JOSHUA 6:2 - Zotung Bible 2016

² Bawipaw nynh Joshua kha, “Dotua, Jeriko khua tuh a siapharan te a rhawkaw hae ryte na kuih kya kae pya vae.

JOSHUA 6:2 Iomraidhean Croise

2 SAMUEL 5:19

David nynh Bawipaw kha khia zah, “Filistin hae kha tuk lan ka ccianua thung cih hae tou? Minmin kha ka kuih kalan nae pya cih hae tou?” a cipya. Bawipaw nynh David kha, “Ccianua thung hae; pawccecize Filistin hae kha na kuih kalan kae pya ccaccing cih,” a cipya.

NEHEMIAH 9:24

Tukeiccuze mih ciihan hae nynh tee hae zah ram kha a ccou hae, mih malang khe tuin ram um hae paw Kanaan hae kha na tae hae zah mih siapharan hae te ramccungccaw hae kha mih rythyte a cyi ccaw hae cite mih kuih kya na pya hae.

DANIEL 2:21

Aning nynh accyh te kumvaelori kha a rulae, siapharan hae kha sahbung hae zah a hangthung hae; mihaw hae kha hawnaw pya hae zah, nythyanaw a hoi hae paw kha nynaw a pya hae.

DANIEL 2:44

Tuh-e siapharan hae she kyakhe papin aroh kho leipaw peenaw ccangkheit kha vaawlang e Pachia nynh a rae cih zah, tuh-e peenaw tuh mingccang hae kuih kya thua lan khyh. Kuih te cyi keiccu thua leite lungtungpi tuh mua kyate poh yn khohkuh zah, sivaw, sohin, anglae, ngun te sui hae a deihpaw kha na muih thyhte,

DANIEL 4:17

Ahang Huaccepaw Pachia nynh ccungccaw hae peenaw kha a uk cipaw te tuh-e peenaw tuh a pya rypaw ccungccaw kha pya zah, anyaa huapaw ccungccaw hae kha mah a pya hae cipaw kha ccungccaw balyn nynh a ny ccaw hae cite, thingku ngawtu hae nynh tuhcite byapia hae, tuh-e byapaenaw tuh athyaapaw vaawccungccaw hae kya-e kawpyanaw liate nynh thua,’ a ci.

DANIEL 4:35

Laephi ccungccaw balyn tuh alakawpaw lang ria thua hae zah, vaawccungccaw hae te laephi ccungccaw hae kha a ry hawte a cyi hae. Humhung nynh mah a kuih kha khee kho khyh zah, “Pawmou na cyi?” cite a hopah khopaw um khyh.

DANIEL 5:18

Pou siapharan, Ahang Huaccepaw Pachia nynh na paaw kha siapharan lang tangnaw, lesaenaw, phu-enaw te huhan hoinaw kha a pya.

DEUTERONOMY 7:24

Bawipaw nynh mih siapharan hae kha nae kuih kya ae pya cih oh zah, minmin kha vaawlui zakaw kyate a maemih cih hae; minmin kha na ro makhia oh, lu kheit nynh sanmah rawsete ae thadynnua kho lan khyh oh.

JOSHUA 12:9

Jeriko siapharan lu kheit Ai siapharan, Bethel pe a umpaw lu kheit

JOSHUA 2:24

Minmin nynh Joshua kyakhe, “Bawipaw nynh ram pynpi tuh aening kuih kya oun pya ccaccing vae; tuhpiaze ram lungkhu um hae paw balyn tuh aening keiccuze a rih vae hae,” a cipya hae.

JOSHUA 2:9

minmin kyakhe, “Bawipaw nynh e ram hynh ae pya vae oh cipaw kha thuasah, nanning raw kha eih kae ri keiccuze ram lungkhu um hae paw balyn tuh nae malang a thyngkuh hae cipaw kha thuasah ka ny.

JOSHUA 20:1

Bawipaw nynh Joshua kyakhe,

JOSHUA 6:1

Israel hae keiccuze Jeriko khua tuh alungkhu lang te thuasah, atolang te thuasah phang a khaw hae; tukeiccuze a poupaw te a teepaw humhung mah um khyh.

JOSHUA 6:3

Khua kha na voilu cih oh, rhawkaw balyn nynh se kheit a voilu cih hae, tuhcite nin taruh lungkhu na cyih cih oh,

JOSHUA 8:1

Te Bawipaw nynh Joshua kha, “Rih nan, na lungroh nan sah; rhawkaw balyn kha ko hae lah, namaw ryte Ai khua lang cceihthung oh. Ai siapharan kha a khua, a ccungccaw hae te a ram ryte na kuih kya kae pya vae.

BYAPIATU 11:21

Bawipaw , Israel Pachia nynh Sihon te a ccungccaw hae balyn kha Israel kuih kalan pya hae zah a tae hae; tukeiccuze tuin ram kya umpaw Amor hae ram balyn kha Israel hae nynh a law hae.

BYAPIATU 11:24

Na pachia Khemosh nynh ccou lan ae pyapaw kha na ccou lan ccan khyh tou? Bawipaw kae Pachia nynh kae hanlan oun taepyapaw miakaw kha kaening nynh kae ccou lan khyh tou?