JOSHUA 6:6 - Zotung Bible 2016

⁶ Tukeiccuze Nun ccapaw Joshua nynh ranpibawi hae kha ko hae zah, “Byakin thingkua kha lah oh lah, Bawipaw byakin thingkua malang khe ranpibawi lu sari nynh tuutepaw ki ccangsari kha ccyng oh,” a cipya hae.

JOSHUA 6:6 Iomraidhean Croise

EXODUS 25:14

Te thingkua puih nawlan puihnawpaw ccong kha thingkua apaki kya umpaw sui bawtary hae lungkhu lang na ruh cih.

LOCCEIHTU 9:1

Saul tuh Bawipaw zuitu hae kha hurawte chia lanpaw kha hy lang a sue, te ranpibawi lupi kalan cceih zah,

JOSHUA 24:11

Te Jordan vaw kha na zua oh zah, Jeriko kya na thua oh, Jeriko khua e ccungccaw hae te Amor ccungccaw hae, Periz ccungccaw hae, Hit ccungccaw hae, Girgash ccungccaw hae, Hiv hae te Jebus hae nynh zemah nanning kha ae dou oh; minmin tuh nae kuih kya kae pya oh.

JOSHUA 3:3

ccungccaw hae kha, “Levi phin ranpibawi hae nynh a puih hae paw Bawipaw nae Pachia kya-e byakin thingkua kha he na muih oh te, nae umnaw kyate na thokuh cih oh zah na zui cih oh,

JOSHUA 3:6

Joshua nynh ranpibawi hae kha, “Byakin thingkua kha puih oh lah, ccungccaw hae malang khe cceih oh,” a cipya hae. Tukeiccuze byakin thingkua kha puih hae zah ccungccaw hae malang a cceih hae.

JOSHUA 6:13

Te Bawipaw byakin thingkua malang khe ranpibawi lu sari tuh tuutepaw ki mungkae ccangsari kha ccyng hae zah tu biate a cceih hae. Zunghe ccyngkuh hae paw tuh minmin malang cceih hae zah, nulang rhawviatu hae tuh Bawipaw byakin thingkua nulang te a cceih hae, ranpibawi hae nynh mungkae kha a tubia lalia hae.

JOSHUA 6:5

Minmin nynh tuutepaw ki kha tu hae zah, mungkae roi kha he na thae oh te, ccungccaw balyn nynh thawmawte a sia cih hae; te khua koihnawpaw khualungrua tuh marya a ting cih zah, ccungccaw hae balyn tuh lawbabin lan malang a cceih cih hae,” a cipya.

JOSHUA 6:7

Ccungccaw hae balyn kha mah, “Malang cceih oh lah, khuapi kha voilu oh, zunghe a ccyngkuh hae paw kha Bawipaw byakin thingkua malang cceih oh,” a cipya hae.

JOSHUA 6:8

Joshua nynh ccungccaw hae tuh kaw a pya hae thyhte, Bawipaw malang kya tuutepaw ki mungkae ccangsari a ccyngtu hae ranpibawi lu sari tuh mungkae tu biate malang cceih hae zah, Bawipaw byakin thingkua nynh minmin kha a zui hae.

1 SAMUEL 4:3

Rhawkaw hae tuh ryahmin kalan he oun thua hae te, Israel piccan hae nynh, “Pawccemou atunin kya Bawipaw nynh Filistin hae malang khe rhaw oun shungsah? Bawipaw tuh aening kalan yn cceih zah ah rhaw hae thungnaw kyate oun khum nawlan, Bawipaw byakin thingkua kha Shiloh khua kyate hynh-e kalan cciakhae oh sih,” a ci hae.