JOSHUA 6:22 - Zotung Bible 2016

²² Te Joshua nynh ram dophitu lu ning hae kyakhe, “Ohhuanung inn lang la tee oh lah, bya na kinpyaku oh hawte, tuh-e nopinung te a ccungccaw hae balyn kha oun poukhae oh,” a cipya hae.

JOSHUA 6:22 Iomraidhean Croise

2 SAMUEL 21:2

Tukeiccuze siapharan nynh Gibeon hae kha ko hae zah a hopya hae. (Gibeon hae tuh Israel hae thua khyh hae, Amor hae a laehy hae paw nynh thua hae; Israel hae nynh minmin kha kae haang cih oh cite bya a la kinpyaku hae zemah, Saul nynh Israel hae te Judah hae kha myarya pankhae hae zah minmin kha maemih lan a zuaku.)

2 SAMUEL 21:7

Thuasalama siapharan nynh Saul ccapaw Jonathan a ccapaw Mefibosheth kha tuh a haang, pawccecize David te Saul ccapaw Jonathan nynh Bawipaw malang khe byakinkunaw a la rae hae.

The Psalms 15:4

ccungccaw hoy leipaw kha pawlangria leipaw, thuasalama Bawipaw raw a rih hae paw kha saw a tuapaw, vawsaw a tung zemah a byakinnaw a tynsahpaw,

EZEKIEL 17:13

Siapharan ciihan lu kheit kha ko zah, byakinsakute tuh-e paw ryte byakinnaw kha a rae, (aning nynh ram lungkhu e lupi hae kha a cciakhae hae),

EZEKIEL 17:16

Bawipaw PACHIA nynh a hopaw tuh: Kae tuh ka hiin thyhte, thanccingte siapharan lang a khangtupaw siapharan kya-e byakinnaw kha pawlangria khyh zah, aning te a raekheih hae paw a byakinnaw kha a ro keiccuze siapharan lang a khangtupaw a umnaw Babilon khua khe aning tuh a chih cih.

HEBRU 11:31

Ohhuanung Rahab tuh dophitu hae kha ahoyte innccong a thuasah hae keiccuze zynnaw liate aning tuh kawngae lei hae paw kya chihbua khyh.

JOSHUA 6:17

Khua te a lungkhu umpaw balyn tuh ro khylan Bawipaw kalan pya athua cih. Aening nynh ah saw oh paw locceihtu hae kha a thuruh keiccu hae ze, ohhuanung Rahab te a inn kya um hae paw balyn tuh a hiin cih hae.

JOSHUA 6:23

Tukeiccuze dophitu athua hae paw ccangvae hae nynh tee hae zah Rahab kha a nung, a paaw, a raee hae te a ccungccaw hae balyn—a puizia hae balyn ryte poukhae hae zah, Israel ryahmin atolang khe a nung hae.

JOSHUA 9:15

Te Joshua nynh minmin ryte ccawkunaw rae zah, mih hiinnaw haang lante aamah a khanpyaku hae; te ccungccaw zapi cciakhaetu hae nynh minmin kha thyalawkute bya a kinpyaku hae.

BYAPIATU 1:25

Tetuh aning nynh khua lungkhu lang a teepaw laanpi kha a hopya hae; te minmin nynh khuaccaaw hae kha thaloi te a bae hae, thuasalama tuh-e ccungccapaw te a innbyn hae balyn kha tuh a cciasah hae.