JOSHUA 6:21 - Zotung Bible 2016

²¹ Te khua kya umpaw balyn, nopi pise, adih ale, vaetua, tuu te lann hae kha thaloi te marya a ro hae.

JOSHUA 6:21 Iomraidhean Croise

1 SIAPHARAN 20:42

Te profeh nynh amaw kha, “Bawipaw nynh hynhte a ho, ‘Chia lan ka cipaw ccungccapaw kha na cciasah keiccuze na hiinnaw tuh a hiinnaw hanlan, na ccungccaw hae hiinnaw tuh a ccungccaw hae hiinnaw hanlan athua cih,’ a ci,” cite a hopya.

JEREMIAH 48:18

Ccanung Dibon khua e bawitungkhung kya a haung hae paw, phu-enaw kyate rungbung oh lah, laerou vawlan haungtua oh! Moab a rohtu nynh nang kha ae ccianua thung vae; na rhawlungrua kha a ro vae.

DEUTERONOMY 13:16

Na luade oh paw uccaw balyn kha khualae angaelung khe na ccakhung cih oh; oute khua te khua lungkhu e na luade oh paw balyn kha Bawipaw nae Pachia hanlan abalynte maee-ute silawnaw lante maee te na u cih oh. Tuh-e tuh zungzae arohpaw khua athua vae cih zah, papinmaw raethui thua vae lan khyh.

DEUTERONOMY 2:34

Tuh ccyh lyaze a khua balyn kha ah lah oh zah khua takyh kya umpaw pise hae, nopi hae te imua hae kha marya ah maemih oh. Lu kheit sanmah a hiin te ah cciataw khyh oh.

DEUTERONOMY 7:16

Bawipaw nae Pachia nynh ae pya cih oh paw ccungccaw balyn kha thawccinaw langsapyaku leite na roh cih oh; mih pachia hae kha na roh cih oh; mih pachia hae kha na beik lan khyh oh, pawccecize nae hanlan tuh-e tuh kaang athua cih.

JOSHUA 10:28

Tuin nin khe Joshua nynh Makkedah khua kha lah zah, tuh-e khua te a siapharan kha thaloi te a bae hae; khua lungkhu umpaw ccungccaw balyn kha lu kheit san a laehy lei lan ciate khaleih a ro hae. Jeriko siapharan tungvaw a cyi hawte Makkedah siapharan tungvaw kya mah a cyi.

JOSHUA 10:39

Debir siapharan te a pepan e khua hae balyn kha a law hae; minmin kha thaloi te bae hae zah, khua lungkhu umpaw ccungccaw balyn kha lu kheit san a laehy lei lan khaleih a ro hae; Hebron tungvaw a cyi hawte thuasah, Libnah te mih siapharan tungvaw a cyi hawte thuasah Debir te mih siapharan tungvaw kya mah a cyi hae.

JOSHUA 11:11

Hazor khua kya um hae paw balyn kha thaloi te bae hae zah khaleih a chia hae; ahiinpaw lu kheit san um khyh, Hazor khua kha maee te phe a soi.

JOSHUA 11:14

E khua hae kya-e luadepaw uccaw hae balyn te sahiin-awvaw hae kha Israel hae nynh mimaw elang a lawku hae; thuasalama ccungccaw hae balyn kha tuh a chi kou makhia hae, thaloi te theih hae zah ahiinpaw lu kheit san um lei lan marya a chia hae.

JOSHUA 8:2

Jeriko khua te a siapharan tungvaw na cyi hawte, Ai khua te a siapharan tungvaw na cyih cih; luadepaw uccaw te a sahiin-awvaw kyalya kha naemaw hanlan na lawkuh cih oh; khua kha anulang te buhkhaw oh,” a cipya.

JOSHUA 8:22

Te mingccang hae nynh khua kyate pounua hae zah minmin kha a dou hae; tukeiccuze Israel hae nynh Ai hae kha voilang ranglang te varyng a koihlu hae keiccuze a hiinhypaw te a ccuepaw lu kheit san a um lei lan a chia hae.

JOSHUA 9:3

Thuasalama Joshua nynh Jeriko khua te Ai khua kya a cyipaw kha Gibeon khuaccaaw hae nynh he a thae hae tuh,

BYAPHY 18:21

Tukoute a thawsaepaw vaawpaw nynh myarya lepaw sungmia-lung alopaw lung ccangkheit kha lawkuh zah rili lungkhu lang vua zah, “Babilon khualipi tuh hynhcite myarya ccih lan vua athua cih zah, kharouh muih lei lan vae.

1 SAMUEL 15:3

Atu la cceih lah, Amalek kha la tuk, mih hoipaw balyn kha khaleih la roh; minmin kha haang nan hae, nopi te pise, imua te nosi, tangnuapaw te tuu, kalauh te lann kha theih hae,’ a ci,” cite a hopya.

1 SAMUEL 15:8

Amalek siapharan Agag kha a hiin te a kyng, thuasalama ccungccaw balyn kha tuh thaloi te khaleih a ro hae.