JOSHUA 6:19 - Zotung Bible 2016

¹⁹ Thuasalama sui te ngun, sohin te sivaw uccaw hae balyn tuh Bawipaw hanlan thyaasah athua cih hae zah, Bawipaw sisuainn lungkhu lang a tee cih hae,” a cipya hae.

JOSHUA 6:19 Iomraidhean Croise

2 SAMUEL 8:11

tuh-e uccaw hae kha mah David Siapharan nynh Bawipaw kalan a pya; aning nynh a taepaw minphuin hae balyn kyate a lawpaw ngun te sui ryte pynkheihlan a pya;

1 SIAPHARAN 14:26

Bawipaw inn kya-e sisua hae te siapharan inn kya-e sisua hae kha a law hae. Atyn-are pong a law. Solomon nynh a raepaw sui khawriaphua balyn kha mah pong a law;

1 SIAPHARAN 7:51

Tuhcite Solomon Siapharan nynh Bawipaw inn elang rya a lawpaw balyn tuh a thangsah. A paaw David nynh a hlupaw uccaw hae: sui, ngun te angphe hae kha teekhae zah, Bawipaw inn lungkhu e sisuainn kyakhe a ccy.

2 SIAPHARAN 24:13

Bawipaw inn kya-e sisua balyn te siapharan inn kya-e sisua balyn kha Nebukhadnezzar nynh Babilon lang a phu; Israel siapharan Solomon nynh a raepaw, Bawipaw inn kya umpaw sui angphe hae balyn kha zoihtatyh lan a koi, e balyn hynh Bawipaw nynh a la hoty vae hawte nynh thua.

1 SHERIANAW 18:11

tuh-e uccaw hae kha mah David Siapharan nynh a taepaw minphuin hae balyn, Edom hae, Moab hae, Ammon hae, Filistin hae te Amalek kyate a lawpaw sui te ngun hae ryte Bawipaw kalan pynkheihlan a pya.

1 SHERIANAW 26:20

Levi phin hae lungkhu e, Ahijah nynh Pachia inn kya-e sisua hae te pyapaw lasung hae kha a ngaw.

1 SHERIANAW 26:26

Shelomoth te a uno hae tuh David siapharan, mih puizia hae raveih kya-e lu hae, ccungccaw athong uktu hae te ccungccaw aza uktu bawi hae te rhawkawphu kya-e rhawbawi hae nynh a hlu hae paw lasung hae, sisua hae balyn kha a do-oihtu hae nynh thua.

1 SHERIANAW 26:27

Minmin nynh rhawtuknaw kya-e a luade hae paw uccaw hae kha Bawipaw inn do-oihnaw hanlan a hlu hae.

1 SHERIANAW 26:28

Profeh Samuel, Kish ccapaw Saul, Ner ccapaw Abner te Zeruiah ccapaw Joab nynh a hlu hae paw uccaw miakaw—a pya hae paw lasung balyn kha Shelomoth te a neitaw hae nynh a do-oih hae.

1 SHERIANAW 28:12

Bawipaw inn voidu hae, po voilu lan umpaw akhaan hae, Pachia inn e sisuakhaan hae te pyapaw lasung hae nungnawpaw sisuakhaan hae, a thinlung kya a umpaw miakaw thyhte pungsan kha a pya;

2 SHERIANAW 15:18

A paaw nynh byakinkute a hlupaw lasung hae te amaw nynh byakinkute a hlupaw sui, ngun te angphe hae kha Bawipaw inn lungkhu langkhe a nung.

2 SHERIANAW 31:12

Minmin nynh ahlu, pumhaw pumkheit te hlupaw uccaw hae kha lungzite a teekhae hae. Tuh-e hae a do-oihtu bawi lepaw tuh Levi phin Konaniah thua zah a neitaw Shimei tuh lu ningnaw nynh thua;

NEHEMIAH 10:38

Levi phin hae nynh pumhaw pumkheit kha a law vae hae ze, Aaron ciihan ranpibawi tuh a umbua cih; te Levi phin hae nynh pumhaw pumkheit hae kya-e pumhaw pumkheit kha kae Pachia inn, sisuakhaan kya akhaan lungkhu lang a nung cih hae.

JEREMIAH 38:11

Tukeiccuze Ebed-melek nynh ccungccaw lu thum kokuh hae zah siapharan inn lang a cceih hae, te boeining nungnaw khaan e arynpaw boei aseiikuhpaw kha lah zah, tuisung lungkhu umpaw Jeremiah kalan khe arui ryte a sawbung pya.

LEVITIKAS 19:24

Kum palinaw kum khe mih thingthae balyn tuh athyaa cih zah Bawipaw thehoysahnawpaw ahlu athua cih.

MIKAH 4:13

Pou Zion ccanung, thokuh lah, loohcce hae kha tintua hae, na ki kha sivaw te ka rae cih zah, na ccukoh hae kha sohin te ka rae cih, minphuin patae kha zoihtatyh lan na pae cih hae, minmin nynh a mue hae paw uccaw hae kha Bawipaw kalan na pya cih, mih sisua kha laephi pynpi a uktu Bawipaw kha na pya cih.

NAMBAR 31:11

a kyng hae paw balyn te a luade hae paw balyn, ccungccaw thuasah, sahiinpaw thuasah khaleih a lawku hae.

NAMBAR 31:12

Tetuh a kyng hae paw, a lua hae paw te a lawde hae paw kha Jeriko khua kya, Jordan vaw kin umpaw Moab bialae mih ryahmin kya um hae paw Moses, ranpibawi Eleazar te Israel zapi hae kalan a thuakhae hae.

NAMBAR 31:22

sui, ngun, sohin, sivaw, ccephui, kue—

MATTHAI 27:6

Te ranpibawi lepaw hae nynh ngunphua kha khuin hae zah, “E phua hynh chiise mee athua keiccuze Beikinn sisua ccynaw kya nung lan ccan khyh,” a ci hae.

MARKA 12:41

Jesu tuh sisua bawng te ahawiliakuh lante haung zah ccungccaw hae nynh sisua bawng lungkhu lang phua a sang hae paw kha a do; a hoirum hae paw patae nynh phua patae a sang hae.

JOSHUA 7:11

Israel nynh phe sei vae; kaw ka pya hae paw ka byakin kha phe ro vae hae. Pya vae paw uccaw abang kha phe law hae; ruh hae zah hynbya hote mih uccaw hae kya a nungbia hae.