JOSHUA 6:18 - Zotung Bible 2016

¹⁸ Ro lan cite pya vae paw uccaw hae kha nanning nynh lah nan oh, ro lan pya vae paw uccaw ccangkhakheit kha na lawsei oh zetuh, Israel tungvaw vawsawnaw thuakhaete Israel ryahmin kha ro lanpaw uccaw lang na raesei cih oh.

JOSHUA 6:18 Iomraidhean Croise

2 SAMUEL 21:1

David ccyh lyakhe kum thum lungkhu, kum kheit koute kum kheit ccakanccih zah, David nynh Bawipaw kha a khia. Bawipaw nynh, “Saul te a innbyn tungvaw kya chiise luasahpaw seinaw a um, pawccecize aning nynh Gibeon hae kha a chia hae,” a ci.

PHUNGHOTU 9:18

Hawnaw tuh rhawtuknawpaw zunghe laeze ahoyhua, thuasalama misei lu kheit nynh hoynaw patae kha a ro.

JONAH 1:12

Jonah nynh minmin kha, “Kae hynh yn hang oh lah, rili lungkhu lang yn vua oh; tetuh rili tuh zya adae vae cih; pawccecize e athawsaepaw khise na tung oh paw hynh kae ka keiccu nynh thua cipaw ka ny,” a cipya hae.

Romans 12:9

Sungsakunaw kya thyaruhnaw um nan sah. Ahoy leipaw kha hua oh lah, ahoypaw kha kyngkuh oh;

2 KORIN 6:17

Tukeiccuze Bawipaw nynh, “Minmin kyate pou oh lah phiakuh oh; athyaa leipaw kha hae nan oh; tetuh nanning kha kae ccou cih oh.

EFESA 5:11

Athane leipaw mohnaw ryalaw hae kya panbua nan oh, tuh-e ryalaw hae kha langsakuh paleih oh.

DEUTERONOMY 13:17

Bawipaw nynh myarya lepaw a thinrianaw kyate paleihkuh zah nae minpaaw hae kya bya a kinku hawte ngaethya ae umsah oh zah ae pungthung sah nawlan oh, ro athua vae paw uccaw ccangkheit sanmah nae kuih te na ty lan khyh oh,

DEUTERONOMY 23:10

Nanning laku e lukhakheit tuh khuazi ccyh kyaze pyn kyate apouthyapaw atui keiccuze athyaa leipaw lang a tang lanze, ryahmin atolang a pou cih; ryahmin lungkhu lang tee lan khyh.

DEUTERONOMY 7:26

Anungsikuhpaw uccaw kha nae inn lungkhu lang teekhae nan oh, tuhkhyhze tuh tuh-e uccaw hawte ro khylan phia na thuasei cih oh. Tuh-e tuh myaryamaw na hua cih oh zah anungsikuhpaw lang na ria cih oh, pawccecize ro khylan phia athua.

JAMES 1:27

Paaw Pachia malang athyaapaw te anungsikuh leipaw beiknaw tuh e hynh nynh thua: Ngawraw hae te nomae hae kha mih vawsawnaw kya do-oihpaw te ahmaw mah laephi vaw e anungsikuhpaw kya kalouhku leite umpaw kha nynh thua.

JOSHUA 7:1

Thuasalama pya vae paw uccaw kyakhe Israel hae tuh lungzinaw hoi khyh hae: Judah phin hae kya-e Zerah ccapaw Zabdi ccapaw Karmi ccapaw Akhan nynh pya vae paw uccaw abang kha a law; te Israel hae tungvaw kya Bawipaw thinrianaw tuh maee lang arua.

JOSHUA 7:13

Thoku tua, ccungccaw hae kha thyaasah hae lah, ‘Awkhualan hanlan thyaasakuh oh, pawccecize Israel Pachia Bawipaw nynh, “Pou Israel, pya vae paw uccaw hae tuh nae kya a um; tuh-e pya vae paw uccaw hae kha nae kyate ccaring na vua mawlaezung oh, nae rhaw hae malang na thadyn kho lan khyh oh,” a ci.

JOSHUA 7:15

Te pya vae paw uccaw hae a lahtupaw tuh a hoipaw uccaw hae balyn ryte maee te soi athua cih, pawccecize aning nynh Bawipaw byakinnaw kha ei zah Israel hae kya maethya lan umpaw kha a cyi vae,’ cite hopah hae,” a cipya.

JOSHUA 7:25

Joshua nynh, “Pawccemou kae tungvaw vawsawnaw na thuasah? Atunin Bawipaw nynh na tungvaw vawsawnaw a thuasah cih,” a ci. Te Israel hae balyn nynh Akhan tuh lung te phe chih lan a deih hae; minmin kha lung te deih hae zah maee te a u hae.

1 JOHAN 5:21

Ka ccaaw hae, zohtuh hae kha la sibia oh. Amen.

1 SAMUEL 15:9

Saul te ccungccaw hae nynh Agag te ahoy huaccepaw tuu, vaetua, athopaw tuutaw te ahoypaw uccaw balyn kha khaleih ro leite a haang hae; anyaapaw te ccungkia leipaw balyn kha tuh khaleih a ro hae.