JOSHUA 7:1 - Zotung Bible 2016

¹ Thuasalama pya vae paw uccaw kyakhe Israel hae tuh lungzinaw hoi khyh hae: Judah phin hae kya-e Zerah ccapaw Zabdi ccapaw Karmi ccapaw Akhan nynh pya vae paw uccaw abang kha a law; te Israel hae tungvaw kya Bawipaw thinrianaw tuh maee lang arua.

JOSHUA 7:1 Iomraidhean Croise

GENESIS 34:27

Mih ccianung tuh a thethya vae keiccuze ccangpaw Jakob ccaaw hae nynh a chia vae hae paw ccungccaw hae kalan cceih hae zah, khua kha thiing hae zah

2 SAMUEL 24:1

Israel hae tungvaw kya Bawipaw thinrianaw tuh maee lang rua zah, minmin kha rawsete aning nynh David kha tuhou zah, “La cceih lah, Israel te Judah ccungccaw hae kha milu ria hae,” a cipya.

2 SIAPHARAN 5:24

Khualungrua kya he a thua hae te, mih tungvaw kya-e sungkua hae kha lah zah inn lungkhu kya a nung; te minmin kha cciasah hae zah a cceih hae.

1 SHERIANAW 21:7

E ryalaw hynh Pachia nynh ry khyh zah Israel kha de a tah.

2 SHERIANAW 24:18

Minmin nynh Bawipaw inn, mih minpaaw hae Pachia kha vua hae zah Asherah te zohtuh hae kha rya a lawpya hae. E mih cyiseinaw keiccuze Judah ram te Jerusalem tungvaw kya Bawipaw thinrianaw accah.

EZRA 9:6

“Pou ka Pachia, na kalan ka mae hawi lanpaw hynh myaryamaw ka maethah zah ka hawi ngan khyh, pawccecize ka Pachia, kae hoyleinaw tuh kae lu po lawe zah kae cyiseinaw tuh vaawlui phe aphah.

JOB 35:8

Na hoyleinaw nynh namaw tahawpaw milae kyalya kha a teingsah hae, na dingnaw nynh mah mingccang hae kyalya kha thanenaw a pya hae.

PHUNGHOTU 9:18

Hawnaw tuh rhawtuknawpaw zunghe laeze ahoyhua, thuasalama misei lu kheit nynh hoynaw patae kha a ro.

DANIEL 9:7

“Pou Bawipaw, nang tuh na ding; na tungvaw mih lungzi khyh keiccuze na deenaw hae ram, anaenaw te asawnaw e ram takyh kya um hae paw Judah hae, Jerusalem khuaccaaw hae te Israel hae balyn tuh atunin hynhcite maethyanaw kae mue.

LEVITIKAS 10:6

Te Moses nynh Aaron te a ccapaw hae Eleazar te Ithamar kha, “Nae sang kha phuasalae lan nung nan oh, nae boeining kha sei nan oh, tuhkhyhze tuh na chih cih oh zah thinrianaw kha ccungccaw zapi balyn tungvaw a ccah cih; thuasalama nae uno hae, Israel ccungccaw balyn nynh Bawipaw nynh a ruasahpaw maeeruanaw kha rawkhui hae sah.

JONAH 1:7

Sanphalung kya ryalahtu hae nynh, “Rang oh, e vawsawnaw hynh ahum keiccu mou ah tung oh cipaw ny nawlan ccungthyhdung oh sih,” cite a hoku hae. Ccungthyhdung hae zah, Jonah tungvaw accah.

JOSHUA 22:16

“Bawipaw ccungccaw hae nynh mih balynte, ‘Israel Pachia tungvaw kya na rae oh paw rawsenaw hynh pawmou athua? Atunin Bawipaw kha dou khylan Bawipaw laanpi kyate na cceihsei oh zah, silawhang ccangkheit na raeku oh paw hynh paw suilan mou athua?

JOSHUA 22:18

nanning nynh Bawipaw nulang zuiku leite atunin ccanglang na maekuh cih oh tou! Nanning nynh Bawipaw kha atunin na dou oh ze, Israel ccungccaw zapi tungvaw awkhualan a thinria cih.

JOSHUA 22:20

Pya vae paw uccaw konglang te Zerah ccapaw Akhan nynh a lungzi khyh keiccuze Israel ccungccaw zapi balyn tungvaw kya thinrianaw yn ccah khaw? Te aning a hoyleinaw keiccuze amaw kyalya chih khyh!’ a ci hae,” cite a hopya hae.