JOSHUA 6:26 - Zotung Bible 2016

²⁶ Tetuh Joshua nynh thyalawkute, “E Jeriko khua hynh raethui lan a zuakuhpaw miakaw tuh Bawipaw malang thyalaw thua sah! A ccatawccaw lu khate khua athonaw aleihpaw kha a thadynsah cih zah, a ccasoi lu khate khua koikua kha a rae cih!” a ci.

JOSHUA 6:26 Iomraidhean Croise

1 SIAPHARAN 16:34

Ahab she lyakhe Bethel khuapaw Hiel nynh Jeriko khua kha a rae; Bawipaw nynh Nun ccapaw Joshua kyate a la hopaw bya thyhte, khua aleihpaw bing lyakhe a ccatawccaw Abiram hiinnaw kha zosah zah, khua koikua a rae lyakhe a ccasoi Segub hiinnaw kha a zosah.

1 SIAPHARAN 22:16

Thuasalama siapharan nynh, “Byaccingpaw laelan ccangpaw bya kha Bawipaw min te nae hopya khyh nawlan, vae hohzeihmou bya kae kinsakuh cih?” a cipya.

2 SIAPHARAN 2:4

Elijah nynh, “Elisha, hein kya la um; pawccecize Bawipaw nynh kae hynh Jeriko lang ccia lan yn naw,” a cipya. Thuasalama Elisha nynh, “Bawipaw tuh a hiin thyhte, nang mah na hiin thyhte, nang kha kae cciataw lan khyh,” a cipya. Tukeiccuze minmin tuh Jeriko khua lang a cceih hae.

MALAKHI 1:4

Edom nynh, “Aening tuh phiariphiarae nung ah thua oh zemah, arohpaw khua hae kha bua ah sakthui cih oh,” cite a ho hae ze, vaaw Bawipaw nynh a hopaw tuh: Minmin nynh a sak kho hae zemah kae nynh ka roh cih, minmin tuh ahoy leipaw ram, Bawipaw nynh zungzae a thinrianuapaw minphuin, cite ko athua cih hae.

MATTHAI 26:63

Thuasalama Jesu tuh yccae khyh. Te ranpibawi lupi nynh, “A hiinpaw Pachia min phyate thyalawkute bya na kinkuh cih; nang hynh Pachia Ccapaw Messiah na thua tou, na thua khyh tou oun hopya tua,” a cipya.

LOCCEIHTU 19:13

Ahoy leipaw muisaw hae a deethya hae paw, a khiavuikuh hae paw Judah hae abang nynh, “Paul nynh a hopaw Jesu liate nanning kha kae dee oh,” cite ahoy leipaw muisaw hae nynh a ccungnua hae paw tungvaw khe Bawipaw Jesu min kha mang lan a zuaku hae.

JOSHUA 16:7

te Janoah kyate Ataroth te Naarah kyacia cceihbung zah Jeriko khua a thua koute Jordan vaw khe athang.