vae paw uccaw hae kha nae kyate na ro khyh oh zetuh, nae kya ka um vae lan khyh.

JOSHUA 7:12 Iomraidhean Croise

The Psalms 44:10

Kaening kha rhaw hae malang khe nae ccuesah zah, kae rhaw hae nynh uccaw oun luade vae hae.

The Psalms 60:10

Pou Pachia, kaening kha phe nae vua vae khyh tou? Pou Pachia, kae rhawkaw hae ryte na cceihkheih khyh oh tou?

PHUNGTANGBYA 28:1

Ccungccaw hoyleipaw tuh hum nynh san a dee khyh zemah a ccue, thuasalama miding tuh chindeih hawte a rawthung.

ISAIAH 59:2

Nae hoyleinaw nynh nanning kha nae Pachia kyate ae sawsaku oh, nawthae khyh nawlan nae seinaw nynh a mae kha nanning kyate ccanglang a hawisah.

JEREMIAH 23:33

E ccungccaw hae nynh thuasah, profeh nynh thuasah, ranpibawi nynh thuasah, “Bawipaw kya-e phupaw ripaw tuh pawmou athua?” cite ae khia hae ze, minmin kha, “Nanning hynh phupaw ripaw na thua oh zah, ccaring kae vua cih oh, cite Bawipaw nynh a ci,” cipaw kha na hopah cih hae.

JEREMIAH 6:8

Pou Jerusalem, raeringkuh, tuhkhyhze tuh na nungsiku keiccuze kae maetawkuh cih, nang kha kae roh cih zah ccungccaw um leinaw ram lang kae rae cih.

HOSEA 9:12

Ccaaw a saahku hae zemah lu kheit sanmah a hiinhy lei lan ciate ka chitawsah cih hae. Minmin kha he ka cciataw hae te, minmin hanlan ngaethya lan kou um ccaccing cih!

HABAKKUK 1:13

Na mit tuh myaryamaw thyaa zah ahoy leipaw kha na do khyh, ahoy leipaw cyisahnaw kha na do khyh; tuhte athua ze, pawccemou mih lungzi lei hae paw kha do kyalya te na do hae zah, ccungccaw hoylei hae paw nynh mimaw laeze a dinghua hae paw kha a laang lya hae khe pawccemou yccae leite na um?

NAMBAR 14:39

Moses nynh e bya hae kha Israel hae balyn kalan he a hopah hae te, ccungccaw hae tuh thawmawte a rah hae.

NAMBAR 14:42

Cceihthung nan oh, pawccecize Bawipaw nynh ae umkhae khyh oh; naemaw te naemaw kha nae rhaw hae malang chisaku ry nan oh.

NAMBAR 14:43

Pawccecize Amalek hae te Kanaan hae nynh tuin kya ae hawilia cih oh zah thaloi te na khuliakuh cih oh; pawccecize nanning tuh Bawipaw nulang zuikunaw kyate na maeleihkuh vae oh zah, Bawipaw tuh nanning ryte um vae lan khyh,” a cipya hae.

NAMBAR 14:45

Oute tuh-e mua ahangnaw kya um hae paw Amalek hae te Kanaan hae nynh oun cceihbung hae zah minmin kha phe a tae hae te, Hormah kyacia a deehui hae.

DEUTERONOMY 7:26

Anungsikuhpaw uccaw kha nae inn lungkhu lang teekhae nan oh, tuhkhyhze tuh tuh-e uccaw hawte ro khylan phia na thuasei cih oh. Tuh-e tuh myaryamaw na hua cih oh zah anungsikuhpaw lang na ria cih oh, pawccecize ro khylan phia athua.

JOSHUA 6:18

Ro lan cite pya vae paw uccaw hae kha nanning nynh lah nan oh, ro lan pya vae paw uccaw ccangkhakheit kha na lawsei oh zetuh, Israel tungvaw vawsawnaw thuakhaete Israel ryahmin kha ro lanpaw uccaw lang na raesei cih oh.

BYAPIATU 16:20

Tetuh Delilah nynh, “Samson, Filistin hae nynh ae thuanua vae hae!” a cipya. A inaw kyate yn thokuh zah, “Ninhyn hawte ka pou cih zah, kamaw te kamaw ka luesakuh cih,” cite a tuaku. Thuasalama Bawipaw nynh yn cciataw vae cipaw nyhkuh khyh.

BYAPIATU 2:14

Tukeiccuze Israel tungvaw kya Bawipaw thinrianaw tuh maee lang rua zah, luadetu hae kuih kalan a pya hae, mih pepan umpaw mih rhaw hae kuih kalan a zua hae, tetuh mih rhaw hae kha thadynnua kho vae khyh hae.

BYAPIATU 2:4

Bawipaw vaawpaw nynh Israel hae balyn kya hynh-e bya he a ho tuh, ccungccaw hae tuh thawte a rah hae.

1 SAMUEL 14:38

Saul nynh, “Ccungccaw cciakhaetu hae balyn, hynhlang rang oh; e seinaw hynh atunin pawtemou yn tho cipaw kha ccungtua oh sih.