JOSHUA 6:23 - Zotung Bible 2016

²³ Tukeiccuze dophitu athua hae paw ccangvae hae nynh tee hae zah Rahab kha a nung, a paaw, a raee hae te a ccungccaw hae balyn—a puizia hae balyn ryte poukhae hae zah, Israel ryahmin atolang khe a nung hae.

JOSHUA 6:23 Iomraidhean Croise

GENESIS 12:2

Nang kha myarya lepaw minphuin lang kae rae cih, nang tuh hythua ccoupaw na thua nawlan na min kha kae thaansah cih zah hythua kae pya cih.

GENESIS 18:24

Khuapi lungkhu miding sung pangaw a um lanze na roh cih tou? Tuh-e khua lungkhu um hae paw miding sung pangaw liate tuh-e khua kha ngaethya leite na roh cih tou?

GENESIS 19:29

Tuhte Pachia nynh Vahue e khua hae kha he a roh tuh Abraham kha a liathui, tukeiccuze Lot nynh khua a la sahnaw khua hae kha Pachia nynh he a roh tuh ronaw lungkhu kyate Lot kha a pousah.

NAMBAR 31:19

Ryahmin atolang khe nin sari um oh; nanning lakuze ccungccaw a theihpaw miakaw te michi rhua a typaw miakaw nynh naemaw te naemaw kha thuasah, na kyng oh paw kha thuasah nin thumnaw nin te nin sarinaw nin khe thyaasah oh.

LOCCEIHTU 10:28

Peter nynh, “Judah ccungccaw lu kheit nynh Zentapaw kalan paebua lanpaw te vaeccawku lanpaw tuh aphung thua khyh cipaw na ny oh; thuasalama hum ccungccaw kha sanmah anungsikuhpaw te athyaa leipaw cite ka ci vae khyh nawlan Pachia nynh yn muihsah vae.

LOCCEIHTU 27:24

‘Paul, rih nan; nang tuh Sizar siapharan malang na thadyn cih; nang ryte sanphalung kya na cceihkheih oh paw balyn kha Pachia nynh khynnaw ae pya cih oh,’ cite yn hopya.

1 KORIN 5:12

Atolang e ccungccaw hae kha byapia lanpaw tuh kae nynh pawmou ka se? Alungkhu e ccungccaw hae kha nanning nynh byapia lanpaw thua khyh tou?

EFESA 2:12

Tuh ccyh lyaze nanning tuh Khri leite na la um oh paw, Israel ccazing kya umbua leite ramccang hae na thua oh paw, byakinpyakupaw byakinnaw te asekuh leipaw mikhia hae na la thua oh paw te ngaehoinaw hoi leite Pachia leite laephi kya na la um oh paw kha liathui oh.

HEBRU 11:31

Ohhuanung Rahab tuh dophitu hae kha ahoyte innccong a thuasah hae keiccuze zynnaw liate aning tuh kawngae lei hae paw kya chihbua khyh.

HEBRU 11:7

Noah tuh muih loh leipaw uccaw hae kong kha Pachia nynh raeringnaw a pya koute a innbyn khumnaw hanlan Pachia rawrinaw te zynnaw liate sanphalung kha a sak, tuh-e zynnaw liate laephi kha seibe zah zynnaw liate yn thuapaw dingnaw rho a ccoutu lang yn tang.

JOSHUA 2:13

Ka nung te ka paaw, ka raee hae te ka uno hae, minmin te asekuh hae paw balyn kha na haang oh zah, chinaw kyate kae hiinnaw nae luesah nawlan oh, ahmepaw muihsahnaw kha yn pya oh,” a cipya hae.

JOSHUA 2:16

Aning nynh minmin kha, “Ae deehui oh paw nynh ae phya khyh nawlan oh, mua lang la ccue oh. Ae deehui oh paw a ki mawlaezung hae, nin thum cia tuin kya rekuh oh, tukoute tuh po na cceih kho vae oh,” a cipya hae.

JOSHUA 2:18

e ram lungkhu lang he kae tee te, kaening nae sawbungnaw thanlan-aw kyakhe e liarui asepaw hynh na la khiide cih zah, na inn kyakhe na nung te na paaw, na raee hae te na innbyn hae balyn kha na la pum cih hae.

BYAPIATU 1:25

Tetuh aning nynh khua lungkhu lang a teepaw laanpi kha a hopya hae; te minmin nynh khuaccaaw hae kha thaloi te a bae hae, thuasalama tuh-e ccungccapaw te a innbyn hae balyn kha tuh a cciasah hae.