JOSHUA 6:4 - Zotung Bible 2016

⁴ ranpibawi lu sari nynh byakin thingkua malang khe tuutepaw ki mungkae ccangsari kha a ccyngkuh cih hae. Nin sarinaw nin vae tuh khua kha vae sari na voilu cih oh, ranpibawi hae nynh mungkae kha a tu cih hae.

JOSHUA 6:4 Iomraidhean Croise

GENESIS 2:3

Tukeiccuze Pachia nynh nin sarinaw nin kha hythuapya zah taekhia lante a thyaasah, pawccecize tuh-e nin khe Pachia nynh a raepaw raenaw balyn kha thangsah zah a haeung.

1 SIAPHARAN 18:43

Te a ryalahtupaw kha, “Cceihthung lah, rili kalan khe dotua,” a cipya. Aning nynh cciathungte do zah, “Pawpaw mah um khyh,” a cipya. Te Elijah nynh, “Vae sari cia buabua cciatua,” a cipya.

2 SIAPHARAN 5:10

Elisha nynh Namaan kalan locceihtupaw kha saw zah, “La cceih lah, Jordan vaw kya vae sari tui la singkuh, te na ngesaw tuh amaw mamin lang a tang cih zah na thyaa cih,” cite a hosah pya.

2 SIAPHARAN 5:14

Tukeiccuze aning nynh cceihbung zah Pachia ccungccapaw bya thyhte, Jordan vaw kya vae sari a phungku; a ngesaw tuh imua taraw ngesaw hawte thuathui zah, aning tuh athyaa.

2 SHERIANAW 13:12

Dotua oh, Pachia tuh kae kya um zah oun cciakhaetu nynh thua, Pachia ranpibawi hae tuh nanning tuknawpaw roi ccaesah khylan rhawtuknawpaw mungkae a hoi hae. Pou Israel hae, Bawipaw , nae minpaaw hae Pachia kha dou nan oh; pawccecize na tae lan khyh oh,” a cipya hae.

2 SHERIANAW 20:17

Pou Judah hae te Jerusalem khuaccaaw hae, e rhawtuknaw tuh nanning nynh tuk lanpaw thua khyh; nae umnaw kya phang thadyn oh lah, naemaw ccelang Bawipaw nynh ae taepya oh paw kha do oh,’ a ci. Rih nan oh lah, nae bungzou nan sah; awkhualan minmin kha ccianua oh lah, Bawipaw tuh nae kya a um cih,” a cipya hae.

2 SHERIANAW 20:19

Levi phin Kohath hae te Korah hae tuh Bawipaw , Israel Pachia kha thehoysah khylan myarya ccae lan roisaw hae zah a thadyn hae.

2 SHERIANAW 20:21

Ccungccaw hae kha tuanaw a ngia kou hae te, rhawkaw hae malang a ccia lya hae khe, “Bawipaw kalan lungtuabya hotua oh, pawccecize atynpaw a sungsahnaw tuh zungzae atyn,” cite Bawipaw kalan hlaw a sah cih hae paw te athyaapaw ccaankunaw te the a hoysah cih hae paw kha a nung hae.

JOB 42:8

Tukeiccuze atu nanning nynh tangnuapaw sa sari te tuutepaw sa sari kha lah oh lah, ka ryalahtu Job kalan cciakhae oh, naemaw hanlan maee-ute silawnaw kha rae oh; ka ryalahtu Job nynh nanning hanlan saw ae sangpah cih oh, pawccecize na ngaeenaw oh thyhte nae tungvaw ka cyi khyh nawlan, Job sawsangnaw kha ka thaepah cih, pawccecize ka ryalahtu Job nynh a cyi hawte, nanning nynh ahmepaw ka konglang kha na ho khyh oh,” a cipya hae.

ISAIAH 27:13

Tuin nin vae tuh, mungkae pipi kha tuu athua cih, te Assiria ram kya a zo hae paw te Izip ram lang dee athua hae paw tuh oun thua cih hae zah, Jerusalem khua athyaapaw mua vawlan khe Bawipaw kha a beik cih hae.

LEVITIKAS 14:16

te a ranglang kuihdung kha a voilang kuih kya umpaw chitui kyakhe a dung cih a kuihdung khate chitui abang kha Bawipaw malang khe vae sari a hei cih.

LEVITIKAS 4:6

Ranpibawi nynh a kuihdung kha tuh-e chii lungkhu a dung cih zah chii abang khate beikinnthyaa kya zokhawpaw boei malang Bawipaw malang khe vae sari a hei cih.

ZEKHARIAH 4:2

Aning nynh kae kha, “Pawmou na muih?” cite yn khia zah, kae nynh, “Sui mawcci te raepaw maeekhuatung kha ka muih, tuh-e a dung khe pakekhupaw ccangkheit, maeekhua ccangsari, tuh-e pakekhupaw te tuh-e maeekhua ccangsari piadenawpaw paih ccangsari a um.

ZEKHARIAH 4:6

Vaawpaw nynh kae kha, “E hynh Zerubbabel kalan yn thuapaw Bawipaw bya nynh thua: Thungnaw liate thua khyh, huhan liate mah thua khyh, ka muisaw liate nynh thua, cite vaaw Bawipaw nynh a ci.

NAMBAR 23:1

Oute Balaam nynh Balak kha, “Hein kya silawhang ccangsari yn raepah lah, tangnuapaw sa sari te tuutepaw sa sari kha kamaw hanlan yn paccynpya tua,” a cipya.

JOSHUA 6:13

Te Bawipaw byakin thingkua malang khe ranpibawi lu sari tuh tuutepaw ki mungkae ccangsari kha ccyng hae zah tu biate a cceih hae. Zunghe ccyngkuh hae paw tuh minmin malang cceih hae zah, nulang rhawviatu hae tuh Bawipaw byakin thingkua nulang te a cceih hae, ranpibawi hae nynh mungkae kha a tubia lalia hae.

JOSHUA 6:3

Khua kha na voilu cih oh, rhawkaw balyn nynh se kheit a voilu cih hae, tuhcite nin taruh lungkhu na cyih cih oh,

JOSHUA 6:5

Minmin nynh tuutepaw ki kha tu hae zah, mungkae roi kha he na thae oh te, ccungccaw balyn nynh thawmawte a sia cih hae; te khua koihnawpaw khualungrua tuh marya a ting cih zah, ccungccaw hae balyn tuh lawbabin lan malang a cceih cih hae,” a cipya.

BYAPHY 1:20

Ka ranglang kuih kya na muihpaw awsi ccangsari te sui maeekhuatung ccangsari nynh a ho rypaw byakhupaw tuh hynhte nynh thua: Awsi ccangsari tuh khriccaawbuu buu sari kya-e vaaw hae nynh thua; na muihpaw maeekhuatung ccangsari tuh khriccaawbuu buu sari kha nynh thua.

BYAPHY 1:4

Kae, Johan nynh Asia ram kya umpaw khriccaawbuu buu sari kha kae beihlang oh. Atu lya a umpaw, langmawlya a la um vae paw te malang zemah a um cih paw amaw kyate thuasah, a bawitungkhung malang a um hae paw muisaw hae ccangsari kyate thuasah,

BYAPHY 10:3

Chindeih nynh a sia hawte roi accae lante thawte a sia; he a sia koute kholungthyhpaw roi vaesari accae.

BYAPHY 15:1

Alesaepaw te ngaeang lan umpaw ccangpaw muihsahnaw kha vaawlang khe ka muih, tuh-e tuh nyathyakou e shethya ccangsari a hoi hae paw vaaw hae lu sari nynh thua; pawccecize tuh-e shethya hae tuh Pachia thinrianaw a thangnaw nynh thua.

BYAPHY 15:7

Ahiinpaw sarangpaw hae sa pali kyaze sa kheit nynh zungzae te zungzae cia ahiinpaw Pachia a thinrianaw te phe beihpaw sui pakekhupaw ccangsari kha vaaw hae lu sari kalan khe a pya hae.

BYAPHY 16:1

Beikinn lungkhu te myarya accaepaw roi nynh, “La cceih oh lah, Pachia thinrianaw athuapaw pakekhupaw ccangsari kha laephi vawlan ccae oh,” cite vaaw hae lu sari kalan a hopya hae paw kha ka thae.

BYAPHY 5:1

Alungkhu lang te anulang ccawzeikuh zah tazeih ccangsari te khia athuapaw ccakue ccangkheit kha bawitungkhung vawlan a haungpaw a ranglang kuih kyakhe ka muih.

BYAPHY 5:6

Kae nynh ka do zah bawitungkhung te ahiinpaw sarangpaw hae sa pali angaelung kya te piccan hae angaelung kyakhe a chia vae hae paw hawte athuapaw Tuutaw a thadynpaw kha ka muih; tuh-e Tuutaw tuh ki kisari te mit ccangsari hoi zah, tuh-e hae tuh laephi pynpi kalan sawpaw Pachia kya-e muisaw ccangsari nynh thua.

BYAPHY 8:2

Pachia malang a thadyn hae paw vaaw hae lu sari kha ka muih, te minmin kha mungkae ccangsari a pya hae.

BYAPHY 8:6

Mungkae ccangsari a hoi hae paw vaaw hae lu sari tuh mungkae tu lan paccynkute a um hae.